Mae Khuru 7:26 - Buka Blahi Ka Cheke Holo

²⁶ Ka keha narane na, mae Moses neke filodi phei maedi Israel ne magra neu. Mana ne fariuriu salo fodudi phiamare ka namha mala thosei magra. Mana ne cheke eghu, ‘Sei, phia mae! Ghopa thabusigna sia, ba magra unha si ghopa ia?’

Mae Khuru 7:26 ပူးပေါင်းရင်းမြစ်များ

Filipae 2:3

Eghuteuna ghotilo thosei ghatho ghami themi ba fahaehaghe eidi unha glepo keli te edi ghotilo re. Nu nhaꞌa fapari ghami themi, eghuteuna ghatho tahudi keha naiknore.

Filipae 2:1

Gaoghathomi ghotilo na heta fara, naugna ghotilo kaisei ngala balugna mae Kraes, nei mana namha ghami ghotilo. Eghuteuna ghotilo kaisei balugna mae Tharunga te Blahi nei ghotilo namhadi nei kokhonidi eghu naiknore.

Proveb 18:19

Ninhigrana fara te tei namo ka mae thabusigna te diꞌatagna ka iagho na, naugna mana jateula namono biꞌo te bara te lithui ka thina ra eghu. Nogna fapholai mana igne jateula grengatha aean te loki mare ra eghu.

Nodi Khoje Hatimare Mae Jiu 133:1

Kheraguro! Thofno keli fara te au fodu tahati nogna naikno God ra te kaisei gaoghatho ngala jateula kaisei thabusigna teuna.

Jenesis 45:24

Kate kuru teidi mae thabusigna re, mae Josep ne cheke eghu ka mare, “Ghotilo jifla tei, nu thosei fari fapholai fari themi eghu.”

Jenesis 13:8

Aonu mae Ebram ne cheke eghu ka mae Lot, “Theome keli te au mei kaisei magra fari hoteida tapa nei fari hoteidi noda mae gloku gre teuna. Naugna tapa gne kaisei vike ngala.

Matiu 14:22

Ke leghugna igne, mae Jisas ne cheke ka nogna mae fanomhore mala kulu kasa ka keha phile kholo na. Mae Jisas au neu jare mala chekedi naiknore ke pulo ka namonodire.

Mae Khuru 7:25

Gaoghathogna mae Moses na kheragnare jame ne filo glanini, God teke vahini mana te mala fakarhidire. Nu mare ne theome filo glani kolho igne.