Mae Khuru 5:34 - Buka Blahi Ka Cheke Holo

³⁴ Kaisei mae Farasi nanghagna na mae Gamalio mana kaisei mae velepuhi biꞌogna vetula. Eghuteuna naiknore ghatho tahuni nei filo faꞌuluni eghu mana. Mana kegra haghe ne cheke farihoteidi hatimare mae mala fate. Eghuteuna mana ne chekedi mae pulisire mala hata fajifladi ghu mae khurure ke kosi katha vido.

Mae Khuru 5:34 ပူးပေါင်းရင်းမြစ်များ

Mae Khuru 22:3

“Iara kaisei mae Jiu, eghuteuna iara neke karha ka namono Tasis ka Provins Silisia, nu iara neke biꞌo haghe agne Jerusalem. Mae biꞌo teke farirhiu ghau iara na mae Gamalio, eghuteuna mana neke farirhiu fakeli ghau iara te mala leghuni nodi vetula mae ku'edara. Iara thofno heta fara te mala fafnaknoni God ka gobigna lepo te edi iara re, jateula te eni ghotilo gognaro gne eghu.

Luku 2:46

Mare hiro ne hiro. Ka fatilo narane na repa ne ruma ka Sugablahi na ne ludeni mana jare. Mae Jisas gnokro neu baludi hatimare mae velepuhigna vetula nogna mae Moses re fanomho neu ka cheke te edi mare re, eghuteuna mana ne faghusna ka hatimare.

Luku 5:17

Kaisei narane mae Jisas farirhiudi naiknore ka suga na. Eghuteuna keha mae Farasi, nei jaola keha mae velepuhi eghu au neu jare. Mae igre mei funudi ka namono te gnafa ka Provins Galili, nei funudi ka Provins Judia, nei ka namono Jerusalem. God ne tusu lao nolaghi ka mae Jisas mala fakelidi naikno te fogra re.

Nodi Khoje Hatimare Mae Jiu 76:10

Kate fagnafa aridi sagho nodi diꞌatadi nou mae naoka are, mare ginauna kafe ghatho tahu nigho iagho. Tutuani, neubane au neu katha vido fadiadiꞌa ka mare, tuana ginauna ari huiu ngala ka mare.

Mae Khuru 4:15

Ke leghugna te cheke hatimare mae biꞌo re ka thilomare te mala jifla ghu ka faidu na, mare ne funu roghe fari thedi eigna igne.

Profet Jeremaea 26:16

Nu mae biꞌo mala baubatu igre baludi keha naiknore ne cheke eghu ka mae pris nei ka mae profet teure, “Mae igne chekeni koba ka tahati nanghagna Lord noda God. Theome keli tahati te faleheni mae igne na!”

Profet Jeremaea 26:17

Aonu keha mae biꞌo mala baubature kegra haghe ne cheke eghu ka iheire fateo te kafe khapru teu ka vido igne,

Profet Jeremaea 36:25

Neuba mae Elnatan, mae Delaea nei mae Gemaraea ne fariu riu lhotini mae king te gnubra pepa brahu igne, nu mana tirogna fanomho ka thilo mae igre.

Jone 3:10

Mae Jisas ne cheke eghu ka mana, “Iagho kaisei mae velepuhi biꞌo gna Israel. Nu theome laseniu ngala eghu sagho gaoghathogna na u cheke ignea, ghema?

Mae Khuru 5:21

Kate nomhini igne, mare ne leghuni cheke igne ne tei ka Sugablahi na. Hamerane boibongi mare ne funu toutonu ranghidi naiknore. Mae pris biꞌo na nei nogna tothoghei na theome laseni te jifla mae khurure. Aonu mare ne kilo fodudi goro mae biꞌodi Israel re mala eni kaisei faidu biꞌo ka hatimare mae mala fate. Mare jaola ne chekedi keha mae pulis mala tei hata meidi hatimare mae khuru ke uludi mae mala fate.

Mae Khuru 5:27

Hatimare mae pulisire hata ne mei mae khurure ne fakegradi ke uludi mae mala fate re. Mae pris biꞌo na ne cheke eghu ka mare,

Mae Khuru 5:35

Ke leghugna igne na, mana ne cheke eghu ka mae mala fate re, “Ghotilo mae Israel ra, kulu ghaoghatho fakeli ka unha te magnahaghei eni ghotilo ka mae igre.