Mae Khuru 6:14 - Buka Blahi Ka Cheke Holo

¹⁴ Ghehati nomhini mana neke cheke eghu, ‘Mae Jisas gna Nasaret igne ginauna na paꞌe soru Sugablahi igne, eghuteuna mana ginauna na tuthughu puhi teke chekedi mae Moses ka tahati ra.’ ”

Mae Khuru 6:14 ပူးပေါင်းရင်းမြစ်များ

Mae Khuru 21:21

Mae Jiu igre mare nomhidi nou farirhiu iagho ra. Iagho cheke ranghidi mae Jiu te au baludi mae te theome Jiu ka keha namono delei are mala thosei vahe mae sua nalha'ure nei jaola mala thosei leghudi noda kastom tahati gre. Uve, mare la nomhidihi nou cheke iagho te mala lilisei mare nogna vetula mae Moses na.

Profet Daniel 9:26

Ka gnafadi narane igre, mae te vavahi God igne, mare ginauna faleheni mana ka puhi te theome doglo. Nogna armi kaisei mae king te rheta fara na ginauna ruma mei ke lamnagna namono biꞌo Jerusalem. Mare ginauna mei goigoni namono biꞌo igne balugna nogna Sugablahi God na. Armi igne ginauna mei jateula kaisei nabritha biꞌo te mei goigoni gobigna lepo ra eghu. Magra biꞌo igne ginauna na theome gnafa ghilei thokeni narane leghu lahu na. Glepo igre ginauna thoke mei leghuni unha teke chekeni God na.

Mae Khuru 15:1

Keha maedi Judia ne mei posa Antiok. Mare farirhiu ne cheke eghu ka naikno khiloau re, “Te theome leghuni ghotilo nogna vetula mae Moses eigna tohi fagaglana na, God ginauna theome fakarhi ghami ghotilo.”

Galesia 3:23

Nu theome mei teku narane mala fatutuani ni mae Jisas Kraes naiknore, u vetula gne neke loku famaku ghita fabrahu. Igne neke eghu fabrahu neke ghilei posa kau narane God te fatakle ranghi ghita u puhi te mala fatutuani ni mana na.

Galesia 3:19

Eghume mala unha si vetula gnea? God neke salo fodu u vetula igne mala thakle u najafra teke edi naiknore. God magnahagheni vetula igne te au teu te ghilei thokeni u narane meigna mae Thugna teke nhaꞌa chekeni ka mae Ebraham na. Hatimare mae engel neke tusu mei u vetula igne ka mae Moses mae ihei teke toutonuni tifa ka naiknore.

Mae Khuru 28:17

Thilo narane ke leghugna igne, mae Pol ne kilo fodudi hatimare mae biꞌodi Jiu te au ka namono igne mala khapru mei ka mana. Kate mei te gnafa mare na, mae Pol ne cheke eghu ka mare, “Kheraguro, iara theome eni kaisei glepo te diꞌa ranghidi naiknore, nei theome cheke faparini kaisei nodi kastom mae ku'edara. Nu neuba ngau, maedi Jerusalem mare loki ghau iara ne snakre lao ghau iara ka khamedi mae Rom.

Jone 4:21

Mae Jisas ne cheke eghu ka naꞌa, “Naikno biꞌo, fatutuanidi sagho te chekedi iara igre. Naugna ginauna thoke mei u narane nate theome ke pulo naiknore Jerusalem ba haghe ka thogele igne te mala tarai ka mae Mama na.

Luku 21:6

“Gobigna lepo te khuakhuda te filodi ghotilo igre ginauna groꞌe. Ka narane tuana thina igre ginauna khoko soru pari. Eghuteuna ginauna theo kaisei thina nate au teu ka teke au gna gognaro gne.”

Mae Khuru 26:3

Iara thofno gleale'a fara te cheke ka iagho na. Naugna iagho lasedi fara nomi kastom ghehati mae Jiu, nei iagho lase nila eigna u nomi nafnata magra ghehati igne. Eghume iara tore nigho iagho mala fanomho fakeli ka nogu cheke iara gre.

