Mae Khuru 6:1 - Buka Blahi Ka Cheke Holo

¹ Kau narane tuare kmana kmana naikno ne fatutuani ni mae Jisas. Eghuteuna naikno khiloau te lase cheke Griki re ne theome gleꞌani nafnata thufa sileni te eni naikno khiloau te au Jerusalem re ne cheke eghu, “Goro gaꞌase te lehe khetodire igre ne theo thufadi ka sileni te tufa ghotilo leghu narane ra.”

Mae Khuru 6:1 ပူးပေါင်းရင်းမြစ်များ

Mae Khuru 2:41

Iheire naikno te fatutuanidi nogna cheke mae Pita re ne apublahi, naba thilo thogha naikno te ruma haghe ka tothoghei mae khiloau kau narane tuana.

Jemes 5:9

Kheraguro, thosei khuru cheke fari themi naugna na eghunu fate ghami God eghu. Naugna u narane te mala ke pulo mei mana te fatedi naikno te gnafare la thono namo hi.

Mae Khuru 9:39

Mae Pita ne tei baludi phiamare. Kate thoke Jopa na mare ne tathaleini mae Pita ne tei ka chogho ke kligna na. Eghuteuna goro gaꞌase tela lehehi khetodire kafe kegra faligohoni mana balu tanhi. Reꞌe ne falalase ka mana phoko nei pohe brahu eghu teke susuki Dokas kani karhagna teku na.

Mae Khuru 6:7

Chekegna God na tei thoke heva heva ka naiknore. Tothoghei naikno khiloau te au Jerusalem ka narane tuare gognaro biꞌo la biꞌo, eghuteuna jaola kmana nodi tothoghei pris mae Jiu gre la funu fatutuani nei leghuni mae Jisas.

Mae Khuru 2:47

nei kilo fnaknoni God. Eghuteuna naiknore ne keli tadi ka mare. Aonu leuleghu narane na God fakarhidi keha naikno te ruma mei ke lamnagna nodi tothoghei naikno khiloau re.

Filipae 3:5

Iara thofno maegu Israel neke karha ka vikegna mae Benjamin, eghuteuna ka fahanagna narane gu iara na mare neke vavahe ghau iara. Iara leghuni nodi vetula mae Jiure naugna iara kaisei mae Farasi.

Mae Khuru 11:20

Keha naikno khiloau ka igre, naiknodi Saeprus nei Saerini, mare jaola ne toutonu eigna mae Jisas Kraes ka naikno te theome Jiure Antiok.

Mae Khuru 9:41

Mae Pita ne loku ka khamegna na ne toghoni mala kegra haghe naꞌa. Ke leghugna igne mae Pita ne kilodi naikno khiloaure baludi goro gaꞌase tela lehehi khetodire ka chogho na ne falalase ranghidi Tabita te kela karha fapulo na.

Mae Khuru 9:29

Mae Sol jaola ne cheke koba nei fapoaphola eghu baludi tothoghei mae Jiu te lase cheke Griki re. Nu mare ne tirodini mana ne hirodi keha puhi mala faleheni mana.

Mae Khuru 5:14

Nu kmana kmana naikno, nalhaꞌu ba gaꞌase, ne fatutuani ka Lord ne kafe ruma haghe ka mare.

Mae Khuru 4:4

Nu kmana naikno te nomhidi nodi cheke phiamare re ne fatutuani ni mae Jisas. Eghuteuna naikno te fatutuani ni mae Jisas gognaro na thokei glima thogha.

Hibru 13:1

Namhadi fabrahu kherami naikno khiloau are.

Fapea Korin 11:22

Mare cheke fahaehaghedi fara te mae Hibru, mae Israel nei vikegna mae Ebraham teuna. Uve, iara jaola tangomana te cheke fahaehaghe ghau jateula mare teuna.

Mae Khuru 2:45

Eghuteuna mare foli nodi vido glose ba unha glepo teke khotodi thedire mala toghodi iheire te theo nodi.

