Mae Khuru 6:9 - Buka Blahi Ka Cheke Holo

⁹ Nu keha mae Jiu te theome fatutuani ni mae Jisas re ne funu tirodini mana. Mare au ka nodi suga tharai mae Jiu te kiloni “Nodi suga tharai mae te snagla kolho.” Suga tharai igne na maladi mae Jiu te mei funudi ka namono Saerini nei ka namono Aleksadria nei ka Provins Silisia nei ka Provins Esia. Mare mei ne magra ka mae Stivin,

Mae Khuru 6:9 ပူးပေါင်းရင်းမြစ်များ

Mae Khuru 23:34

Mae Filiks iu'iju letas na ne ghusna eghu ka mae Pol, “Iagho maemu ka provins aheva sia ghema?” Mae Pol ne cheke eghu, “Iara maegu ka Provins Silisia.”

Mae Khuru 22:3

“Iara kaisei mae Jiu, eghuteuna iara neke karha ka namono Tasis ka Provins Silisia, nu iara neke biꞌo haghe agne Jerusalem. Mae biꞌo teke farirhiu ghau iara na mae Gamalio, eghuteuna mana neke farirhiu fakeli ghau iara te mala leghuni nodi vetula mae ku'edara. Iara thofno heta fara te mala fafnaknoni God ka gobigna lepo te edi iara re, jateula te eni ghotilo gognaro gne eghu.

Mae Khuru 15:41

Phiamare ne tei sala'u ka phei provins Siria nei Silisia, neke farerheta khiloau jare re.

Mae Khuru 15:23

Hatimare ne tusu lao letas igne ka phiamare: Ghehati mae khuru nei mae mala baubatu ka khiloau nei kherami fofodu ka khiloau agne Jerusalem, Magnahaghei te kubae ghami ghotilo naikno khiloau te theome Jiu te au ka namono Antiok nei ka phei Provins Siria nei Silisia.

Matiu 27:32

Ka nabrou na, mare mei ne thafoni kaisei mae nanghagna na mae Simon, maegna ka namono biꞌo Saerini. Mae soldia igre ne huhuruni mana mala pala nogna gaju fafatha mae Jisas na.

Galesia 1:21

Ke leghugna igne, iara neke tei ka phei Provins Siria nei Silisia.

Mae Khuru 21:27

Kate namo gnafa fitu narane igre, keha mae Jiu di ka Provins Esia ne filoni mae Pol ke lamnagna Sugablahi na. Mare faꞌeiꞌei ne ghilei diꞌa tadi naiknore ne tei lokini mae Pol.

Mae Khuru 18:24

Ka vido tuana, kaisei mae Jiu teke karha Aleksadria na, mana tei ne posa Efesus. Mae igne nanghagna na, mae Apolosi. Mae Apolosi gne kaisei mae lase cheke fara, nei laseni fara u grioriso te blahi na.

Mae Khuru 16:6

Mae Pol nei mae balugna re eghu ne tei sala'u ka Provins Frijia nei Provins Galesia. Naugna mae Tharunga te Blahi na theome snakredi mare te toutonuni u Nonomho te Keli na ka Provins Esia.

Luku 21:12

“Nu ame thoke mei nga gobigna lepo igre teuna, naiknore ginauna loki ghami nei para ghami eghu ghotilo, eigna ghotilo ne fatutuani ghau iara. Mare ginauna hata ghami ghotilo tei ka fate ke lamna suga tharai. Eghuteuna mare ginauna na faruma ghami ghotilo ka suga sosolo. Mare ginauna na huhuru ghami ghotilo mala kegra ke uludi hatimare mae funei ba ke uludi hatimare mae king. Mare ginauna na edi glepo igre ka ghotilo, naugna ghotilo ne leghu ghau iara.

Nonomho Te Keli Teke Risoi Mae Mak 13:9

“Fiofilo fakeli ghami ghotilo ia. Naugna naiknore ginauna na hata ghami ghotilo tei ka fate. Mare ginauna na puri ghami ghotilo ke lamna suga tharai. Mare ginauna na huhuru ghami ghotilo mala kegra ke uludi mae funei ba hatimare mae King. Mare ginauna na edi glepo igre ka ghotilo, naugna ghotilo ne leghu ghau iara. Eghuteuna ghotilo ginauna na toutonuni Nonomho te Keli na ka mare.

