Mae Khuru 7:51 - Buka Blahi Ka Cheke Holo

⁵¹ Mae Stivin tudu ne cheke eghu, “Icho idomi, ghotilo mae mala baubatu gre pha'umire thono romno fara. Eghuteuna nagnafami ghotilo re jateula naikno bongihehe eghu, eghuteuna ghotilo tiromi fara te fanomho ka chekegna God na. Leuleghu fata na ghotilo huhughuni fara mae Tharunga te Blahi na jateula mae ku'emi tifa ra eghu.

Mae Khuru 7:51 ပူးပေါင်းရင်းမြစ်များ

Diutronomi 10:16

Eghume, ghotilo kato koko gobigna lepo ka gaoghathomi ghotilo te patu gama nei theome tajini teu nogna nhaꞌa cheke Lord igne.

Efesus 4:30

Eghuteuna thosei fadiꞌa nagnafani mae Tharunga te Blahi, naugna mana nogna nhaꞌa cheke God eigna God ginauna thofno fasnagla ghami ka narane leghu lahu na.

Profet Isaia 63:10

Nu mare figri tagruni nei fadiꞌa nagnafani eghu mae Tharunga te Blahi. Eghume, Lord na kela nodi naoka mare, eghuteuna mana nake magra ka mare.

Eksodas 33:5

Mare ne eni igne naugna Lord ne cheke faheta ka Moses mala cheke eghu mana ka naiknodi Israel, “Ghotilo patu gama fara, jame neuba iara ne tei balumi ghotilo katha vido kolho, iara jame thofno goigoni ghami ghotilou ngala. Gognarona ghotilo atha koko nomi famane dedenge nei nomi famane pohe teure, eghuteuna iara ginauna ghathoni unha nate eni ka ghotilo na.”

Eksodas 32:9

Aonu Lord ne cheke eghu ka Moses, “Iara filodi naikno igre maku jateula thina eghu fara nagnafadi re.

Filipae 3:3

Neubane eghu ngau, tahati nogna naikno God gre thofno laseni gaoghathogna tohi fagaglana. Naugna nogna Tharunga te Blahi God na te togho ghita tahati te mala pogho soru ranghini mana na. Tutuani, tahati gleale'a te kaisei balugna mae Jisas Kraes. Jaola theo kaisei noda fatutuani ka unha te eni ka thinida na.

Eksodas 33:3

Glose nate tei ghotilo tagna igne, glosegna na thono keli fara, eghuteuna gano na karha kelidi fara tagna fabrahu. Nu iara ginauna theome tei balumi ghotilo, naugna ghotilo ne patu gama fara, eghuteuna jame te tei iara balumi ghotilo na, iara jame goigoni ghami ghotilo kolho ke lamna nabrou.”

Mae Khuru 6:10

nu mae Tharunga te Blahi na ne toghoni mae Stivin mala cheke balu glalase te biꞌo. Eghuteuna hatimare mae Jiure theome tangomanadi te cheke faparini mana na, naugna nogna cheke mana re thono nolaghi fara.

Profet Jeremaea 6:10

Nu iara na cheke eghu, “Lord, ka ihei nate toutonuni iara na? Eghuteuna ihei nate fanomho ka chekegu iara na? Iara neke toutonuhi ka mare, nu mare tirodi fanomho neke fofotho khulidire. Mare jateula mae bongihehera eghu tirodi nomhini kaisei cheke te mei funu ka iagho na.

Nodi Khoje Hatimare Mae Jiu 78:8

Ka puhi igne mare ginauna na theome jateula mae kmadi tifara eghu, eigna mare neke huhughuni God, nei tirodini mana neku. Hatimare neke tirodi ghatho tahuni God, nei mare neke jaola neke tirodi fatutuani ni God.

Kolose 2:11

Kate mei ghotilo te kaisei balugna mae Kraes na, mana ne hata fasnagla ghami ka gaoghatho te diꞌa. Kraes neke tohi fagaglana ghami ghotilo, theome tohi fagaglana fei thini nu fei tharunga.

Letas Teke Riso Tei Mae Pol Ka Khiloau Rom 2:25

Jame te leghuni ghotilo unha te chekeni ka vetula na igre, nomi puhi ghotilo te tohi fagaglana te mala laseni te nogna naikno God na thofno au gaoghatho te keli tagna. Nu jame te huhughuni ghotilo u vetula na, nafnata puhi te tohi fagaglana igne theo kaisei gaoghatho te keli kolho tagna.

Mae Khuru 7:39

“Nu mae kuꞌeda tahati ra neke tirodi leghuni mae Moses. Mare ne huhughuni fara mana nei mare magnahaghei teke puloi ngala Ijep.

Mae Khuru 7:27

“Nu mae te magnahaghei faleheni keha mae gne ne huju fadeleini mae Moses, ne cheke eghu, ‘Ghema, mae ihei si teke vahi nigho te mala funei fruni ghami nei fate ghami teu ghehati na ia?