Matiu 23:13

“Puhi biꞌo ka ghotilo mae Farasi nei mae velepuhigna vetula nogna mae Moses teu igre! Ghotilo chaghi fara! Naugna ghotilo fanagra nabrou te mala tei ka God na. Ghotilo themi na tiromi ruma eghuteuna ghotilo fanagradi naikno te magnahaghe ruma fari hoteidi naikno te funei frunidi God re.

Profet Malakai 3:5

Lord mae ihei te au nolaghi fateoteꞌo igne ne cheke eghu, “Iara ginauna mei mala fate ghami ghotilo. Eghuteuna iara ginauna ghosei cheke thakleni nanghagna ihei te au naitu khora pha'u, nei iheire te theome leghuni puhigna tholaghi na, nei iheire te cheke chaichaghi ka fate, nei mae funei te taba fadiꞌadi nodi mae glokure, nei iheire te fakokhoanadi goro naikno biꞌo tela lehehi khetodi, nei goro sua glehe kokoi, nei iheire te theome kokhonidi naikno te posa mei ka sugadire teu igre. Uve, naikno te gnafa te edi puhi te diꞌa igre ginauna theome ghatho tahu ghau iara.”

Profet Jeremaea 30:19

Aonu mare ginauna gleale'a fara nei koje mala kilo fnakno ghau iara. Iara ginauna fablahidi mare, mala kmana nei theome glaꞌe soru eghu mare. Iara ginauna fablahidi mala ghatho tahudi mare naiknore, eghuteuna theo kaisei naikno nate faparidi mare na.

Profet Isaia 27:6

Ka narane igne nate mei, Israel ginauna kotu jateula kaisei gaju te soru glathigna na ke lamna glose te keli, eghuteuna karha keligna me fufunu ure teura eghu. Eghuteuna nauthoglu igne ginauna fodu ka sisigna re.

Profet Isaia 1:17

Ghotilo hironi kolho puhi te doglo na. Ghotilo tathaji puhi te mala eni glepo te doglo na, eghuteuna ghotilo koko puhi te diꞌa te goigonidi keha naiknore. Eghuteuna toghodi goro sua glehe kokoi ba goro naikno biꞌo te lehehi khetodi re are.”

Nodi Khoje Hatimare Mae Jiu 72:16

Te keli na jame kantri ghehati gne mala au kmana gano fara, eghuteuna thogele igre ginauna fodu ka gano. Te keli na jame glose ghehati igre au kmana gano jateula glose gna Lebanon eghu. Eghuteuna te keli na jame namono biꞌo te au ghehati gre ginauna fodu ka naikno jateula kaisei sare te fodu ka buburu ra eghu.

Jemes 4:5

Unha te chekeni ka grioriso te blahi na ia thofno tutuani fara eigna God neke snakre meini mae Tharunga te Blahi na ka tahati mala au ke lamnada tahati na thofno magnahaghe ghita tahati te mala leghuni kolho mana. Nu neuba ngau, keha ka ghotilo leghuni gaoghathogna naikno kolho. Nu God tusu ranghi ghami ghotilo nogna thotogho na, mala tangomana ghotilo te hogri nagnafa na. Naugna igne, grioriso te blahi na thofno tutuani fara te chekeni igne, “God theome magnahagheni ihei te fahaehaghe na. Nu toghoni ihei te nhaꞌa faparini thegna na.”

Jemes 1:27

Nu puhi te doglo ka God Kmada na igne. Taji fakelidi goro sua te glehe kokoi ba goro naikno biꞌo tela lehehi khetodi ra. Naugna phei tothoghei igre ngaguni noda thotogho tahati na. Eghuteuna taji fakelini thegna ka gobigna lepo te diꞌa ka nauthoglu gne. Igne u nafnata naikno khiloau te magnahagheni God na.

