Mae Khuru 5:20 - Buka Blahi Ka Cheke Holo

²⁰ “Tei kegra ka Sugablahi gno mala toutonu ka naiknore eigna u nakarha majaghani igne.”

Mae Khuru 5:20 ပူးပေါင်းရင်းမြစ်များ

Jone 6:63

U thini na theome tangomana tusu lao u karha ka naikno na. Mae Tharunga te Blahi ngala tangomana te tusu lao u karha ka naikno na. Eghume, chekegu iara gre ngala te mala athini ghotilo u Tharunga te Blahi na, mae ihei nate tusu mei u karha na.

Jone 6:68

Mae Simon Pita ne cheke eghu ka mana, “Lord, ghehati theo kaisei mae te mala leghuni na kaisei iagho ngala. Eghuteuna u chekemu iagho re ngala te mala athini ghehati u karha fei tifa na.

Matiu 21:23

Mae Jisas pulo ka Sugablahi na Jerusalem ne farirhiudi naiknore. Kate farirhiu teu mana jare na, mae pris ulu nei mae biꞌo mala baubatudi naiknore eghu ne mei ka mana. Mare ne ghusna eghu ka mana, “Ghema, unha nafnata nolaghi site au ka iagho te edi iagho glepo igrea? Eghuteuna mae ihei teke tusu ari nolaghi ka iagho na?”

Mae Khuru 11:14

Mana ginauna na cheke ranghi nigho iagho. Glepo te chekedi mana re ginauna na fakarhi nigho nei tharaknamu tongana na.’

Jone 18:20

Mae Jisas ne cheke eghu ka mana, “Iara neke famane cheke ke uludi naiknore. Eghuteuna iara neke farirhiu koba ke lamna suga tharai, nei ke lamna Sugablahi, ka vido aheva te kafe khapru teu mae Jiure. Tutuani, iara neke theome cheke poruni kaisei glepo.

Jone 17:3

Eghuteuna karha fei tifa igne gaoghathogna na naiknore mala lase nigho, iagho kaisei God ngala te tutuani, eghuteuna naiknore mala lase ghau la iara mae Thumu Jisas Kraes, mae teke kuru mei iagho kau nauthoglu igne.

Jone 12:50

Eghuteuna te laseni iara na karha fei tifa na mei ka unha te chekedi mae Mama igre. Eghume unha mala chekedi iara ka ghotilo teku mae Mama re te chekedi iara igre.”

Profet Jeremaea 26:2

“Iagho tei kegra fari hotei glalaba, mala toutonu nogu cheke iara igre ka naikno te mei funudi Juda te tarai ka nogu Sugablahi iara na are. Iagho toutonu ka mare gobigna lepo te chekedi iara ka iagho ra. Eghuteuna iagho thosei ghatho ihoni kaisei cheke ka unha te chekedi iara igre.

Profet Jeremaea 7:2

“Iagho tei kegra ka grengathagna nogu Sugablahi iara na mala toutonu eghu ranghidi nogu cheke iara igre: “ ‘Ghotilo naiknomi Juda te ruma mei ka grengatha igne te mala mei tufru soruni Lord ra, fanomho fakeli ka nogna cheke mana igne.

Profet Isaia 58:1

Lord ne cheke eghu ka iara, “Iagho eha fabiꞌo jateula naogla khufli eghu! Toutonu ranghidi nogu naikno iara Israel, eigna puhi te figri tagru ghau nei eidi nakhibo teu are.

Jone 17:8

U nou farirhiu iagho teke famei iagho ka iara ra, iara la cheke laohi ka mare, la nomhidihi mare. Mare fatutuani nigho iagho ngala mae teke kuru mei ghau iara na nei laseni fara teke mei iara funu ka iagho na.

Eksodas 24:3

Aonu ke leghugna te cheke te gnafa balugna Lord, mae Moses soru ne cheke ka naiknore nogna cheke nei vetula teu Lord igre. Naiknore ne fanomho ka unha te chekedi mae Moses igre ne kafe cheke eghu, “Ghehati ginauna edi gobigna lepo fateo te chekedi Lord igre.”

Profet Esikiel 33:7

“Maegna ka nauthoglu. Iara vahi nigho iagho mala reireghidi naiknodi Israel. Iagho ginauna fanomho fakeli ka nogu cheke iara igne, iagho kulu tei cheke faheta ka naiknore.

Matiu 10:27

Unha te chekedi iara ka ghotilo kolho te nomhidi ghotilo igre, ghotilo ginauna tei cheke ranghidi naiknore mala kafe nomhidi mare.

Mae Khuru 13:26

“Uve, kheraguro, ghotilo vikegna mae Ebraham, nei ghotilo naikno te theome Jiu te mei ka tharai te mala pogho soru ranghini God ra, fanomho fakeli ka iara! Te laseni tahati na God neke snakre meini u Nonomho te Keli eigna u thofno karha igne ka tahati.