Mae Khuru 8:17 - Buka Blahi Ka Cheke Holo

¹⁷ Aonu mae Pita ghe mae Jone ne taofidi mare mala hatini mare u Tharunga te Blahi na.

Mae Khuru 8:17 ပူးပေါင်းရင်းမြစ်များ

Mae Khuru 19:6

Aonu mae Pol ne taofidi mala hatini mare u Tharunga te Blahi na. Mare ne funu cheke ka keha chekei nei toutonuni la chekegna God na.

Mae Khuru 6:6

Aonu, mare ne fakegradi fitu mae igre ke uludi mae khurure, mare ne taraidi nei taofidi.

Fapea Timoti 1:6

Naugna igne iara magnahaghei fapuhi nigho mala fabrabrana ni iagho u nolaghi teke tusu ari God tamu ka narane teke taofi nigho iara ia.

Mae Khuru 8:18

Mae Simon ne filoni te tusu lao God u Tharunga te Blahi na ka naikno teke taofi ka phia mae khurure. Aonu mana ne hata sileni ne mei ka phiamare ne cheke eghu,

Mae Khuru 2:4

Aonu mae Tharunga te Blahi ne mei au ka mare ne gnafa, eghuteuna mare ne funu cheke ka keha chekedi delei, leghuni unha nafnata cheke teke tusu ranghidi mae Tharunga te Blahi na.

Hibru 6:2

nei eidi puhi apublahi nei eigna taofi nei eigna kegra fapulo ka karha, nei eigna u fate ka narane leghu lahu.

Letas Teke Riso Tei Mae Pol Ka Khiloau Rom 1:11

Naugna iara magnahaghei fara te ari filo ghami ghotilo na, eigna God magnahaghei ghau iara te ari togho ghami ghotilo mala hata ghotilo nogna nolaghi Tharunga te Blahi na te mala farhetadi nomi fatutuani re.

Mae Khuru 9:17

Aonu mae Ananias ne tei ka sugagna mae Judas na ne taofini mae Sol. Mana ne cheke eghu, “Ghema kheraguo Sol, Lord Jisas neke kuru mei ghau iara. Mana ngala teke thakle ka iagho ia, kate ke tei iagho ka nabrou ia. Mana neke kuru mei ghau iara mala tangomana iagho teke fifilo fapulo na nei mala au balumu iagho u Tharunga te Blahi na.”

Naba 27:18

Aonu Lord ne cheke eghu ka mana, “Mae Josua, thugna mae Nun, nolaghi gna nogu Tharunga te Blahi iara na te au balugna mana na. Iagho ginauna tathalei teini mana ka tathadi naiknore nei ka mae pris Eleasa, eghuteuna habo lao khamemu na ka phaꞌu mana na mala taraini. Eghuteuna iagho ginauna cheke ka tathadi naiknore eigna mana teke tughu nigho iagho na.

Naba 8:10

Naikno te gnafa Israel gre ginauna mei mala habo lao khamedire ka phaꞌudi mae ka vikegna Livae re.

Ululahu Timoti 5:22

Ghaoghatho fakeli ame taofini nga mae ihei te mala loku ka khiloau na eghu. Kate filoni iagho mae biꞌo ka khiloau te tapla jafra ka nakhibo na, thosei ke tapla jafrala ngau iagho eghu. Nu reireghi nigho themu mala klino.

Ululahu Timoti 4:14

Uve ghema Timoti, u khokofakasai te au ka iagho ana mala loku, theome mala fiti au kolho. God neke tusu ari ka iagho, kani teke cheke eimu iagho hatimare mae profet nei kani teke taofi nigho hatimare mae biꞌo ka khiloau ra.

Mae Khuru 13:3

Aonu ke leghugna te dangna nei tarai teuna, mare ne taofidi phiamare ne kuru fajifladi.

Nonomho Te Keli Teke Risoi Mae Mak 5:23

Mae Jaerus ne toreni fara mae Jisas, “Mae biꞌo, thugu gaꞌase iara na la namo lehehi. Ghosei mei mala habo khamemure mala ke keli fapulo nei karha eghu naꞌa.”