Mae Khuru 7:2 - Buka Blahi Ka Cheke Holo

² Mae Stivin ne cheke eghu, “Mamare ba kheraguro, fanomho mei ka iara. Kani au nga teku mae kuꞌeda Ebraham Mesopotemia tifa ame tei nga mana Haran teku ia, noda God te au kligna na neke mei thakle ka mana jare.

Mae Khuru 7:2 ပူးပေါင်းရင်းမြစ်များ

Mae Khuru 22:1

Mae Pol ne cheke eghu, “Kheraguro ba mamare, fanomho meighu ka iara mala ke cheke tughudi ghu iara nomi cheke ghotilo ra!”

Nodi Khoje Hatimare Mae Jiu 29:3

Naiknore nomhini naoglagna Lord na ke kligna nhorora. Naugna nolaghi Lord na oaꞌongha jateula fila eghu, eghuteuna chekegna mana na oaꞌongha ke kligna nhorora.

Hibru 1:3

Mae Thugna na ne fathakleni u siasigla gna God. Eghuteuna mana ngala te thofno hata puhigna God na. Mana ne loku fodu gobigna lepore kau chekegna te nolaghi. Ke leghugna te hata fadelei mana u nakhibodi naiknore, mana ne gnokro soru kau sape nafnakno kligna ka khame nhetagna God mae ihei te nolaghi fara.

Jone 1:14

Eghume Chekegna God igne neke karha mei fei thini jateula tahati neku, neke au balumi ghehati. Ghehati neke filonihi u nogna nolaghi mana na. Nolaghi tuana neke tusu lao mae Mama ka mae thofno Thugna na. Eghuteuna mae Chekegna God igne fodu kau khokofakasai nei tutuani.

Nehemaea 9:7

“Lord God kaisei iagho ngala teke vahini mae Ebram teke batu fajiflani ka namono Ur jare Babilonia, eghuteuna iagho tughu nanghagna na neke Ebraham.

Jenesis 15:7

Lord jaola ne cheke eghu ka mae Ebram, “Iara Lord. Iara neke batu fajifla nigho ka namono Ur jare Babilonia. Iara neke eni igne mala tangomana iara te tusu ari ka iagho namono igne mala khotogna iagho.”

Thakle 4:11

“Nomi Lord God, iagho neke vuavuhadi gobigna lepo ka nauthoglu igne, eghuteuna tusu lao karha tadi. Naugna igne unha teke magnahaghei eni iagho na. Eghume nabami ghehati te koje te mala pala hagheni nanghamu na nei kilo fnakno nigho nei cheke fakeli nigho eigna nou nolaghi te biꞌo.”

Ululahu Korin 2:8

Theo kaisei mae te funei frunini nauthoglu gne te laseni u cheke glalase igne. Jame laseni mare na, mare jame neke theome faleheni Jisas, mae funei gna kligna na.

Mae Khuru 23:7

Kate chekeni mae Pol igne, kaisei magra ne jifla mei farihoteidi hatimare mae Sadiusi nei hatimare mae Farasi. Aonu tothoghei mae mala fate ne fnota pea.

Jone 12:41

Mae Isaia neke chekedi glepo igre tifa na, naugna mana la kulu filonihi nogna nolaghi biꞌo mae Jisas na ne chekeni igne eigna mana.

Luku 2:14

“Kilo fnaknoni God ka maloa kligna nei pharikeli na au agne ka nauthoglu gne baludi naikno te keli tagnadi God gre.”

Matiu 6:13

Thosei snakreni kaisei glepo mala mei fariuriu ghami, nu fakarhi ghami kau nogna nolaghi Satan.’

Profet Isaia 6:3

Mare kafe koje fodu eghu fabiꞌo: “Lord mae ihei te au nolaghi fateote'o, mae ihei te blahi fara! Nogna nolaghi biꞌo mana na siasigla ka vido te gnafa ka nauthoglu igne.”

Nodi Khoje Hatimare Mae Jiu 24:10

Mae ihei te mae king biꞌo na? Lord ngala mae ihei te nheta ne au nolaghi biꞌo teu ke uludi naikno te gnafa ka nauthoglu igne na ngala te mae king biꞌo na.

Nodi Khoje Hatimare Mae Jiu 24:7

Ghotilo te au Jerusalem ra, tothora fabiꞌo grengathagna namono biꞌo mala ruma haghe mae king biꞌo na.

Josua 24:2

Josua ne cheke eghu ka naiknore, “Tahati te gnafa na vikegna Israel naugna Lord ngala noda God tahati na. Mana ne cheke eghu, ‘Tifa te mei na kuꞌeda tahati ra au khaba ka keha phile Khoꞌu biꞌo Iufretis, mare theome gnafa te tarai ka keha god delei. Eghuteuna kaisei ka kuꞌeda tahati ra, nanghagna na Tera, neke au phei thugna nalhaꞌu nanghadire, Ebraham ghe Naho.

Jenesis 29:4

Mae Jekop ne ghusna eghu ka mae greiregi sipu igre re, “Kheraguro, ghotilo mei funumi aheva?” Mare ne cheke eghu, “Ghehati gne mei funumi ka namono Haran.”

Jenesis 12:5

Mae Ebram ghe khetogna Sarai nei mae Lot nebugna na teure ne jifla ne tei. Mare jaola ne hata nodi mae glokure baludi nei nodi gobigna lepo teke hata ka namono Haran re eghu ne jifla ne tei ka namono Kenan. Kate mei au teuhi jare na

Jenesis 12:1

Lord ne cheke eghu ka mae Ebram, “Ghema Ebram, jifla kokodi namonomu, kheramu, nei vikedi mae kmamu teu iagho igre mala tei ka kaisei namono aheva iara nate fatakle arini tamu na.

Profet Isaia 37:12

Kuꞌegu iara tifa ra neke roꞌedihi namono biꞌo Gosan, Haran, nei Resef, neke falehedi naiknodi Eden teke au Telasa ra. Nodi god naikno igre neke theome tangomana teke fakarhidi mare na.

Mae Khuru 7:1

Kaisei mae pris ulu ne ghusna eghu ka mae Stivin, “Ba, ghema, tutuani si cheke igrea?”

Efesus 1:17

Eghuteuna iara toreni God koba, Kmagna noda Lord Jisas Kraes, mala tusu ranghi ghami nogna Tharunga te Blahi na mala tangomana ghotilo te filo glani puhigna God na, nei thofno laseni mana.

Hibru 11:8

Mae Ebraham neke fatutuani ni God, eigna igne mana ne leghuni God kate kiloni mana mala jifla kokoni nogna namono na mala tei ka keha namono delei, ka vido aheva God nate tusu ranghini mana. Mana jifla ne tei neuba ne theome laseni aheva nate tei na.

Jemes 2:1

Kheraguro, thosei vahini kolho mae ihei te magnahagheni themu na, naugna ghotilo fatutuani ni noda Lord Jisas Kraes, mae ihei te fnakno fabrahu kligna.