Mae Khuru 7:24 - Buka Blahi Ka Cheke Holo

²⁴ Kate tei sigho tuana, mana ne filoni kaisei mae gna Ijep te puri fadiꞌani teu kaisei mae gna Israel. Aonu mae Moses ne kegra tughuni mae kheragna na ne magra faleheni mae gna Ijep na.

Mae Khuru 7:24 ပူးပေါင်းရင်းမြစ်များ

Mae Khuru 7:28

Ghehati lase nigho. Ba, iagho magnahaghei te falehe ghau iara jateula iagho teke faleheni mae gna Ijep gnora ia eghu sia?’

Eksodas 2:11

Kaisei narane, kate rheta tela biꞌohi na, Moses tei ne sighodi kheragna mae Hibru gre, eghuteuna mana filodi maedi Ijep gre huhurudi mare mala loku heta fara. Ka narane tuana, mana ne filoni kaisei maegna Ijep ne puri fadiꞌani kaisei maegna Hibru.

Eksodas 2:12

Mana filo tafri te theome filoni kaisei naikno te au namo jare na, mana ne puri fadiꞌani maegna Ijep igne ne ghilei lehe. Aonu mana ghosei ne pophoru thinigna na lamna nusu.

Mae Khuru 7:23

“Kate thokeni phiatutu finogha funu karhagna na, mae Moses ne magnahaghei te tei sighodi kheragna naiknodi Israel re.

Mae Khuru 7:25

Gaoghathogna mae Moses na kheragnare jame ne filo glanini, God teke vahini mana te mala fakarhidire. Nu mare ne theome filo glani kolho igne.