Mae Khuru 6:10 - Buka Blahi Ka Cheke Holo

¹⁰ nu mae Tharunga te Blahi na ne toghoni mae Stivin mala cheke balu glalase te biꞌo. Eghuteuna hatimare mae Jiure theome tangomanadi te cheke faparini mana na, naugna nogna cheke mana re thono nolaghi fara.

Mae Khuru 6:10 ပူးပေါင်းရင်းမြစ်များ

Luku 21:15

Naugna iara ginauna na tusu ari ka ghotilo glalase te mala chekedi kmana glepo te theome tangomana nomi mae naoka ghotilo re te cheke fapari ghami ghotilo ne jafra ghotilo teuna.

Ululahu Korin 2:4

Nogu farirhiu nei nogu thoutonu teu iara ka ghotilo igre theome jateula puhidi mae te lalase fara nei mae te lase cheke ra eghu. Nu iara toutonuni u Nonomho te Keli igne ka nafnata puhi te mala lase fakelini nogna nolaghi Tharunga gna God na.

Jone 7:46

Mae greireghigna Sugablahi gne ne cheke eghu ka mare, “Tore, ghehati theome nomhini kaisei mae te cheke ka nolaghi jateula mae igne teuna.”

Thoutonu Eigna Mae Job 32:8

Theome mae biꞌo kolho te au gaoghatho te keli na, eghuteuna theome mae biꞌo kolho te laseni unha te doglo na. Tharunga te Blahi nogna God mae ihei te au nolaghi fateote'o igne, te tusu ranghini mana gaoghatho te keli nei glalase teuna.

Eksodas 4:12

Tei sagho! Iara ginauna togho nigho mala cheke, eghuteuna iara ginauna fagriu nigho unha te mala cheke iagho na.”

Luku 1:17

Mana ginauna mala kulu tei ke ulugna Lord, eghu ka nogna nanheta nei nolaghi eghu God na mana jateula ngau mae profet Elija eghu. Mana mala loku fodudi mae kmadire ka mae thudire. Mana mala ke hata fapulodi iheire teke tutufu kau nabrou gaoghatho te doglo. Jaola, mana mala kulu tarabana naiknore malagna God.”

Mae Khuru 7:51

Mae Stivin tudu ne cheke eghu, “Icho idomi, ghotilo mae mala baubatu gre pha'umire thono romno fara. Eghuteuna nagnafami ghotilo re jateula naikno bongihehe eghu, eghuteuna ghotilo tiromi fara te fanomho ka chekegna God na. Leuleghu fata na ghotilo huhughuni fara mae Tharunga te Blahi na jateula mae ku'emi tifa ra eghu.

Profet Esikiel 3:27

Nu ke leghugna igne, kate magnahaghei te cheke iagho ka naiknore, iara ginauna snakre nigho iagho teke cheke na. Iagho ginauna cheke eghu ka mare, ‘Lord ne cheke eghu’ iagho falalase cheke igne thofno nogu cheke iara. Eghuteuna jame iheire te magnahaghei fanomho ka iagho re, mare tangomana te nomhi na. Nu jame iheire te tirodi fanomho re, mare tangomana te tirodi fanomho na naugna naikno igre theome magnahaghei ghau iara koba.”

Thoutonu Eigna Mae Job 32:18

Iara theome tangomana te ofo na, naugna iara fodu ka cheke, eghume iara na cheke gognarona.

Mae Khuru 5:39

Nu jame teke funu ka God na, ghotilo ginauna theome tangomana te lhotidire. Na eghunu magra ghotilo ka thegna God eghu.” Hatimare mae mala fate ne leghuni unha te chekeni mae Gamalio na.

Profet Maeka 3:8

Nu ka iara na, Lord tusu mei nolaghi nei Tharunga gna na ka iara. Eghuteuna mana togho ghau iara mala thofno lasedi iara puhi te doglo te mala fatedi naiknore. Eghuteuna farerheta gaoghathogu iara na mala tangomana iara te cheke fajifladi nakhibodi nogna naikno mana re.

Profet Jeremaea 15:20

Iara ginauna togho nigho iagho mala kegra heta fari hoteidi naikno igre jateula kaisei gringni te horo mare ka bras ra eghu. Kate magri nigho mare na, mare ginauna theome tangomana te ulu nigho iagho na, naugna iara ginauna na au balumu iagho. Iara ginauna reireghi nigho nei fakarhi nigho eghu.

Profet Isaia 54:17

Nu theo kaisei glepo mala magra ka igre nate ghoreho ghotilo na. Eghuteuna ghotilo ginauna tangomana te cheke tughu ka iheire te cheke fapari ghami ghotilo na. Uve, iara ginauna edi glepo te keli ka ghotilo nogu mae gloku iara ra, eghuteuna togho ghami ghotilo mala ulu.” Igne chekegna Lord.

Mae Khuru 6:9

Nu keha mae Jiu te theome fatutuani ni mae Jisas re ne funu tirodini mana. Mare au ka nodi suga tharai mae Jiu te kiloni “Nodi suga tharai mae te snagla kolho.” Suga tharai igne na maladi mae Jiu te mei funudi ka namono Saerini nei ka namono Aleksadria nei ka Provins Silisia nei ka Provins Esia. Mare mei ne magra ka mae Stivin,

Mae Khuru 6:11

Aonu mare ne hirodi keha mae mala cheke chaghi eigna mae Stivin, ne cheke eghu, “Ghehati nomhini mae igne ne cheke faparini mae Moses nei cheke faparini God!”