Mae Khuru 25:8

Aonu, igne unha teke chekeni mae Pol mala tafragna thegna na, “Iara theome eni kaisei najafra ranghini nodi vetula hatimare mae Jiu ba ranghini Sugablahi ba ranghini mae king biꞌogna Rom.”

Luku 21:24

Kehare ginauna ghoreho ka naflahi, eghuteuna kehare ginauna hata tei mala sosolo ka keha namono delei. Naikno te theome Jiu igre ginauna mei goigoni ghami nei funei frunini namono Jerusalem ghilei thoke mei nodi narane leghu lahu na.”

Nonomho Te Keli Teke Risoi Mae Mak 14:58

“Ghehati nomhini mae igne neke cheke eghu, ‘Iara ginauna na paꞌe Sugablahi teke hohoro kolho naikno igne. Eghuteuna ke leghu thilo narane, iara ginauna nake hohoro fapulo kaisei Sugablahi majaghani teke theome hohoro naikno na.’ ”

Matiu 26:61

“Ghehati nomhini mae igne neke cheke eghu, ‘Iara tangomana te paꞌe soru nogna Sugablahi God igne, eghuteuna ke babana fapulo ke lamnadi thilo narane.’ ”

Profet Sekaraea 11:1

Ghotilo naiknomi Lebanon! Tothora nomi suga re mala tangomana khaꞌaghi te mei gnubra fahui nomi gaju sida ghotilo are.

Profet Maeka 3:12

Naugna puhimi ghotilo te diꞌa igre, Lord ginauna atha mei nomi naoka ghotilo ra mala goigoni namono biꞌo Jerusalem. Mare ginauna eni namono biꞌo tuana mala jateula tothoghei thina gna suga eghu. Ka Thogele blahi Saion aheva te au nogna Sugablahi Lord, mare ginauna eni vido tuana mala jateula vido mala nagare eghu kolho. Eghuteuna thogele igne ginauna thafru ka namhata biꞌo.

Profet Hosia 3:4

Naiknodi Israel igre mala jateula igne eghu mala au faraugha katha vido. Eghuteuna mare na theo kaisei nodi mae king, ba kaisei nodi mae mala baubatu. Eghuteuna mare ginauna na theome tangomana nate fafara ka mumuju na, ba theome tangomana nate fakegra haghe kaisei thina mala tarai ka mana. Mare ginauna na theome hata kaisei mumuju, ba kaisei nafnata glepo te mala filo glanidi unha nate thakle mei nathuꞌu nauriha.

Profet Jeremaea 26:18

“Tifa, ka narane teke king mae Hesekaea ka kantri Juda, profet Maeka maegna Moreset ia neke eni nafnata cheke igne ka naiknodi Juda ra, ‘Lord mae ihei te au nolaghi fateote'o igne ne cheke eghu: “ ‘Jerusalem ginauna groꞌe jateula bukrei chara eghu. Eghuteuna Thogele Blahi igne Saion ginauna vuhai glose kolho, eghuteuna mare ginauna tobi nagare tagna. Eghuteuna thogele te au nogna Suga Lord igne ginauna thafru ka soro.’

Profet Jeremaea 26:12

Aonu mae Jeremaea ne cheke eghu ka mae biꞌo mala baubatu nei keha naikno teure, “Lord neke kuru mei ghau iara mala mei toutonu ka ghotilo eigna Sugablahi igne balugna namono biꞌo igne.

Profet Isaia 65:15

Naikno nate vavahi iara re ginauna cheke ka nanghami ghotilo mala cheke fadiꞌadi keha naiknore. Iara Lord ginauna falehe ghami ghotilo, nu iara ginauna tusu lao nangha majaghani ka nogu mae glokure.

Jone 2:19

Mae Jisas ne cheke eghu ka mare, “Jame paꞌe soru ghotilo Sugablahi igne na, iara ginauna ke babana fapulo ka fatilo narane na.”