Mae Khuru 5:26 - Buka Blahi Ka Cheke Holo

²⁶ Aonu, mae funei biꞌo baludi hatimare mae pulisire ne tei ka Sugablahi na mala ke hata fapulodi mae khurure. Nu mae pulisire ne theome loku lalamadi mae khurure, naugna mae pulisire mhaghudi naiknore glahula fadi falehedi ka thina.

Mae Khuru 5:26 ပူးပေါင်းရင်းမြစ်များ

Mae Khuru 5:13

Eghuteuna naikno te theome fatutuanire ne mhaghu ne tirodi salo fodu baludi mare. Neubane eghu ngau, mare ne ghatho tahudi fara iheire te fatutuani ni mae Jisas.

Mae Khuru 4:21

Hatimare mae biꞌo neke fapea fata famamhaghudi phiamare, nu ke leghugna igne na mare neke snakre teidi phiamare. Ninhigrana ranghidi mare te mala fakabrudi phiamare na. Naugna mare filo glanidi naikno te gnafare la funu kilo fnaknoni God eigna u kofubobhoi teke eni phiamare igne.

Mae Khuru 5:24

Kate nomhini igne, mae funei biꞌo te mala reireghi gna Sugablahi na, nei hatimare mae pris ulu teure ne faꞌihodi fara. Mare ne jaglo nodi fara ka unha te eni ka mae khuru gre.

Luku 22:2

Kau narane tuana hatimare mae pris ulu, nei hatimare mae velepuhigna vetula nogna mae Moses eghu ne hiro phoge mala faleheni mae Jisas. Nu mare ne mhaghudi naiknore, glahula eni naiknore kaisei magra biꞌo.

Luku 20:19

Hatimare mae velepuhigna vetula nogna mae Moses nei hatimare mae pris ulu teu igre laseni nogna cheke mae Jisas igne khogla chekedi kolho mare. Aonu, mare hiro phoge mala ghosei lokini mae Jisas. Nu mare mhaghuni unha nate eni naiknore.

Luku 20:6

Nu jame ‘Naikno kolho teke tusu lao nolaghi na ka mae Jone’, teu tahati na, naikno te gnafare ginauna fada falehe ghita ka thina, naugna mare fatutuani ni mae Jone gne kaisei nogna mae profet God.”

Matiu 26:5

Mare kaisei gaoghatho ne cheke eghu, “Tahati na theome eni igne ke lamnagna gaghamu na. Na glahu diꞌa tadi fara ka tahati naiknore na fufunu kaisei magra biꞌo.”

Matiu 21:26

Nu jame cheke eghu tahati, ‘Naikno kolho teke tusu lao nolaghi ka mae Jone’, naiknore ginauna diꞌa tadi ka tahati naugna mare kafe fatutuani mae Jone na kaisei mae profet.”

Matiu 26:58

Mae Pita leghuni mae Jisas, nu mana theome namo ka mana. Eghuteuna, mae Pita tei ne thoke ka sugagna mae pris biꞌo na. Mana gnokro ka glalabagna nogna suga mae pris biꞌo na baludi mae greireghi gna Sugablahi na mala filoni unha nate eni mare ka mae Jisas.

Luku 22:4

Eghuteuna mana ne tei ka hatimare mae pris ulu, nei ka hatimare keha mae soldia eghu te reireghi gna Sugablahi na. Mana ne cheke ka mare eigna puhi te mala snakreni mae Jisas ka mare na.

Mae Khuru 5:22

Kate tei mare ka suga sosolo na mare ne theome filodi mae khurure naugna suga sosolo na ne krogha. Aonu mare neke pulo ne cheke eghu ka mae mala fate,

Mae Khuru 5:25

Aonu kaisei mae ruma mei ne cheke eghu ka mare, “Fanomho! Mae teke lilisei ghotilo ka suga sosolo ra, gognaro na kegra farirhiudi naiknore kelau ke lamnagna Sugablahi na!”