Mae Khuru 7:58 - Buka Blahi Ka Cheke Holo

⁵⁸ Mare hata fajiflani mana ke kosigna namono biꞌo na ne fada thina ni ne ghilei lehe mana. Mae teke cheke chaghi eigna mae Stivin re lisei soru nodi pohe brahure ka khamegna kaisei mae majaghani, nanghagna na mae Sol.

Mae Khuru 7:58 ပူးပေါင်းရင်းမြစ်များ

Mae Khuru 22:20

Kate ke faleheni mare nou mae mala toutonu iagho mae Stivin ia, iara neke aula jare neke reireghidi nodi pohe mae teke faleheni mana re, naugna iara neke magnahaghe nila unha teke eni mare na.’

Mae Khuru 8:1

Nu ka gaoghathogna mae Sol na, glepo keli kolho mare te faleheni mae Stivin na.

Mae Khuru 6:13

Eghuteuna mare hata ne mei keha mae mala chaghi eigna mae Stivin. Mare ne cheke eghu, “Mae igne ne cheke faparini koba noda Sugablahi tahati igne nei cheke faparini la noda vetula tahati gne.

Mae Khuru 22:4

Iara neke paradi fara naikno te leghuni puhi te mala fatutuani ni mae Jisas igne. Iara neke lokidi nalhaꞌu ba gaꞌase neke koko laodi ka suga sosolo.

Luku 4:29

Aonu mare kegra haghe ne kuru fajiflani mana ke kosigna namono na. Namono tuana au ka thogele na. Aonu mare hatani mae Jisas ne tei jare mala koko soruni mana ka phegu na.

Ululahu Kings 21:13

Aonu mare hata ne mei phei mae te mala cheke chaichaghi igre ne gnokro rhegna mana, eghuteuna phiamare ne funu cheke chaghi eigna mana ke uludi hatimare mae biꞌo, ne cheke eghu, “Mae igne cheke faparini God nei jaola cheke faparini king.” Aonu mare hatani mae Nebot ne tei ke kosi namono biꞌo ne fada faleheni mana ka thina.

Diutronomi 17:7

Mae iheire te witnes ka puhi igne na te mala kulu fada faleheni mana ba gaꞌase ka thina na. Aonu keha naiknore tangomana te fadini mana ba gaꞌase na ka thina ke leghu. Igne unha te mala eni ghotilo te mala hata koko puhi te diꞌa igne ka namonomi ghotilore.

Naba 15:35

Lord ne cheke eghu ka Moses, “Ghotilo atha fajiflani mana ka nomi namono gne, eghuteuna faleheni mana eghu! Ghotilo te gnafa ginauna fadini mana ka thina ghilei lehe mana.”

Mae Khuru 6:11

Aonu mare ne hirodi keha mae mala cheke chaghi eigna mae Stivin, ne cheke eghu, “Ghehati nomhini mae igne ne cheke faparini mae Moses nei cheke faparini God!”

Mae Khuru 7:57

Kate nomhini igne, mae biꞌodi mae Jiure fofotho khulidire ne kafe eha fabiꞌo chari ne tei ka mae Stivin.

Mae Khuru 22:23

Mare diꞌa tadi fara ne eha fabiꞌo. Mare jaola koko nodi pohere eghuteuna koko haghe glose ka maloa na.

Mae Khuru 26:10

Tuana ngala unha teke eni iara Jerusalem na. Hatimare mae pris ulu neke tusu ranghi ghau iara nolaghi te mala koko laodi nogna naikno God re kau sosolo. Eghuteuna kate falehedi mare naiknore, iara neke kaisei gaoghatho baludi mare te mala eni igne.