Mae Khuru 7:9

“Thugna mana igre neke goghotuni mae Josep, mae Josep gne kaisei mae ka hatimare nabotho phei mae kuꞌeda tahati igre. Eghume mare neke snakreni mae Josep ka keha naiknodi delei mala foli mare hata teini Ijep. Nu God neke au balugna mae Josep,

Profet Esikiel 44:9

Eghume iara Lord God te cheke eghu igne: Gognarona iara theome magnahaghei ni kaisei naiknogna kantri delei te theome vahe nei theome leghu ghau iara teu tuana nate ruma lamna ka nogu Sugablahi iara na. Neuba mare ne au balumi ghotilo naiknomi Israel, mare ginauna jaola theome tangomana nate tei lamna na.”

Profet Esikiel 44:7

Ghotilo snakredi naiknodi kantri delei te theome vahe nei theome leghu ghau iara teu are te tei lamna ka nogu Sugablahi iara na. Ka puhi igne, ghotilo huhughunihi baubahu teke eni iara balumi ghotilo ia, eghuteuna ghotilo fachara ka nogu Sugablahi iara na kate hata mare garofa nei dadaradi buluka te fafara mei ka iara ra.

Nehemaea 9:30

Kmana finogha iagho snakre meini nou Tharunga te Blahi na ke klignadi hatimare mae profet, eghuteuna kurudi mae igre mala cheke faheta ka naiknore. Iagho neke ofodi naiknore mala fanomho ka cheke igre, nu mare ne tirodi. Eghume iagho snakredi naiknodi keha kantri are mala mei uludi mare.

Diutronomi 31:27

Iara lase ghamihi te patu gama fara ghotilo ranghini Lord. Neuba, kate karha teu te au teu iara balumi ghotilo gognarogne, leuleghu fata na ghotilo figri tagruni Lord. Eghuteuna jame te lehe iara na, iara laseni ghotilo ginauna tangomana nate figri tagruni fara mana na.

Profet Esikiel 2:4

Naikno igre thono patugama fara. Nu iara Lord God neke vahi nigho iagho mala tei cheke ranghidi nogu cheke iara na.

Profet Jeremaea 17:23

Nu kuꞌemi ghotilora neke tirodi fanomho nei leghuni neku nogu cheke iara na. Mare maku fara jateula thina eghu nagnafadire neke tirodi ghau iara te farirhiuni puhi te keli na.

Profet Isaia 48:4

Iara lase ghamihi ghotilo, eghuteuna phaꞌumi ghotilore ginauna patugama fara jateula thina nei aean eghu na theome leghuni nogu cheke iara na.

Nodi Khoje Hatimare Mae Jiu 75:5

nei iara cheke fadoglo lao ka mare mala thosei cheke fabiꞌobiꞌo.”

Nehemaea 9:16

“Nu kuꞌemi ghehati tifa ra neke fahaehaghe fara nei patugama fara neku, eghuteuna mare theome leghudi nou cheke iagho re.

Fapea Kronikols 30:8

Ghotilo thosei patugama jateula mare eghu. Ghotilo mala faꞌuveni Lord. Eghuteuna mana neke horo nogna Sugablahi na Jerusalem mala blahi fabrahu. Ghotilo mei ka Sugablahi igne mala tarai ka mana, mala theome diꞌatagna mana ka ghotilo.

Diutronomi 30:6

Aonu Lord nomi God ginauna hata koko glepo te diꞌa fateote'o ka gaoghathomi ghotilo are, nei ka gaoghathodi vikemi ghotilo are eghu. Eghume ghotilo te gnafa ginauna namhani mana ka gaoghathomi fateote'o, nei ka nomi glalase fateote'o mala tangomana ghotilo te karha na.

Diutronomi 9:13

“Eghuteuna Lord ne cheke eghu ka iara, ‘Iara la lasedihi naikno igre, mare patu gama fara.

Diutronomi 9:6

Ghotilo laseni, Lord nomi God ghotilo na neke theome tusu ari ka ghotilo glose igne naugna te naikno doglo ghotilo na. Theo. Ghotilo patu gama fara!

Eksodas 34:9

Eghuteuna mana ne cheke eghu ka Lord, “Lord, jame te thofno keli tamu fara iagho ka iara na, iagho mei balumi ghehati. Tutuani fara, naikno gre patu gama fara, nu iara tore nigho iagho mala atha koko gnafa puhimi te diꞌa nei nakhibomi teu ghehati gre, eghuteuna ke atha fapulo ghami jateula nou naikno themu eghu.”

Mae Khuru 7:35

“Mae Moses gne, naiknodi Israel gre neke tirodinihi mana tifa na ne cheke eghu, ‘Tore! Mae ihei si teke vahi nigho te mala funei fruni ghami nei fate ghami teu ghehati na ia?’ Nu mae Moses igne la God teke kuru teini te mala funei frunidi nei fakarhidi teu mare na. Mae Moses ne tangomana te eni gloku igne ka nogna tothogho engel teke filoni mana ka gaju ikoi teke gnubra na.

Naba 27:14

Iagho ginauna jaola lehe, naugna tifa na, kani au teku ghotilo ka vido te moja ka glokha khoꞌu jare Meriba ia, naiknore neke cheke fadiꞌa ghau iara, eghuteuna ghopa jaola neke theome leghu ghau iara nei theome fakakhana ka naiknore te blahi iara na.” (Glokha khoꞌu Meriba gne neke au ka vido te moja jare Sini, rhegna namono Kades.)

Fapea Kings 17:14

Nu mare tirodi leghudi kolho, mare patu gama jateula kuꞌedi tifa ra eghu theome fatutuani ni Lord, nodi God na.