Ululahu Timoti 5:9

Kaisei buka te mala riso soru nanghadi thau te lehe khetodire te mala totogho khiloau na. Iagho thosei riso soru nanghadi thau teke lehe khetodi te theome thokeni teu namno salei finogha na ba salaꞌui, ba teke phei fata tolaghi.

Ululahu Korin 10:10

Eghuteuna tahati mala thosei buiburini nogna gloku God ka nakarhadare jateula mare eghu, eigna engel gna glehe na neke falehedi mare.

Mae Khuru 5:28

“Tore! Ghehati neke cheke fahetahi ka ghotilo mala thosei ke farirhiudi naiknore ka Nangha tuana. Filoni si ghotilo, u nomi nafnata farirhiu ghotilo igne la tei thoke heva heva Jerusalem. Eghuteuna ghotilo magnahaghei te fariuriu mala faghoroni ka ghehati glehegna mae tugne.”

Profet Esikiel 22:7

Theo kaisei naikno ka namono igne te ghatho tahudi idodi kmadire. Eghuteuna ghotilo chaghidi naiknodi delei te mei au balumi, goro sua glehe kokoi, nei goro naikno biꞌo te glehe kokoi.

Nodi Khoje Hatimare Mae Jiu 110:3

Ka narane te tei iagho ka magra na, nou naikno iagho re ginau tei balumu iagho mala togho nigho, eghuteuna ghotilo ginau haghe ka nogna thogele Lord na. Uve, iagho atha nou nolaghi majaghani mala jateula te dofra haghe hamerane ra eghu e heta thinimu na.

Thoutonu Eigna Mae Job 31:16

“Leuleghu fata na iara toghodi iheire te kuma, eghuteuna iara farerheta gaoghathodi naikno biꞌo teke lehehi khetodi re.

Thoutonu Eigna Mae Job 29:13

Ka narane tuana, naikno te papara fara igre cheke fakeli ghau iara, eghuteuna naikno biꞌo re thono glealeꞌa fara, naugna iara neke toghodi.

Diutronomi 26:12

“Leuleghu thilo finogha, ghotilo eni fabothodi gano te hata ghotilo ka nagare are. Eghuteuna ka finogha tuana ghotilo tusu lao fabothodi gano igre ka mae Livaet, nei ka mae phosa te au balumi ghotilo, nei goro sua glehe kokoi, nei goro naikno biꞌo tela lehehi khetodi ra. Ghotilo eni igne, mala tangomana naikno te kuma igre te au ghedi naba gano ka namonomi ghotilo are.

Mae Khuru 6:2

Aonu, nabotho phei mae khurure ne kafe kilo fodudi tothoghei mae khiloau re ne cheke eghu, “Theome keli jame te gnafa ghehati ka nomi gloku te mala farirhiuni chekegna God gne te mala hironi kolho u sileni na.

Mae Khuru 11:26

Kate ludeni mae Sol na, mae Banabas ne tathaleini mana neke pulo Antiok. Mae Banabas ghe mae Sol ne au kaisei finogha thongana Antiok baludi naikno khiloau re. Eghuteuna phiamare ne farirhiudi kmana naikno jare. Namono ulu lahu te kilodi mae fanomhore u nangha naikno khiloau teu igne, Antiok.

Mae Khuru 11:29

Aonu mae fanomhore ne kaisei gaoghatho ngala mala toghodi naikno khiloau te kmo'e ka glepo ka Provins Judia. Igne lelheghu ka ihei te tangomana te toghodi mare na.

Letas Teke Riso Tei Mae Pol Ka Khiloau Rom 12:7

Jame te hata tahati u khokofakasai te mala toghodi naiknore, tahati mala toghodi naiknore. Jame te hata tahati u khokofakasai te mala farirhiu na, tahati mala farirhiu.

Ululahu Timoti 5:3

Ka nou gloku te mala baubatudi naikno khiloau re, iagho toghodi thau te lehe khetodire te theo ihei nga te toghodire.