Mae Khuru 5:31 - Buka Blahi Ka Cheke Holo

³¹ Eghuteuna God neke hata hagheni mana mala gnokro fei nhetagna kau sape nafnakno mala funei fruni ghita nei mala fakarhi ghita. Mana neke eni igne mala tangomana naikno Israel gre te tughu nagnafa nei nakarha nei koko nakhibo.

Mae Khuru 5:31 ပူးပေါင်းရင်းမြစ်များ

Luku 24:47

Ghotilo neke filodi glepo igre. Eghume ghotilo mala toutonu ka naiknore mala tughu nagnafa nei nakarha eghu mare. Jame te eni mare igne na, God ginauna hata fadeleidi nakhibodire. Ghotilo mala fufunu Jerusalem. Toutonu glepo igre ka nanghagu iara ranghidi naikno ka namono te gnafa ka nauthoglu gne.

Mae Khuru 2:33

God neke hata hagheni mana kau sape nafnakno na mala gnokro rhegna thegna. Eghuteuna God mae Kmagna na neke tusu ranghini mana Tharunga te Blahi na, mala leghuni nogna nhaꞌa cheke na. Eghume unha te filoni nei nomhini teu ghotilo gognaro gne, glepo neke tusu meini God ka ghehati.

Mae Khuru 11:18

Kate nomhini naikno khiloau re igne, mare ne theome chekeni kaisei glepo ka mae Pita. Nu mare ne cheke fakelini God, ne cheke eghu, “Eghume, God ne snakredi naikno te theome Jiure mala figri ka mana mala karha.”

Luku 2:11

Ka bongi gognaro gne kaisei mae te mala fakarha ghami ghotilo ka nakhibo na la karhahi ka namonogna mae King Devet. Mana mae Kraes noda mae funei tahati.

Thakle 1:5

Eghuteuna khokofakasai nei pharikeli teu igre jaola mei funu ka mae Jisas Kraes mae ihei teke toutonuni chekegna God na ka thofno puhi te tutuani fabrahu tifa tifa. Mae ihei teke kulu karha fapulo kau glehe, nei au nolaghi ke klignadi hatimare mae king te gnafa ka nauthoglu igne. Mana namha ghita fara, nei lehe jateula kaisei fafara mala foli fajifla ghita gnafa ka nakhibo.

Ululahu Jone 4:14

Tahati filonihi mana nei toutonuni ka naikno eigna Mama te kuru meini Thugna mala fakarhidi naikno te gnafa ka glehe.

Hibru 2:10

God, mae ihei teke vuavuhadi gobigna lepo igre, neke cheke fakelini mana. Mana nabagna te snakreni mae Thugna Jisas Kraes mala au papara. Naugna kate au papara mana igne, God neke fagnafani nogna gloku thegna na ka mae Jisas Kraes, mae ihei tahati te kiloni “Mae mala baubatu ghita kau thofno karha.” God tusu ranghini mae Jisas gloku igne mala tangomana te hata fapulo goro thugna mala au balugna kligna.

Hibru 12:2

Fifilo kolho ka mae Jisas. Mana neke fatutuani ni God, eghuteuna kate eni igne mana neke batu ghita ka nabrou te mala fatutuani ni God na nei mana jaola toghoni noda fatutuani na ghilei thoke ka narane leghu lahu na. Mana neke lehe ka gaju fafatha na. Nu mana neke theome ghathoni u mamaja eigna u glehe papara ke kligna gaju fafatha igne, naugna mana tangomana te filoni thofno gleale'a ofoni teu mana. Eghuteuna mana gognaro gnokro fei nhetagna God mala funei fruni balugna mana.

Profet Isaia 9:6

Uve, tahati thofno gleale'a fara, naugna kaisei sua nalhaꞌu ginauna karha mei ka tahati. Lord tusu mei sua igne mala funei fruni ghami. Eghuteuna mare ginauna kiloni mana, Mae keli mala tufa gaoghatho te keli, eghuteuna God mae ihei te rheta fara, nei Kmada mae ihei te togho ghita fabrahu, nei mae biꞌo mala togho ghita mala au ka pharikeli.

