Mae Khuru 7:44 - Buka Blahi Ka Cheke Holo

⁴⁴ “Uve, kani au nga tekeu mae kuꞌeda ra ka namono nagou na, mare pala neke tei koba baludi suga tapuale tuana, fagaglana gna God te au baludi na. Mare hohoro suga tapuale tuana leghuni unha teke chekeni God ka mae Moses na, igne ne nanaba fara ka thotoghale teke filoni mana na.

Mae Khuru 7:44 ပူးပေါင်းရင်းမြစ်များ

Eksodas 25:40

Kate edi ghotilo glepo igre, ghotilo mala thofno leghu fakelidi unha teke chekedi iara ka ghotilo ke kligna thogele ra.”

Eksodas 38:21

Igre glepo teke edi mare ka gol, nei silva, nei bras eghu te edi mare ka Suga Tapuale te Blahi jaola te kiloni mare “Suga tapuale fagaglana gna nogna Nhaꞌa Cheke Lord.” Moses neke cheke ka Itama thugna pris Eron mala rioriso soru glepo igre, eghuteuna chekedi mae Livaet mala toghoni mana.

Hibru 8:5

Nodi gloku hatimare mae pris gre jateula u thotoghale gna eghu kolho eigna unha te eni kligna na. Tahati laseni igne, naugna kate magnahaghei hohoro mae Moses suga tapuale igne, God neke cheke faheta eghu ka mana, “Filo sagho! Iara magnahaghe nigho te hohoro gobigna lepore leghuni unha teke falalase ka iagho ka thogele ia.”

Hibru 8:2

Mana kegra jateula mae pris biꞌo eghu ke ulugna God ka vido te blahi fara ke lamnagna suga tapuale gna kligna na, teke hohoro thegna God neke theome hohoro naikno.

Fapea Kronikols 24:6

Aonu king ne kilo meini Pris Jehoada, mae ihei te lida ka hatimare mae pris. Joas ne cheke eghu ka mana, “Naugna unha sagho te theome chekedi mae Livaet ra te salo takis ka naiknodi Jerusalem nei Juda teu ra? Mae Moses nogna mae gloku Lord neke chekeni takis igne ka vikegna Israel tifa ra mala foli takis te mala reireghigna Suga Tapuale te Blahi na.”

Ululahu Kronikols 28:19

Mae Devet ne cheke eghu ka mae Solomon, “Gobigna lepo igre au ke lamnagna gaoghatho teke riso soru iara kani teke au ka iara nogna nolaghi Lord. Lord neke tusu mei glalase ka iara eidi glepo te ikodi te au ka gaoghatho igne.”

Ululahu Kronikols 28:11

Aonu mae Devet ne tusu lao nogna gaoghatho eigna Sugablahi na ka mae Solomon. Mana jaola ne tusu lao nogna gaoghatho eigna varanda gna Sugablahi na, nei gaoghatho eidi chogho mala liliseidi glepo teke tusu lao naiknore ka God, nei gaoghatho eidi vido kligna, nei gaoghatho eidi chogho lamna ka Sugablahi na, nei gaoghatho eigna Thofno Chogho Blahi aheva Lord tangomana te hata koko nakhibogna naikno na.

Josua 18:1

Ke leghugna te magra te uludi nodi naokare, naiknodi Israel gre mei ne khapru ka namono Saelo ne lisei haghe nogna Suga Tapuale te Blahi Lord na ka vido igne.

Naba 18:2

Mae kheramu iagho, mae Livaet gre nate togho nigho iagho kate loku iagho baludi thumure ke ulugna Suga Tapuale te blahi na.

Naba 10:11

Ka fa varadaki narane ka fapea nhigra gna fapea finogha na, ke leghugna teke jifla mare Ijep na, nogna gromno Lord na ne thugha tei ke kligna gna Suga Thapuale te blahi na,

Naba 9:15

Ka teke lisu haghe mare suga thapuale gna nogna bokis blahi nhaꞌa cheke Lord na, kaisei gromno biꞌo nogna Lord ne mei toku tafruni suga thapuale na. Eghuteuna kate bongi na, mare ne filoni gromno igne ne agha jateula khaꞌaghi neu.

Eksodas 26:30

“Igne puhi nate eni iagho kate kegra haghe suga tapuale igne thofno leghuni gaoghatho te chekeni iara ka iagho ke kligna thogele igne.

Eksodas 27:8

Mare horo olta igne ka thaba, eghuteuna thora jateula bokis eghu. Mare mala eni igne thofno leghuni gaoghatho teke chekeni iara ka iagho ke kligna gna thogele igne.”

Josua 3:14

Ka narane tuare Khoꞌu biꞌo Jordan igne nabritha biꞌo koba ka vido te mala dokha gano ka nagare na. Kate jifla naiknore te tei kasa ka khoꞌu na, mae pris te pala Bokis Blahi na igre ne kulu tei, eghuteuna naiknore ne tei ke leghudi mare. Ka vido te kegra mae pris gre lamna khoꞌu biꞌo na,