Mae Khuru 7:32 - Buka Blahi Ka Cheke Holo

³² God ne cheke eghu, ‘Iara nodi God mae ku'emu ra. Nogna God mae Ebraham nei nogna God mae Isak nei nogna God mae Jekop.’ Mae Moses ne fififri balu mhaghu ne tirogna filo lao ka khaꞌaghi na.

Mae Khuru 7:32 ပူးပေါင်းရင်းမြစ်များ

Eksodas 3:6

Iara nodi God kuꞌemu iagho tifa ra, nogna God Ebraham, nei Isak nei Jekop.” Aonu Moses toku tafru tathagna foflogna re, naugna mana mhaghu nogna fara te filo lao ka God.

Matiu 22:32

‘Iara nogna God mae Ebraham, nogna God mae Isak, nei nogna God mae Jekop.’ Eghume, neuba naikno igre neke lehehi tifa, God neke chekeni ka mae Moses na mare karhau ngala. Naugna jame theome karha mare meuna, God jame theome neke chekeni ‘Iara nogna God mae Ebraham, nogna God mae Isak, nei nogna God mae Jekop.’ Tutuani, God igne theome nodi God naikno te lehe, nu nodi God naikno te karha kolho.”

Thakle 1:17

Kate filo lao iara ka mana na, iara ne mhaghu nogu fara ne uka ke uludi ghahegna mana re jateula kaisei mae tela lehehi neu. Nu mana ne loku ka iara khame nhetagna na, ne cheke eghu, “Thosei mhaghu. Iara kulu au neke vuavuha nga gobigna lepore nei iara na au fabrahu kate ari te gnafadi gobigna lepore.

Hibru 11:16

Nu mare magnahagheni namonogna kligna na, kaisei namono te keli te uluni nauthoglu igne. Eghume God theome mamaja te kiloni mare nodi God, naugna mana neke kulu tarabanahi kaisei namono biꞌo maladi mare.

Mae Khuru 3:13

Nodi God mae ku'edara, nodi God mae Ebraham, nei mae Isak, nei mae Jekop neke eni te filoni ghotilo igne mala fafnaknoni tahati nanghagna nogna mae gloku Thugna Jisas. Nu ghotilo neke snakreni mana ka khamedi goro mae biꞌo re. Neuba mae Paelat ne ghaoghatho mala snakre fajiflani mae Jisas, ghotilo te chekeni ka mae Paelat na ghotilo theome magnahagheni mana.

Luku 5:8

Mae Simon Pita filoni igne ne pogho soru ke ulugna mae Jisas ne cheke eghu ka mana, “Lord, thosei mei namo ka iara, naugna iara naikno diꞌa.”

Matiu 17:6

Kate nomhini thilo mae fanomhore cheke igne, thilomare mhaghu fara ne pogho soru pari.

Nodi Khoje Hatimare Mae Jiu 89:7

Kaisei iagho God ngala te mhaghu nigho nei ghatho tahu nigho teu tothoghei engel di klignare. Uve, kaisei iagho ngala te fnakno ke klignadi mare te hui na. Naugna igne te kilo fnakno nigho mare na.

Thoutonu Eigna Mae Job 4:14

Uve, iara ne thofno mhaghu fara ne ghilei fififri fara thinigu na.

Ululahu Kings 19:13

Kate nomhini profet Elija naogla igne, mana ne toku tafru tathagna nei foflogna teure ne jifla mei ne kegra ke ulugna gluma thina igne. Aonu mana ne nomhini Lord ne cheke eghu mei ka mana, “Ghema Elija, unha te mei eni iagho agne na?”

Eksodas 33:20

Nu iara theome tangomana te snakreni ka iagho te filoni tathagu nei foflogu teu iara na, naugna theome tangomana kaisei naikno te filo ghau iara na, jame te eghu na, mana ginauna lehe.

Eksodas 4:5

Lord ne cheke eghu ka Moses, “Jame te eni iagho glepo igne ka tathadi naiknore, mare ginauna fatutuani te mei iara ka iagho na. Eghuteuna mare mala lase ghau iara nodi God kuꞌemi ghotilo ra, iara nogna God Ebraham, Isak nei Jekop.”

Eksodas 3:15

“Eghuteuna iagho tei cheke eghu ka mare, ‘Lord nodi God kuꞌeda tahati tifara, nogna God Ebraham, nei Isak nei Jekop, mana neke kuru mei ghau iara ka ghotilo.’ “Nanghagu iara na Lord, eghuteuna naikno te karha gognaro igre nei nate karha mei ke leghure eghu ginauna ghathoni fabrahu nanghagu iara na.

Jenesis 50:24

Mana ne cheke eghu ka mae thabusigna re, “Iara gne la namo lehehi. Nu God na ginauna reireghi ghami ghotilo, eghuteuna mana ginauna nake hata fajifla ghami ghotilo agne. Eghuteuna mana ginauna nake hata fapulo ghami ghotilo ka namono aheva teke nhaꞌa cheke mana ranghini mae Ebraham nei mae Isak nei mae Jekop.”

Jenesis 26:24

Ka bongi tuana Lord ne thakle ka mae Isak ne cheke eghu ka mana, “Thosei mhaghu, iara nogna God mae kmamu iagho Ebraham. Iara neke eni kaisei nhaꞌa cheke ka mae Ebraham. Ka nhaꞌa cheke igne iara na au balumu iagho, nei fablahi nigho nei na fabruaradi eghu vikemu iagho gre.”

Matiu 22:46

Theo kaisei mae ka hatimare mae Farasi gre te tangomana te cheke tughuni nogna gusna mae Jisas na. Aonu ke leghugna narane tuana theo kaisei mae frane te ghusnani mae Jisas.

Mae Khuru 7:31

Kate filoni mae Moses tuana, mana ne jaglo nogna fara. Eghuteuna mana ne tei namo rhegna gaju tuana ne filo lao. Mae Moses ne nomhini chekegna Lord na.