Mae Khuru 3:15

Eghume, ghotilo neke faleheni mae ihei te mala tusu ranghi ghita u thofno karha na. Nu God neke fakarha fapuloni mana kau glehe eghuteuna ghepa ngala teke thofno filo tathami igne.

Matiu 28:18

Ka narane igne, mae Jisas mei ne cheke eghu ka nogna mae fanomho re, “Mae Mama snakre meihi ka iara nolaghi te gnafa kligna nei pari.

Letas Teke Rioriso Mae Jud 1:25

Mana kaisei God ngala. Mana kaisei ngala te fakarhi ghita ka nogna gloku mae noda Lord Jisas Kraes. Ka mana ngala siasigla na, nafnakno na, nolaghi na, nei mana funu tifa te mei, nei gognaro, nei tifa tifa! Amen. Me gnafa. Iara, mae Jud.

Fapea Pita 1:11

Eghuteuna God ginauna tangomana te thofno snakre ghami mala ruma ka nauthoglu majaghani te theo ka huigna. Ka nauthoglu igne noda Lord nei fakarhaida Jisas Kraes na King fabrahu tifa tifa.

Mae Khuru 2:38

Mae Pita ne cheke eghu ka mare, “Tughu nagnafa, nei kafe apublahi ka nanghagna mae Jisas Kraes, aonu God ginauna hata fadelei u nakhibomire nei tusu ranghi ghami u Tharunga te Blahi na.

Matiu 1:21

Naꞌa ginauna na au kaisei thugna nalhaꞌu eghuteuna iagho na kiloni mana Jisas, naugna mana ginauna na fakarhidi nogna naiknore kau nakhibodire.”

Profet Sekaraea 12:10

Lord ne cheke eghu, “Iara ginauna edi tharaknagna Devet nei naiknodi Jerusalem mala thofno au gaoghatho te keli, eigna mare tangomana te kokhoni ni keha mae na, eghuteuna mare tangomana te tarai ka iara mala toghodi. Mare ginauna filo mei ka iara, mae ihei mare teke fadini. Eghuteuna mare ginauna diꞌanagnafa nei tanhi eghu ka mana, jateula mae te au kaisei thugna kolho te lehe ra eghu, ba mae te lehe thugna teke kulu karha na.

Fapea Pita 1:1

Iara mae Simon Pita kaisei nogna mae gloku nei kaisei nogna mae khuru Jisas Kraes. Iara riso ari ka ghotilo iheire te hata nomi thofno fatutuani te keli fara ka God jateula ghehati. Tahati te gnafa na kafe hata u fatutuani igne naugna noda God nei Fakarhaida Jisas Kraes, mana kaisei mae keli nei eni unha te doglo fara.

Ululahu Pita 3:22

Mae Jisas Kraes gognaro na gnokrohi kligna fei khame nhetagna God Mama ka sape nafnakno. Mana funei frunidi hatimare mae engel nei nolaghi fateo te au kligna.

Kolose 1:14

Tutuani, mae Thugna na neke foli fajifla ghita nei hata kokodi nakhibodare.

Filipae 3:20

Nu tahati naikno te fatutuani mae Jisas gre, u thofno namonoda na kligna, theome agne pari. Jare te mala au tahati ke leghugna u gleheda na. Gognaro na tahati ofoniu kolho noda Lord Jisas Kraes mae Fakarhai nake pulo mei funu kligna.

Efesus 1:7

Kraes neke foli fajifla ghita ka dadara glehegna ke kligna gaju fafatha jateula kaisei fafara teu te mala hata fadelei nakhiboda ka nogna khokofakasai God te bruara igne.