Matiu 10:17

Ghotilo mala filo fakeli. Naugna keha naiknore ginauna hata ghami ghotilo kau fate. Mare ginauna puri ghami ghotilo ke lamnadi nodi suga tharai are.

Ululahu Korin 1:20

Eghume ne faꞌunha si naikno te lalase fara ra, ba mae velepuhigna vetula nogna mae Moses ra, ba mae iheire te laseni fara gaoghathogna nauthoglu ra? Mare tangomana te cheke tughu ka God na? Theo, naugna God la falasenihi ka tahati u glalase gna nauthoglu gne jateula thoutonu te theo nafugna eghu kolho.

Mae Khuru 26:11

Leuleghu namono na iara ruma ke lamnadi suga tharai are paradi koba nei fariuriu mala cheke fadiꞌani mare mae Jisas. Iara neke thono diꞌatagudi fara mare. Aonu iara neke tei ka keha namono te au ke kosigna namono igne mala tei hirodi nei paradi eghu.”

Mae Khuru 22:19

“Nu iara ne cheke eghu, ‘Theo, Lord. Naugna naiknore lasenihi teke tei iara ka suga tharai te gnafa are te mala lokidi nei puridi neku naikno teke fatutuani nigho ra.

Mae Khuru 21:39

Mae Pol ne cheke eghu ka mana, “Theo, iara kaisei mae Jiu neke karha Tasis ka Provins Silisia, eghume iara thofno maegu ka namono te ulu fara tuana. Mae funei biꞌo, iara magnahaghei te cheke ghu ka naikno igre sia.”

Mae Khuru 19:26

Nu ghotilo filonihi nei nomhinihi eghu themi unha te eni mae Pol igne. Mae igne baubatu fadiꞌadi fara naiknore, theome ka tahati agne Efesus kolho, nu ka Provins Esia tongana. Naugna mana ne cheke eghu, ‘God te gnafa teke hohoro naikno igre theome tutuani kolho.’

Mae Khuru 13:45

Kate filoni mae biꞌodi mae Jiure te mei kmana naikno na, mare ne thono goghotu fara ka mae Pol ghe mae Banabas. Eghuteuna mare ne cheke fadiꞌadi gobigna lepo te chekedi mae Pol re nei jaola ne cheke faparini mana.

Mae Khuru 13:1

Igre mae profet nei mae velepuhi eghu te au ka khiloau Antiok re: mae Banabas; nei mae Simion mae te kiloni mae Pipito; nei mae Lusias mae gna Saerini; nei mae Manaen mae ihei teke biꞌo haghe balugna mae funei Herod Antipas; nei mae Sol.

Mae Khuru 11:20

Keha naikno khiloau ka igre, naiknodi Saeprus nei Saerini, mare jaola ne toutonu eigna mae Jisas Kraes ka naikno te theome Jiure Antiok.

Matiu 23:34

Eghume te chekeni iara ka ghotilo na. Iara ginauna kuru meidi ka ghotilo hatimare mae profet nei hatimare mae glalase nei hatimare mae velepuhi. Ghotilo ginauna falehedi keha naiknore. Ghotilo ginauna na tupijuru kehare kau gaju fafatha. Ghotilo ginauna puphuri kehare ke lamnadi nomi suga tharai re. Ghotilo ginauna ngolhi tafridi leuleghu namono.

Mae Khuru 6:10

nu mae Tharunga te Blahi na ne toghoni mae Stivin mala cheke balu glalase te biꞌo. Eghuteuna hatimare mae Jiure theome tangomanadi te cheke faparini mana na, naugna nogna cheke mana re thono nolaghi fara.

Mae Khuru 24:18

Kate eni iara igne, mare mei ne filo ghau iara ka Sugablahi na, ke leghugna tela gaehi iara ke ulugna God na. Ka vido tuana iara neke theome eni kaisei puhi, nei jare na theome kmana naikno teke khapru faligoho ghau iara na.