Mae Khuru 5:5 - Buka Blahi Ka Cheke Holo

⁵ Kate nomhini igne, mae Ananias khoko soru ke ulugna mae Pita ne lehe. Aonu naikno te gnafa te nomhini igne ne mhaghu nodi fara.

Mae Khuru 5:5 ပူးပေါင်းရင်းမြစ်များ

Mae Khuru 2:43

Hatimare mae khuru ne edi kmana kofubobhoi nei fagaglana eghu ka nogna nolaghi biꞌo God na. Eghuteuna kate filodi igre, naiknodi Jerusalem re ne kafe mhaghu nei ghatho tahuni God.

Thakle 11:13

Ka vido tuanala ne kaisei nakheu biꞌo. Eghuteuna kaisei vidogna namono biꞌo na ne groꞌe, eghuteuna fitu thogha naikno ne lehe ka nakheu tuana. Eghuteuna naikno teke theome lehere mhaghu nodi fara ne cheke fakelini nanghagna God gna kligna na.

Thakle 11:5

Jame ihei te fariuriu goigonidi phei mae igre na, khaꞌaghi ginau jifla mei ka foflodi phei mae igre mala roꞌedi nei falehedi eghu nodi naokare.

Fapea Korin 13:2

Ka fapea fata teke ari posa iara ka ghotilo ia, iara neke cheke faheta farahi ka naikno teke tapla jafra ka nakhibora. Eghuteuna gognaro na iara theome au balumi ghotilo, nu iara cheke ka naikno tuare baludi keha naikno ke lamnami ghotilo te tapla jafra ka nakhibo gognaro gre. Kate ari iara ginau ka ghotilo na, iara ginauna kafe fatedi gnafa naikno tuare.

Fapea Korin 7:11

Kate ghathoni ghotilo unha te diꞌanagnafani ghotilo na, ghotilo lasenihi puhi tuana mei ka ghotilo leghuni unha te magnahagheni God na. Tutuani, puhi tuana togho ghami ghotilo mala fariuriu fara te eni glepo te keli na. Diꞌanagnafa tuana jaola tangomana te falalaseni te theome jafra ghotilo na, nei falalase diꞌatami na ka mae ihei te eꞌei puhi na. Puhi tuana neke togho ghami mala mhaghuni God, mala magnahaghei fara te filo ghau iara, mala au nomi gaoghatho faheta ka God, nei mala fateni ihei te tapla jafra. Ka gobigna lepo te edi ghotilo re, ghotilo neke falalasenihi te theome jafra ghotilo ka puhi igne na.

Ululahu Korin 4:21

Eghume filo fakelidi puhimire mala theome ari para ghami iara. Tutuani, iara magnahaghei ari te mala filodi puhimi te kelire nei te falaseni nogu namha na ka ghotilo. Naugna iara magnahaghei te togho ghami ghotilo fara ka puhi te keli.

Mae Khuru 13:11

Eghume gognaro na Lord na fate nigho iagho, eghuteuna iagho ginauna na dofu. Katha vido iagho ginauna na theome filoni u naprai na.” Phei tathagna mae Bajisas re ghosei ne romno soru. Aonu mana ne nolo tafri fariuriu ludeni kaisei naikno mala faloku khameni tei.

Mae Khuru 5:13

Eghuteuna naikno te theome fatutuanire ne mhaghu ne tirodi salo fodu baludi mare. Neubane eghu ngau, mare ne ghatho tahudi fara iheire te fatutuani ni mae Jisas.

Profet Esikiel 11:13

Eghuteuna kate chekeni iara nogna cheke Lord igne, mae Pelataea, thugna mae Benaea igne megeinga ne khoko soru pari ne lehe. Aonu, iara ne pogho soru tathagu nei foflogu teure pari ka glose na ne eha eghu fabiꞌo, “Lord God! Iagho ginauna kafe aknu falehe kolho si naiknodi Israel te karha nga teu igrea?”

Profet Jeremaea 5:14

Naugna igne, Lord God mae ihei te au nolaghi fateote'o igne ne cheke eghu, “Jeremaea, cheke te tusu ari iara ka iagho igre ginauna na jateula khaꞌaghi eghu. Eghuteuna naiknore ginauna na jateula chara te nhako ka khaꞌaghira eghu.

Nodi Khoje Hatimare Mae Jiu 119:120

Iara thono mhaghu nogu nigho fara ne ngegra thinigu na. Uve, kate ghathoni iara te fateni iagho naikno na, iara ne mhaghu nogu nigho fara.

Nodi Khoje Hatimare Mae Jiu 64:9

Naikno te gnafare ginauna mhaghu nodi fara ka God. Eghuteuna mare ginauna na ghathoni unha te eni God igne na toutonu eidi nogna gloku mana re.

Ululahu Kronikols 15:13

Tifeiro na ghotilo mae Livaet gre neke theome pala neke mei Bokis Blahi igne, naugna igne Lord neke para ghita tahati. Tahati neke theome ghusnani eigna thofno puhigna te mala palagna Bokis Blahi igne.”

Ululahu Kronikols 13:12

Eghuteuna mae Devet ne mhaghuni Lord, ne cheke eghu, “Faꞌunha eghu ame tangomana nga iara te hata te mei Bokis Blahi igne te mala au balugu na?”

Fapea Kings 2:24

Nu mae Elisa figri ne filo tutu ka mare, eghuteuna mana ne eha ka nanghagna Lord mala thokedi hoholo mae igre. Theome raugha, phei bea gaꞌasedi megei nga ne suplu mei ka namhata na ne falehedi phiatutu phei mae ka mae sitei igre.

Josua 22:20

Ghotilo mala ke ghathoni puhigna Akan te diꞌa mae ihei teke karha ka vikegna mae Sera. Lord neke cheke ka tahati mala gnhubra fahui gobigna lepo re ke lamna namono Jeriko, mala fafara ka mana, nu mae igne neke theome leghuni Lord. Naugna igne Lord neke para ghita tahati hui eigna puhi igne. Eghuteuna theome thegna mana kolho teke lehe eigna nakhibo igne, nu kmana naikno jaola neke lehe.”

Diutronomi 21:21

Eghume nabagna na maegna ka namono igne fada faleheni mana ka thina mala ghilei lehe mana. Ka puhi igne, ghotilo ginauna fahuhui puhi te diꞌa igne ke lamnami ghotilo. Aonu kate nomhini igne, naiknodi Israel igre ginauna mhaghu nodi fara.”

Diutronomi 13:11

Aonu kate eni iagho igne na, naikno te gnafa Israel igre ginauna nomhini igne na mhaghu nodi fara. Eghume ginauna na theo kaisei ka ghotilo na teke eni puhi te diꞌa igne na.

Levitikas 10:3

Aonu mae Moses ne cheke eghu ka mae Eron, “Igne gaoghatho gna unha teke cheke eghu Lord ia: “ ‘Iara ginauna fakakhana te blahi iara ka iheire te mei namo ka iara na. Eghuteuna nogu naikno iara gre ginauna fafnaknoni nogu nolaghi iara na.’ ” Nu mae Eron ne au kmu kolho.

Fapea Korin 13:10

Iara riso ari letas igne kate theome au teu balumi ghotilo naugna kate ari iara te posa ka ghotilo na, iara theome magnahaghei te cheke faheta ranghi ghami ka nolaghi biꞌo teke tusu mei Lord ka iara igne. Mana neke tusu mei ka iara nolaghi igne mala toghodi nomi fatutuani ghotilo re mala heta, theome mala goigoni ghami ghotilo.