Fapea Korin 2:10

Ihei te hata fadeleidi ghotilo nakhibognare, iara jaola hata fadeleidi nakhibo tuare ka mana, eghu te edi mana unha te naba iara te hata fadeleidi ka mana re. Iara hata fadeleidi nakhibogna mana re ke ulugna Kraes, naugna iara magnahagheni te togho ghami ghotilo.

Mae Khuru 13:23

“Aonu God ne hata kaisei mae ka vikegna mae Devet na mala nodi fakarhai hatimare mae Israel, mae igne mae Jisas! Eigna God neke kulu nhaꞌa chekenihi igne.

Mae Khuru 4:11

Eghuteuna u grioriso te blahi na ne cheke eghu eigna mae Jisas, “ ‘U thina teke tiromi ni ghotilo mae iheire te hohoro suga na, kela kegra haghe kaisei thina ulu fara ka suga na.’

Mae Khuru 3:26

Eghume God neke kulu vahini nogna mae gloku Jisas neke kulu kuru meini ka ghotilo. Mana kuru meini mae Jisas mala fablahi ghami ghotilo kate figri tagruni ghotilo nabrou glehe na.”

Mae Khuru 3:19

Eghume ghotilo hogri nagnafa, mala ke figri ka God, mala hata fadeleidi mana nakhibomire.

Mae Khuru 2:36

“Eghume naikno te gnafa Israel mala lase fakelini eigna God neke vahini mae Jisas mala Lord nei Kraes. Nu ghotilo neke faleheni mana kau gaju fafatha.”

Nonomho Te Keli Teke Risoi Mae Mak 4:12

Kate eni iara igne, ne horoghoto ka unha teke chekeni mae profet Isaia tifa ia, “ ‘Neubane hiro ne hiro mare, nu mare ginauna theome laseni kolho. Neubane fanomho ne fanomho mare, nu mare ginauna theome nomhi fakelini kolho. Eghume mare theome koko puhi te diꞌare eghuteuna naugna igne God theome hata fadelei nakhibodire.’ ”

Nonomho Te Keli Teke Risoi Mae Mak 2:10

Nu gognarona iara na falase arini ka ghotilo, iara mae teke mei funu ka God na au nolaghi ka nauthoglu igne te mala hata fadeleidi nakhibo!” Aonu mae Jisas ne cheke eghu ka mae te blughu na,

Profet Daniel 9:25

“Iagho mala lase fakelini igne. Funu ka narane te jifla mei cheke igne ka hatimare mae profet eigna te mala ke babana fapulo namono biꞌo Jerusalem teku igne ginauna theome faghose ghilei thokeni narane nate vavahi God kaisei mae, eghuteuna ginauna na thokeni phia tutu nheva finogha. Eghuteuna ka narane tuana, mare ginauna nake babana fapulo namono biꞌo Jerusalem, balu nabrou nei vido mala poru teu igre ginauna thokeni fati gobi tolufulu fati finogha. Nu ginauna na kmana puhi biꞌo na thoke mei.

Profet Esikiel 37:25

Mare ginauna au ka namono teke tusu lao iara tifa ka kuꞌedi mare Jekop, nogu mae gloku iara ia. Igne namono teke au tagna kuꞌedi mare tifara. Ginauna mare balu thudi nei iheire nate karha mei ke leghudi mare re teu igre ginauna au fabrahu ka namono igne. Eghuteuna king ka vikegna King Devet igne ginauna funei frunidi mare tifa tifa.

Profet Esikiel 34:24

Eghuteuna iara Lord ginauna nodi God mare, eghuteuna nogu mae gloku iara ka vikegna Devet igne ginauna king mala funei frunidi mare. Iara Lord te chekeni igne!

Profet Esikiel 17:24

Gaju te gnafa ka namono igne ginauna laseni te iara Lord te tangomana te kato soru gaju te brahu are, eghuteuna iara ginauna edi gaju te plasu are mala kotu brahu. Eghuteuna iara tangomana te edi gaju te karha igre mala gnagha, eghuteuna gaju tela mojahi are mala ke karha. “Iara Lord te chekeni igne, iara ginauna eni glepo igne!”

