Mae Khuru 5:16 - Buka Blahi Ka Cheke Holo

¹⁶ Kmana kmana naikno mei funudi ka namono te kmana te au falithui Jerusalem. Mare hata ne mei naikno te fogra nei naikno te au tadi naitu. Naikno igre mei neke kafe keli fapulo.

Mae Khuru 5:16 ပူးပေါင်းရင်းမြစ်များ

Jemes 5:16

Eghume te cheke thakledi ghotilo nakhibomire fari themi nei fari totoghoi ka nomi tharai na mala ke keli fapulo. Nogna tharai mae ihei te doglo fara ke ulugna God na thono nolaghi fara.

Mae Khuru 4:30

Togho ghami mala frane ghehati kate fakakhana gna nou nolaghi iagho na. Fakarhidi naikno te fogra nei snakreni kofubobhoi nei fagaglana mala thakle ka nanghagna nou mae gloku blahi Jisas.”

Jone 14:12

Tutuani fara te chekeni iara ka ghotilo na. Mae ihei te fatutuani ghau iara na, mana ginauna edila glepo te edi iara re. Mana ginauna na edi glepo ke kmanadi te edi iara igrei, naugna iara na tei kokoni nauthoglu igne mala tei au balugna mae Mama.

Luku 9:11

Nu kate nomhini igne naiknore ne tei ke leghugna mae Jisas. Aonu mana ne theome lhotidi nu mana gleale'a te filodi naiknore ne toutonu ranghidi eigna u nakarha te funei fruni ni God na. Eghuteuna mana ne fakarhidi naikno te magnahaghei teke keli nodi ka fogra.

Luku 5:17

Kaisei narane mae Jisas farirhiudi naiknore ka suga na. Eghuteuna keha mae Farasi, nei jaola keha mae velepuhi eghu au neu jare. Mae igre mei funudi ka namono te gnafa ka Provins Galili, nei funudi ka Provins Judia, nei ka namono Jerusalem. God ne tusu lao nolaghi ka mae Jisas mala fakelidi naikno te fogra re.

Matiu 8:16

Rafi, ke leghugna te pluluhi naprai na, naiknore hata ne mei ka mana kmana naikno te au naiture. Mae Jisas ne cheke kolho ka bukrei naiture ne kuru fajifladi. Nu naikno teke fogra re ghosei neke kafe keli fapulo.

Matiu 4:24

Thoutonu eigna mae Jisas na ne tei tongana heva heva ka Provins Siria, eghuteuna mare hata ne mei ka mana naikno te gnafa te fogra re. Naikno igre au tadi soasopai khabru. Keha au naitu, keha snosnogho, nei keha lehe ghahedi nei khamedi teure. Tutuani, mae Jisas ne kafe fakarhadi.

Ululahu Korin 12:9

Ka kaisei naikno Tharunga te Blahi na tusu ranghini nolaghi te mala thofno fatutuani. Eghuteuna ka keha naikno na tusu ranghini nolaghi te mala fakelidi iheire te fogra.

Matiu 2:16

Kate laseni mae Herod te chaghini maedi ke maghati gre, mana ne diꞌatagna fara. Aonu, mana ne chekedi nogna mae soldiare mala tei mala falehe gnafa goro mae sua nalhaꞌu te au ka namono Betlehem, nei ka nohi te au faligohoni Jerusalem. Mana neke cheke mala kafe falehedi goro mae sua nalhaꞌu te funu ka phei finogha nei teke karhala. Mae Herod ne eni igne, naugna leghuni unha teke chekeni maedi ke maghatire kau narane teke thaklegna u nathunu na.

Mae Khuru 5:15

Kate filodi kofubobhoi teke edi mae khurure, naiknore ne pala ne mei ka sape nei ka khifra ka nabrou mala ogho mei naungogna mae Pita na ke klignadi naikno te fogra re.

Mae Khuru 5:17

Aonu mae pris biꞌo na nei mae kheragna te gnafare, iheire te au ka kaisei tothoghei mae te kilodi Sadiusi, ne goghotudi fara mae khurure. Naugna kmana naikno magnahaghedi fara mare.

Luku 6:18

Mare ne kafe mei mala fanomho ka mae Jisas, eghuteuna mare mei fakelidi mana khabru te au ka thinidire. Mae Jisas neke fakelidi nei jaola fakelidi naikno te au naitu.