Mae Khuru 5:2 - Buka Blahi Ka Cheke Holo

² ne tusu lao kolho keha vidogna sileni na ka hatimare mae khuru. Nu mana ne lilisei fapulo maladi thedi keha sileni. Eghuteuna Safira ne laseni igne. Aonu repa ne kaisei nodi gaoghatho te mala chaghidi hatimare mae khuru.

Mae Khuru 5:2 ပူးပေါင်းရင်းမြစ်များ

Mae Khuru 5:3

Ke leghugna igne, mae Pita ne filoni mae Ananias ne cheke eghu ka mana, “Ghema Ananias, naugna unha sagho te snakreni mae Satan te batu fadiꞌani nagnafamu na te chaghini mae Tharunga te Blahi gnea? Naugna unha sagho te tathaji teu malamu themu keha vidogna sileni gnea?

Jone 12:6

Nu mae Judas chekeni igne naugna mana kaisei mae mala blau kolho. Mana theome kokhonidi naikno te kumare. Theo, naugna mana ngala kaisei mae te mala reireghi gna gloi sileni hatimare mae fanomhore, eghuteuna mana blau sileni keha fata ka gloi sileni na.

Matiu 23:5

“Gaoghatho te edi mare glepo te keli igre mala filo naiknore eghu kolho. Mare hohoro fabiꞌo bokisidi grioriso te blahi igre ne haru ka greredi nei khamedi teure. Eghuteuna mare jaola hohoro fabrahu nodi phoko mala tarai re.

Profet Malakai 1:14

Iara ginau tibridi iheire te nhaꞌa cheke chaichaghi ka iara igre. Naugna mare ne theome leghuni nhaꞌa cheke mala atha mei famane sipu mala fafara ka iara tekura, nu mare atha mei ka iara sipu te diꞌare. Iara mae king biꞌo, mae ihei te nolaghi fateoteꞌo, eghuteuna naikno te gnafa ka nauthoglu igne mala kilo fnakno ghau iara. Uve, igne nogna cheke Lord.”

Ululahu Timoti 6:10

Magnahaghei sileni biꞌo na u glathigna puhi diꞌa fateote'o. Keha naiknore jifla kokoni khiloau gne naugna mare magnahaghei sileni biꞌo. Nu mare khogla fadiꞌa nagnafadi nei paradi eghu kolho thedi.

Filipae 2:3

Eghuteuna ghotilo thosei ghatho ghami themi ba fahaehaghe eidi unha glepo keli te edi ghotilo re. Nu nhaꞌa fapari ghami themi, eghuteuna ghatho tahudi keha naiknore.

Mae Khuru 2:44

Naikno te gnafa te fatutuani ni mae Jisas re ne kaisei au fodu ngala, nei kaisei salofodu ngala nodi gobigna lepo fateote'o re.

Mae Khuru 5:1

Kaisei mae nanghagna na Ananias repa khetogna Safira. Repa ne fofoli nodi vido glose na

Mae Khuru 5:8

Mae Pita ne cheke eghu ka naꞌa, “Cheke meini ka iara, igne ngala si u sileni teke hata ghopa mae Ananias ka vido glose teke fofoli ghopa ia?” Safira ne chaghi ne cheke eghu ka mana, “Uve, igne ngala.”