Mae Khuru 7:59 - Buka Blahi Ka Cheke Holo

⁵⁹ Kate fada thina ni mare na, mae Stivin ne tarai, “Lord Jisas, hata tharungagu gne!”

Mae Khuru 7:59 ပူးပေါင်းရင်းမြစ်များ

Luku 23:46

Ka vido tuana, mae Jisas ne eha eghu fabiꞌo, “Mama, iara snakre ari ka iagho tharungagu na.” Ke leghugna igne mana ne lehe.

Nodi Khoje Hatimare Mae Jiu 31:5

Lord, iara nou naikno gloku gne. Iara lisa ari nakarhagu na ka khamemu iagho. Iara laseni eigna iagho ginauna na fakarhi ghau iara, naugna iagho ne taji fabrahu ghau iara.

Mae Khuru 22:16

Eghume ofo unha sagho ia? Kegra haghe, kiloni nanghagna Lord nei apublahi eghu mala tihi kokodi God nakhibomure. Kate eni igne, fatutuani ni mana nate fakarhi nigho na.’

Ululahu Korin 1:2

te riso ari letas igne ka ghotilo naikno khiloau te au ka namono biꞌo Korin. God kilo ghami ghotilo mala nogna naikno blahi mana baludi naikno heva heva te tore ka nanghagna noda Lord Jisas Kraes. Jisas noda Lord tahati gnafa!

Mae Khuru 9:14

Eghuteuna gognaro mana mei au agne Damaskas. Mae pris ulu re ne tusu ranghini mana nolaghi te mala lokini ihei te ghatho tahu nigho na.”

Mae Khuru 2:21

Aonu ihei te tore ka nanghagna Lord na, iara ginauna na fakarhidi.’

Profet Joel 2:32

Nu ihei te tore ka iara Lord te mala toghoni ka narane igne teuna, iara ginauna fakarhini naikno tuana. Iara neke kulu cheke ranghidi naikno te gnafa te au ka Thogele blahi Saion, eghuteuna keha naikno te au ka namono biꞌo Jerusalem ginauna rikhani glehe na. Naikno te vahi fadelei iara igre na theome lehe.”

Mae Khuru 9:21

Naikno te gnafa te nomhini mana re ne kafe jaglo nodi, ne cheke eghu, “Tore! Igne si mae teke fariuriu falehedi naikno te fatutuani ni mae Jisas ia! Mana neke eni puhi tuana Jerusalem, eghuteuna gognaro mana kela mei enila glepo tuana agne eghu. Mana mei agne mala lokidi nogna fanomho mae Jisas re mala hata tei ka mae pris ulu re.”

Ululahu Kings 21:13

Aonu mare hata ne mei phei mae te mala cheke chaichaghi igre ne gnokro rhegna mana, eghuteuna phiamare ne funu cheke chaghi eigna mana ke uludi hatimare mae biꞌo, ne cheke eghu, “Mae igne cheke faparini God nei jaola cheke faparini king.” Aonu mare hatani mae Nebot ne tei ke kosi namono biꞌo ne fada faleheni mana ka thina.

Eklesiasti 12:7

Uve, thinida tahati gre ginauna nake pulo ka glose, eghuteuna nakarhagna God teke tusu mei ka tahati igne ginauna nake pulo ka mana.

Fapea Timoti 2:22

Au fadelei ka glepo te diꞌa te magnahaghedi naikno majaghani are. Hati nhetamu na mala au doglo nei mala heta nou fatutuani na ka Lord, namhadi naiknore, eghuteuna au fakeli baludi thofno naikno khiloau te gnafare.