Mae Khuru 7:36 - Buka Blahi Ka Cheke Holo

³⁶ Aonu mae Moses ne batu fajifladi naiknore Ijep. Mana neke edi kofubobhoi nei fagaglana eghu jare, nei jaola ka Nhorora Ukru na, nei jaola ka namono nagou na phiatutu finogha.

Mae Khuru 7:36 ပူးပေါင်းရင်းမြစ်များ

Eksodas 14:21

Aonu mae Moses ne tusu lao khamegna na ke kligna thongna, eghuteuna Lord ne fameini kaisei nuri biꞌo ke maghati ne nuri fabrahu bongi thongana na ne ghilei fnota pea thongna na ne khapra vido teke mamhara na.

Eksodas 33:1

Lord neke cheke eghu ka Moses, “Iagho baludi naikno teke atha iagho teke jifla mei funudi Ijep are, ghotilo jifla ka vido igne mala tei ka kantri teke nhaꞌa cheke iara tifa ka Ebraham, nei ka Isak, nei ka Jekop. Iara neke nhaꞌa cheke eghu ka thilo mare, ‘Iara ginauna tusu lao glose igne ka iheire nate karha mei ke leghumu iagho re.’

Eksodas 16:35

Naiknodi Israel gre ne ima u “manna” igne nabagna phia tutu finogha neke tei nga neke au soru jare ka nohi Kenan. Mare fananaba “manna” igne malagna kaisei naikno teuna leuleghu narane. Igne namo thokeni phei kilo nabagna kaisei khara'o ikoi, mare kiloni igne oma. Nabotho oma na nabagna kaisei efa.

Hibru 8:9

Nhaꞌa cheke igne theome jateula teke eni iara tifa ka mae ku'edi mare kau narane teke atha fajifladi iara ka namono Ijep ia eghu. Hatimare neke theome leghuni u nhaꞌa cheke teke eni iara tifa ka mare na. Naugna igne iara neke figri tagrudi.

Mae Khuru 13:18

Ka phiatutu finogha ke lamnagna namono nagou na, God neke toghodi fabrahu, neuba mare ne huhughu ne edi kmana puhi biꞌo fara.

Mae Khuru 7:42

Nu God na ne figri lao thagrugna na ka mare nei snakredi mare mala pogho soru ka naprai, ka glaba, nei ka nathunu. Igne unha te risoni ka nodi buka mae profet ra. God neke cheke eghu, “ ‘Ghotilo naiknomi Israel ra, kate au ka namono nagou ia ghotilo neke au jare phiatutu finogha, ghotilo neke falelehe buluka koba neke fafara. Nu fafara tuare theome nogu iara.

Nodi Khoje Hatimare Mae Jiu 95:10

Naugna igne, phiatutu finogha iara neke diꞌatagu fara neke cheke eghu, “Naikno igre theome ghatho tahu ghau iara, nei theome leghuni nogu vetula iara na.”

Nehemaea 9:10

Iagho neke edi fagaglana nei kofubobhoi biꞌo neke jaglo nodi naiknore. Ka puhi igne iagho neke tapla faparini king gna Ijep, baludi nogna mae biꞌo nei keha naikno gna kantri tuana. Naugna iagho lasedi naikno igre fahaehaghe fara, eghuteuna mare paradi fara nou naikno iagho re. Ka puhi igne, iagho fakakhana nou nolaghi na ka mare. Eghuteuna nanghamu iagho na fnakno klignalahu ghilei mei posa gognarogne.

Diutronomi 8:4

Ka phiatutu finogha igre ghotilo nolo neke tei eghuteuna nomi pohere neke theome breku, eghuteuna ghahemi re neke theome huge ba thubu.

Eksodas 3:20

Iara ginauna loku ka nogu nolaghi mala edi kmana nafnata kofubobhoi ka tathadi naiknodi Ijep, mala mhaghu nei paradi eghu mare. Eghuteuna ke leghugna igne, king ginauna snakre ghami mala jifla ghotilo.

Nodi Khoje Hatimare Mae Jiu 95:8

“Ghotilo thosei maumaku jateula teke edi ku'emi tifa ka namono nagou Meriba te kiloi Masah.

Jone 4:48

Mae Jisas ne cheke eghu ka mae biꞌo na, “Ghotilo magnahaghei te kulu filodi ghu kofubobhoi nei fagaglana teu te edi iara re ame fatutuani ghau nga iara eghu.”

Hibru 3:8

Thosei patugama nagnafami are, jateula teke eni mae ku'emi tifa teke huhughuni chekegna God. Mare neke edi unha te theome magnahaghedi mana re ke lamnagna namono nagou na.

Hibru 3:9

God ne cheke eghu, ‘Iara neke au baludi mae ku'emi ghotilo ra ke lamnagna namono nagou phiatutu finogha. Jare hatimare neke fariuriu ghau iara neuba mare filodi kmana kofubobhoi nei fagaglana eghu teke edi iara re.’