Mae Khuru 7:9 - Buka Blahi Ka Cheke Holo

⁹ “Thugna mana igre neke goghotuni mae Josep, mae Josep gne kaisei mae ka hatimare nabotho phei mae kuꞌeda tahati igre. Eghume mare neke snakreni mae Josep ka keha naiknodi delei mala foli mare hata teini Ijep. Nu God neke au balugna mae Josep,

Mae Khuru 7:9 ပူးပေါင်းရင်းမြစ်များ

Jenesis 39:2

Lord na ne au balugna mae Josep, eghuteuna gobigna lepo te edi mana re ne thofno keli fara. Mae Josep gne ne loku ka sugagna mae Potifa na,

Nodi Khoje Hatimare Mae Jiu 105:17

Nu mana neke hohoro kaisei nabrou maladi mare neke kuru teini kaisei mae mala kulu tei Ijep. Nanghagna na, mae Josep. Mare neke kuru teini mana mala jateula kaisei mae sneka eghu jare.

Profet Isaia 43:2

Kate thoke mei puhi biꞌo ka ghotilo jateula te kasa ghotilo ke lamna nhorora ra teuna, iara ginauna au balumi ghotilo mala togho ghami ghotilo. Eghuteuna kate au ghotilo ke lamnadi narane te ninhigrana te jateula te kasa ghotilo ka khoꞌu biꞌo te britha ra teu igne, ghotilo ginauna theome kmerhu. Uve, kate thoke mei puhi biꞌo te jateula te tapla ghotilo ke lamna khaꞌaghi ra teuna, ghotilo ginauna na theome nhako.

Profet Isaia 41:10

Eghume ghotilo thosei mhaghu! Iara nomi God ghotilo mala au balumi ghotilo. Iara ginauna farheta ghami nei togho ghami eghu ghotilo. Uve, khame nhetagu iara na ginauna togho ghami ghotilo mala kegra heta ghotilo, eghuteuna iara ginauna reireghi ghami ghotilo ka puhi te doglo.

Jenesis 45:4

Aonu mae Josep ne cheke eghu ka mare, “Mei si ghotilo rhegu iara agne.” Kate lao mare te namo ka mana na, mana ne cheke eghu ka mare, “Iara mae Josep ngala. Iara thofno mae thabusimi ghotilo. Ghotilo tifa na neke snakre ghau iara ka mae bisnis ra neke foli ghau iara neke hata mei ghau iara agne Ijep mala kaisei nodi mae gloku mare.

Matiu 27:18

Mae Paelat kulu lasenihi hatimare mae pris ulu nei hatimare mae biꞌo te hatani mae Jisas te mei ka mana na, naugna mare goghotuni mae Jisas.

Jenesis 39:5

Aonu funu ka narane te au mae Josep ka gloku igne na Lord ne fablahini tharaknagna nei glepo te gnafa teu te au ka sugagna nei nogna nagare teu mae Potifa re, naugna mae Josep ne au neu jare baludi.

Profet Hagae 2:4

Nu iagho Serababel, iagho mae Josua, naikno te gnafa ka namono igne, heta gaoghathomi are. Iara Lord mae ihei te nolaghi fara, iara cheke fadoglo ka ghotilo: Iara magnahaghe ghami ghotilo te gnafa mala loku, naugna iara au balumi ghotilo.

Ululahu Korin 13:4

Naikno khiloau na mala namhadi keha naiknore jateula Kraes te namhadi naiknore eghu. Eghume naikno khiloau na mala au kmu nei keli ranghidi keha naiknore. Mana mala theome goghotu, nei theome mala ghatho tahuni thegna, nei theome mala fahaehaghe.