Profet Isaia 49:26

Iara ginauna faꞌeiꞌeidi mae teke para ghami ghotilo ra mala jateula mae te koꞌu beer te thaviru ra eghu mare mala ghilei falehe naikno fari thedi. Aonu naikno te gnafa ka nauthoglu igne ginauna laseni te iara Lord te fakarhi ghami ghotilo na. Eghuteuna mare ginauna na jaola lase ghau iara nodi God vikegna mae Jekop mae ihei te nolaghi te fakarhi ghami.”

Profet Isaia 45:21

Ghotilo mei mala chekedi ka iara nomi cheke re ke lamnagna fate igne. Ghotilo tangomana te kulu cheke ghu fari themi mala doglo ghu ka gaoghathomi re. Ihei teke chekedi glepo igre tifa na ame thoke mei nga teku na? Ba? Ghotilo theome laseni? Iara Lord! Iara God mae ihei te doglo fabrahu, eghuteuna iara fakarhi ghami ghotilo. Theo kaisei god ahevanga te jateula iara teuna!

Profet Isaia 43:11

Kaisei thegu iara ngala Lord na, eghuteuna theo kaisei god aheva nga nate fakarhi ghami ghotilo na.

Profet Isaia 43:3

Tutuani, iara Lord nomi God te Blahi ghotilo mae Israel, iara nate fakarhi ghami ghotilo na. Iara ginauna snakre lao kantri Ijep, Kus nei Seba teu igre ka khamedi nomi naoka ghotilore mala jateula teke foli fajifla ghami eghu ghotilo, mala tangomana ghotilo te snagla te jifla ka khamedi mare na.

Nodi Khoje Hatimare Mae Jiu 89:24

Nu iara ginauna namhani fara mana, nei mala kaisei phile balugna mana eghu fabrahu. Eghuteuna iara ginauna mala toghoni mana fabrahu mala nheta mana kau magra na.

Nodi Khoje Hatimare Mae Jiu 89:19

Tifa tifa na, iagho neke mei ka nou mae gloku te kelire neke cheke eghu ka mare ka mifi na, “Iara neke toghoni kaisei mae sitei mala kaisei mae soldia te fnakno fara nanghagna na. Eghuteuna iara neke vahini mana ka mare mala king.

Fapea Pita 3:18

Nu ghotilo mala au fabrahu ka nogna khokofakasai nei glalase noda Lord Jisas Kraes. Tahati kilo fnaknoni tifa tifa nanghagna noda Lord mae ihei teke fakarhi ghita. Amen. Me gnafa. Iara, mae Pita.

Fapea Pita 2:20

Faꞌunha? Jame lase fakelini naiknore eigna noda Lord Jisas Kraes mae ihei teke fakarhi ghita na meuna, mare na snagla ka puhigna nauthoglu igne. Nu jame teke pulo mare teke edi fabrahu puhi te diꞌa tuare, puhi biꞌo fara ginauna thokedi mare ke uluni teke ulu lahu na.

Taetus 1:4

Uve ghema Taetus, iara na riso ari ka iagho. Eigna iagho jateula thofno mae thugu eghu iara kau noda khiloau gne naugna iagho fatutuani nila unha glepo te fatutuani ni iara gne. Gognaro na iara toreni God Kmada nei mae Fakarhaida Jisas Kraes mala fablahi nigho nei tusu ranghi nigho u nodi pharikeli na.

Jone 4:42

Aonu, naiknore ne cheke eghu ka gaꞌase na, “Ulu lahu na ghehati neke fatutuani ni mae Jisas ka unha teke chekedi iagho ka ghehati ra. Nu gognaro na ghehati fatutuani naugna ghehati neke nomhini themi. Tutuani fara, ghehati laseni mae igne ngala thofno mae te mala fakarhadi naikno te gnafa ka nauthoglu gne.”