Mae Khuru 5:36 - Buka Blahi Ka Cheke Holo

³⁶ Ke ghathoni si ghotilo mae Teudas ka finogha te liu ra, mana mei neke chekeni thegna te kaisei mae biꞌo fara. Eghuteuna fati gobi mae neke leghuni mana. Nu keha naiknore neke faleheni mana, eghuteuna mae teke leghuni mana re ne sopagna thei kolho. Eghume unha teke fufunu mana na, ari ne theo nafugna kolho.

Mae Khuru 5:36 ပူးပေါင်းရင်းမြစ်များ

Mae Khuru 8:9

Nu kaisei mae te kiloi Simon te au ka namono tuana. Ame tei nga mae Filip jare teku na, mae Simon gne neke fajaglodi fara naiknodi Samaria re ka nogna naitu khaekae na. Mana kaisei mae te lase fahaehaghe fara nei kiloni thegna kaisei mae biꞌo.

Fapea Pita 2:2

Kmana naikno khiloau ginauna jaola leghudi puhi diꞌa te edi mare re. Naugna igne keha naiknore na funu cheke fadiꞌani Nonomho te Keli te thofno tutuani fara igne.

Thakle 17:5

Ka greregna na jaola au kaisei nangha te theome laseni nga teu gaoghathogna na, ne cheke eghu, “Namono biꞌo Babilon, idodi thau vine te gnafa nei puhi chara te gnafa ka nauthoglu igne.”

Letas Teke Rioriso Mae Jud 1:16

Mae igre mae mala eꞌei puhi nei cheke diꞌa koba eghu kolho. Mare magnahaghei te leghudi kolho gaoghathodi thedi te diꞌa fara re nei mare mae fahaehaghe fara la eghu. Eghuteuna mare mae lase famaemahe fara ka keha naiknore mala toghodi thedi kolho.

Galesia 6:3

Jame kaisei mae ghaoghatho eghu ka nagnafagna na, “Iara gne kaisei mae biꞌo fara!” Nu mana chaghini thegna, naugna mana kaisei naikno kolho.

Galesia 2:6

Iara theome nanga noguni nafnata mae biꞌo te baubatu ka khiloau na, naugna ka God na naikno te gnafare kaisei nanaba ngala. Nu mae biꞌo ka khiloau te ghatho tahudi fara naikno igre, mare theome cheke ka iara mala eni kaisei glepo te nhogri.

Mae Khuru 21:38

Iara jau iagho maemu Ijep teke ei puhi ranghini gavman gna Israel tifa ia neu sia. Mana neke batudi fati thogha mae te diꞌa puhidire neke tei balugna ka namono nagou na.”

Matiu 24:24

Naugna ginauna hatimare mae Kraes chaichaghi nei hatimare mae profet chaichaghi teu igre ginauna thakle mei. Mare ginauna edi kmana glepo te biꞌo nei kofubobhoi biꞌo eghu ka naiknore, mala fariuriu chaghidi nei baubatu fadiꞌadi eghu naikno te gnafa teke vavahi God re. Nu theome tangomana eghu.

Thakle 17:3

Aonu nogna nolaghi Tharunga te Blahi na ne mei ka iara eghuteuna engel na ne baubatu ghau iara ne tei ka kaisei namono nagou. Ka vido tuana iara ne filoni kaisei gaꞌase gnokro neu ke kligna gna kaisei bosu te ukru fara thinigna na. Bosu igne iko tongana nangha lausasaba ka thinigna na. Nangha igre thofno cheke faparini God. Eghuteuna aula fitu pha'u nei nabotho honagna.

Fapea Pita 2:18

Mare fahaehaghedi fara eidi nodi cheke te theo nafudire. Mare batudi keha naiknore mala eni unha te diꞌa na ka thinidire. Ka puhi igre mare korho fapulodi naikno teke funu rikha kokodihi puhi te diꞌare.

Matiu 24:26

“Eghume mare jame mei cheke eghu ka ghotilo, ‘Mae Kraes na kela pulo meihi, mana na tei kmiru mata,’ thosei tei jare. Ba mare jame cheke eghu ka ghotilo, ‘Mae Kraes na au lamna chogho,’ thosei fatutuanidi.

Matiu 24:5

Naugna kmana naikno ginauna mei ka nanghagu iara. Mare ginauna cheke eghu, ‘Iara ngala mae Kraes na!’ Eghuteuna kmana naikno ginauna fatutuanidi mare.

Mae Khuru 5:35

Ke leghugna igne na, mana ne cheke eghu ka mae mala fate re, “Ghotilo mae Israel ra, kulu ghaoghatho fakeli ka unha te magnahaghei eni ghotilo ka mae igre.