Mae Khuru 5:17 - Buka Blahi Ka Cheke Holo

¹⁷ Aonu mae pris biꞌo na nei mae kheragna te gnafare, iheire te au ka kaisei tothoghei mae te kilodi Sadiusi, ne goghotudi fara mae khurure. Naugna kmana naikno magnahaghedi fara mare.

Mae Khuru 5:17 ပူးပေါင်းရင်းမြစ်များ

Mae Khuru 13:45

Kate filoni mae biꞌodi mae Jiure te mei kmana naikno na, mare ne thono goghotu fara ka mae Pol ghe mae Banabas. Eghuteuna mare ne cheke fadiꞌadi gobigna lepo te chekedi mae Pol re nei jaola ne cheke faparini mana.

Mae Khuru 17:5

Nu goro mae biꞌo Jiure mare ne goghotu fara naugna mare ne filodi kmana naikno ne leghuni mae Pol. Aonu, mare tei ne hata mei keha mae te diꞌa ka glalaba na ne fufunu kaisei magra biꞌo ka namono na. Mare chari ne tei ka nogna suga mae Jason na, mala hirodi mae Pol ghe mae Silas. Mare magnahaghei hatadi phiamare mala tei ke uludi naikno te gnafare.

Mae Khuru 7:9

“Thugna mana igre neke goghotuni mae Josep, mae Josep gne kaisei mae ka hatimare nabotho phei mae kuꞌeda tahati igre. Eghume mare neke snakreni mae Josep ka keha naiknodi delei mala foli mare hata teini Ijep. Nu God neke au balugna mae Josep,

Ululahu Pita 2:1

Eghume, thosei nomire eghudi puhi te diꞌare. Thosei chaghidi naiknore. Thosei goghotu ba cheke fadiꞌadi keha naiknore.

Jone 12:10

Eghuteuna mae pris ulure ne hiro phoge mala faleheni la mae Lasaros.

Matiu 27:18

Mae Paelat kulu lasenihi hatimare mae pris ulu nei hatimare mae biꞌo te hatani mae Jisas te mei ka mana na, naugna mare goghotuni mae Jisas.

Eklesiasti 4:4

Eghuteuna iara jaola filodi thua nafnata nakmusa biꞌo nei thua glepo te keli eghu te edi tahati igre, naugna tahati goghotu ka nagnafadare ka unha te edi keha naiknore. Glepo igne jaola theo nafugna kolho, jateula ihei te ngolho leghu ka nuri na ia eghu kolho.

Proveb 27:4

Puhi te diꞌatada balu fangingiri na fakabrudi keha naiknore, nu puhi goghotu na thono diꞌa fara salaꞌuni puhi te diꞌatada na.

Proveb 14:30

Ihei te blagna nagnafagna na, mana karha thinigna. Ihei te goghotu ka nagnafagna na, mana ginauna fogra.

Thoutonu Eigna Mae Job 5:2

Puhi te diꞌanagnafa na ginauna faleheni mae te fameomekro na. Eghuteuna gaoghatho goghotu na ginauna faleheni ihei te theome lalase na.

Jemes 4:5

Unha te chekeni ka grioriso te blahi na ia thofno tutuani fara eigna God neke snakre meini mae Tharunga te Blahi na ka tahati mala au ke lamnada tahati na thofno magnahaghe ghita tahati te mala leghuni kolho mana. Nu neuba ngau, keha ka ghotilo leghuni gaoghathogna naikno kolho. Nu God tusu ranghi ghami ghotilo nogna thotogho na, mala tangomana ghotilo te hogri nagnafa na. Naugna igne, grioriso te blahi na thofno tutuani fara te chekeni igne, “God theome magnahagheni ihei te fahaehaghe na. Nu toghoni ihei te nhaꞌa faparini thegna na.”

Galesia 5:21

mamagna, koꞌu, ei gaghamu malagna puhi diꞌa nei keha nafnata puhi diꞌa jateula igre eghu. Iara gognaro na cheke faheta ka ghotilo jateula teke eni thegu ka ghotilo tifa ia eghu. Naikno te edi fabrahu puhi igre ginauna theome tangomana te au baludi naikno te funei frunidi God re.

Mae Khuru 15:5

Nu keha naikno khiloau teke au ka mae tothoghei Farasire, kegra haghe ne cheke eghu, “Iheire te theome Jiu nabadi te kulu tohi fagaglana ame mei nga mare ke lamna khiloau. Tahati farirhiudi mala leghuni mare nogna vetula mae Moses!”

Mae Khuru 4:26

Mae king gna nauthoglu gne mare tarabana mala magra. Hatimare mae te funei frunidi naiknore mare salo fodu mala magrini Lord God nei nogna Kraes.’

Mae Khuru 4:6

Mae Anas, mana te mae pris biꞌo ka finogha tuana, nei mae Kaefas, nei mae Jone, nei mae Aleksada, nei mae iheire langau teke vikegna mae pris biꞌo na eghu au neu jare.

Jone 12:19

Mae Farasi gre ne filodi naikno te keli tadi ka mae Jisas te kafe khapru ka mana re. Aonu, mare ne nanga nodi fara ne cheke eghu fari thedi, “Filo si ghotilo, unha puhi te edi tahati igre ginauna theo nafudi kolho, naugna naikno te gnafare la kafe tei leghuni mana!”

Matiu 3:7

Kmana mae Farasi nei mae Sadiusi eghu ne mei ka vido aheva te faꞌapublahi naikno mae Jone na, naugna mare ne magnahaghei mei apublahi ka mana. Eghuteuna, kate filodi mare na, mae Jone ne cheke eghu ka mare, “Ghotilo jateula mogo eghu! Naugna ghotilo lase chaichaghi fara! Ihei teke cheke ranghi ghami ghotilo te mala mei apublahi na, eghuteuna ihei teke cheke te mala rikhani ghotilo diꞌatagna God tela namo meihi igne?

Mae Khuru 5:16

Kmana kmana naikno mei funudi ka namono te kmana te au falithui Jerusalem. Mare hata ne mei naikno te fogra nei naikno te au tadi naitu. Naikno igre mei neke kafe keli fapulo.