Mae Khuru 7:46 - Buka Blahi Ka Cheke Holo

⁴⁶ God ne keli tagna fara ka mae King Devet. Eghuteuna mae Devet ne toreni God mala hohoro kaisei suga mala augna nogna God mae Jekop. Nu God ne theome snakreni mana te mala eni suga tuana.

Mae Khuru 7:46 ပူးပေါင်းရင်းမြစ်များ

Mae Khuru 13:22

Ke leghugna igne, God neke hata fadeleini mae King Sol eghuteuna ke vahini mae Devet mala ke mae king tughuni mana. Igne unha teke chekeni God eigna mana na, ‘Iara filo glanini mae Devet thugna mae Jesi. Mae igne ngala nafnata mae te magnahagheni iara na. Mana ginauna na edi gnafa unha mala edi mana teku iara re.’

Fapea Samuel 6:21

Nu mae Devet ne cheke eghu ka Mikal, “Iara prosa nei koje eghu mala kilo fnaknoni nanghagna Lord. Mana neke vahi ghau iara mala tughuni mae kmamu iagho ia, nei mae thugna mana ra eghu. Mana jaola neke vahi ghau iara mala nodi mae baubatu naiknodi Israel. Eghume, iara ginauna kilo fnaknoni Lord.

Ululahu Samuel 16:1

Aonu Lord ne cheke eghu ka mae Samuel, “Iagho diꞌanagnafani fabrahu mae Sol, nu iara theome magnahagheni mana te king gna Israel gognarona. Iagho hata oliv oel mala tei hironi mae Jesi ka namono Betlehem. Iara vavahi kaisei mae ka thugna mana ra, eghuteuna iagho tofa oel ka pha'ugna mana na mala king gna Israel.”

Nodi Khoje Hatimare Mae Jiu 132:11

Iagho neke eni kaisei nhaꞌa cheke te theome bligi ka mae Devet te theome tangomana iagho te fakhusui na. Uve, iagho neke nhaꞌa cheke eghu agne, “Iara ginauna vahini kaisei mae thumu iagho mala king, eghuteuna mana ginauna mala funei frunidi naiknore ke leghumu iagho.

Ululahu Samuel 15:28

Eghuteuna mae Samuel ne cheke eghu ka king, “Lord na la rerhekuhi nou nolaghi iagho na, mana ginauna nake tusu lao nogna kantri Israel gne ka kaisei mae agne Israel te keli salaꞌu nigho iagho.

Ululahu Samuel 13:14

Nu naugna te theome leghuni iagho nogna cheke Lord na, mae ka tharaknamu iagho re ginauna na theome tangomana te king ke leghumu iagho na. Eghuteuna Lord ginauna hironi mae ihei te kaisei gaoghatho balugna mana na.”