Mae Khuru 7:45 - Buka Blahi Ka Cheke Holo

⁴⁵ Ke leghu, mae Josua na neke batudi mae ku'edara neke tei magra hatini namono majaghani na ka keha vike teke kulu au jare na. God toghodi mare ne brue fadeleidi naikno bongihehe tuare mala ke ruma haghe ka namono tuana vikeda tahati ra. Kate tei vikeda tahati re ka namono majaghani igne, mare ne hata baludi suga tapuale igne. Mare neke hata ka mae kmadire suga tapuale igne, eghuteuna tathaji meu me ghilei thokeni narane gna mae King Devet.

Mae Khuru 7:45 ပူးပေါင်းရင်းမြစ်များ

Nodi Khoje Hatimare Mae Jiu 44:2

Iagho neke khi fajifladi nei goigonidi neku naikno teke theome lase nighore mala ke au nou naikno themure ka vido aheva teke au mare na, mala au nodi kmana glepo nou naikno themure.

Mae Khuru 13:19

God neke paꞌe fahuidi fitu vike teke au ka namono Kenan, eghuteuna ke snakre lao namono tuana ka nogna naikno thegna re.

Josua 24:18

Eghuteuna kate ruma mei tahati ke lamnagna glose igne, Lord neke ngolhi fajifladi vikegna Amoa baludi keha naikno teke au ka namono igne. Eghume ghehati ginauna mala jaola leghuni mana, naugna mana ngala noda God tahati na.”

Josua 23:9

“Naikno teke au ka namono igne tifa ra, mare kmana fara nei jaola nheta fara ka magra na. Nu leuleghu fata na, kate tei ghotilo te magra ka mare na, Lord thegna te ngolhidi ke uludi tathami ghotilo re. Eghuteuna leuleghu fata na, theo kaisei ka nomi naoka ghotilo igre te tangomana te ulu ghami ghotilo na.

Josua 18:1

Ke leghugna te magra te uludi nodi naokare, naiknodi Israel gre mei ne khapru ka namono Saelo ne lisei haghe nogna Suga Tapuale te Blahi Lord na ka vido igne.

Hibru 4:8

Te laseni tahati na mae Josua neke theome batudi kuꞌeda tahati re neke tei ka vido mala gnafa na, mala gnafa balugna God. Tahati laseni igne naugna ke leghugna igne God neke cheke eigna keha narane nate mei ginauna.

Nodi Khoje Hatimare Mae Jiu 78:55

Aonu kate theome posa nga teu naiknore ka vido tuana, mana neke brue fajifladi naikno bongihehe teke kulu au teku jare re. Aonu mana ne tufa nodi glose naikno bongihehere ka naiknodi Israel, eghuteuna snakredi nogna naikno thegnare mala ke khotodi nodi suga tapuale naiknore.

Nehemaea 9:24

Mare tei ne hata namono igne. Iagho neke tusu lao nolaghi mala uludi mare naiknodi Kenan baludi mae king nei keha naikno teke au ka namono igne, mala tangomana mare te edi unha te magnahaghedi mare re.

Ululahu Kronikols 21:29

Ka narane igne, nogna Suga Tapuale Lord teke horo mae Moses ka namono nagou na tifa ia, nei olta mala gahu fafara teu igre kafe au ngala ka vido blahi na jare Gibeon.

Ululahu Kronikols 16:39

Eghuteuna King Devet ne vahini mae Pris Sadok baludi keha mae pris mala tarai ka nogna Suga Tapuale Lord ka namono Gibeon.

Ululahu Kings 8:4

eghuteuna keha mae pris baludi keha mae Livaet pala ne tei Suga Tapuale te Blahi na baludi keha glepo blahi re. Mare pala ne tei glepo igre ka Sugagna Lord.

Ululahu Samuel 4:4

Aonu mare ne kurudi keha mae mala tei Saelo, mala pala mei Bokis Blahi na. Phei thugna mae Eli, Hofni ghe mae Finihas, phiamare ne mei balugna Bokis Blahi aheva siasiglagna Lord mae ihei te au nolaghi fateote'o na gnokro jateula king eghu farihoteidi phei engel igre.

Jajis 18:31

Eghume mumuju teke lisei haghe vikegna Dan igre, au fabrahu ngala ka namono igne ka narane naiknodi Israel te tarai ka Lord ka suga tapuale te blahi jare Saelo.

Diutronomi 32:49

“Iagho tei ka nohi Moab, ka keha phile Khoꞌu biꞌo Jordan ka namono Jeriko. Eghuteuna jare, iagho tei apla ka thogele Nebo, eghuteuna iagho ginauna filoni namono Kenan nate tusu lao iara ka naiknodi Israel.

Nodi Khoje Hatimare Mae Jiu 80:8

Iagho neke atha fajifla ghami Ijep, eghuteuna iagho neke ngolhi fajifladi naiknodi keha kantri are. Aonu gognaro na iagho snakre ghami ghehati mala khotogna nodi namono mare Kenan.

Ululahu Kronikols 7:27

Mae Nun ne karha ka mae Elisama. Eghuteuna mae Josua neke karha ka mae Nun.