Mae Khuru 7:10 - Buka Blahi Ka Cheke Holo

¹⁰ nei fakarhini ka puhi biꞌo te gnafa teke edi mana re. God jaola neke tusu ranghini glalase te keli mala tangomana mae King Fero te magnahagheni mana na. Eghuteuna mae King Fero neke vahini mana mala mae gavana gna Ijep, nei mala reireghidi la naikno te gnafa ke lamnagna nogna suga biꞌo na.

Mae Khuru 7:10 ပူးပေါင်းရင်းမြစ်များ

Proveb 3:4

Jame te eghu iagho na, God ginauna keli tagna ka iagho, eghuteuna naiknore ginauna jaola keli tadi ka iagho.

Fapea Timoti 4:18

Lord Jisas Kraes ginauna hata fajifla ghau iara ka glepo te diꞌa fateote'o, eghuteuna hata tei ghau ka namono kligna aheva mana te King. Tahati kilo fnaknoni mana tifa tifa! Amen.

Proveb 2:6

Naugna, Lord ngala nafugna gaoghatho te keli na, eghuteuna chekegna na tusu ranghi nigho u glalase.

Jenesis 48:16

Iagho neke thakle ka iara jateula kaisei engel neku neke fakarhi ghau iara ka hoholo ra. Gognaro gne iagho fablahidi phei mae sitei igre. Iagho mala jaola mala fablahidi thudi phia mare re mala kaisei vike biꞌo fara ginauna. Mare ginauna mala theome ghatho ihoni nanghagu iara na, nei nanghagna mae Ebraham nei nanghagna mae Isak.”

Nodi Khoje Hatimare Mae Jiu 22:24

Mana theome tangomana te ghatho ihodi figri tagrudi teu iheire te kuma, ba iheire te au papara. Nu mana tangomana te cheke tughudi unha te toredi mare ka mana re.”

Jenesis 42:6

Ka narane tuana mae Josep gne mana kaisei mae gavana biꞌo gna Ijep, eghuteuna naikno te gnafa te au heva te heva na mare tei ka mana mala foli wit. Aonu mae thabusigna mana re ne tei ka mana ne pogho soru pari ke ulugna mae Josep.

Thakle 7:14

Iara ne cheke eghu ka mana, “Mae biꞌo, iara theome lasedi. Iagho ngala te lasedire.” Mana ne cheke eghu ka iara, “Naikno igre neke theome lehe ka papara biꞌo. God neke hata fadelei nakhibodire naugna Lam na neke thofa dadaragna na neke lehe. Eghume gognaro na mare klino fara ke ulugna God.

Nodi Khoje Hatimare Mae Jiu 37:40

Leuleghu fata na mana toghodi nei fakarhidi eghu naikno te doglo igre. Mana hata fajifladi ka khamedi mae te diꞌare, naugna naikno te doglo igre filo kolho ka Lord te mala toghodi na.

Proveb 16:7

Ihei te au ka nakarha te magnahagheni Lord na, Lord ginauna toghoni mana mala theome magra baludi nogna naokare.

Jemes 5:11

Eghuteuna te ghathoni tahati te chekeni na mare thono keli tadi fara naugna mare kegra heta fabrahu ne ghilei thoke ka narane leghu lahu na. Eghuteuna ghotilo neke nomhi nila eigna mae Job ia. Kmana nafnata puhi biꞌo thokeni mana, nu mana biꞌo nogna fatutuani na ka God. Eghuteuna ke leghudi puhi igre Lord neke toghoni mana neke tusu ranghini mana gobigna lepo te keli teke magnahaghedi mana re. Naugna Lord na kafe namha ghita nei kokhoni ghita nei magnahaghei toghodi eghu nogna naikno te gnafare.

Jenesis 44:18

Aonu mae Juda lao ne kegra rhegna mae Josep ne cheke eghu ka mana, “Mae biꞌo, those diꞌatamu ka iara. Iara magnahaghei te famane facheke ka iagho naugna iagho kaisei mae nolaghi fara, jateula mae king gna Ijep thegna eghu.

Jenesis 39:21

Nu Lord ne au neu balugna mae Josep ne toghoni mana. Lord ne loku ka nagnafagna mae ihei te reireghigna suga sosolo na ne magnahagheni fara mae Josep.

Ululahu Kings 8:50

Hata fadelei sagho nakhibodi nou naikno iagho te figri tagru nigho gre. Iagho tusu lao gaoghatho keli ka naokare mala keli ranghidi nou naikno iagho gre.

Profet Jeremaea 39:12

“Ghotilo tei filoni mae profet Jeremaea mala reireghi fakelini mana. Thosei parani, nu eni ranghini unha te chekeni mana na.”