Mae Khuru 5:14 - Buka Blahi Ka Cheke Holo

¹⁴ Nu kmana kmana naikno, nalhaꞌu ba gaꞌase, ne fatutuani ka Lord ne kafe ruma haghe ka mare.

Mae Khuru 5:14 ပူးပေါင်းရင်းမြစ်များ

Mae Khuru 2:47

nei kilo fnaknoni God. Eghuteuna naiknore ne keli tadi ka mare. Aonu leuleghu narane na God fakarhidi keha naikno te ruma mei ke lamnagna nodi tothoghei naikno khiloau re.

Galesia 3:28

Eghume theo kaisei glepo te nhogri ka iheire te kaisei balugna mae Jisas Kraes, neubane mae Jiu ba theome mae Jiu, neubane mae sneka ba mae snagla, neubane nalhaꞌu ba gaꞌase. Ghotilo te hui na kaisei ngala.

Mae Khuru 22:4

Iara neke paradi fara naikno te leghuni puhi te mala fatutuani ni mae Jisas igne. Iara neke lokidi nalhaꞌu ba gaꞌase neke koko laodi ka suga sosolo.

Mae Khuru 9:42

Nonomho eigna igne ne tei tongana heva heva ka namono Jopa, eghuteuna kmana naikno ne funu fatutuani ni Lord.

Mae Khuru 9:35

Aonu nonomhogna teke keli fapulo mae Aenias igne ne tei tongana ka naikno te au Lida nei ka sare glilihigna Saron. Mare ne funu fatutuani ni Lord kate filoni mare mae Aenias na.

Mae Khuru 9:31

Ka narane tuare, naikno khiloau te au heva heva ka Provins Judia nei Galili nei Samaria teure ne au ka pharikeli. Eghuteuna kau nogna thotogho Tharunga te Blahi na nodi gloku mae khiloaure ne nheta fara nei naikno te ruma haghe ka khiloau na kmana ne kmana. Eghuteuna leuleghu narane na naikno khiloaure ne ghatho tahuni nodi Lord na.

Mae Khuru 9:2

ne toreni mana mala rioriso keha letas mala hata balugna tei Damaskas ka nodi suga tharai mae Jiure. Mae Sol ne magnahagheni mae pris biꞌo na te tusu ranghini nolaghi ka letas igre mala hirodi naiknodi Damaskas te leghuni puhi te mala fatutuani ni mae Jisas. Jame filo deni mana kaisei naikno nalhaꞌu ba gaꞌase te leghuni mae Jisas jare na, mana ginauna na lokidi mala ke hata fapulodi Jerusalem.

Mae Khuru 8:12

Nu kate mei toutonuni mae Filip u Nonomho te Keli eigna mae Jisas Kraes, nei eigna u nakarha te funei frunini God na teuna, kmana nalhaꞌu nei gaꞌase teu ka namono tuana ne fatutuani ne apublahi.

Mae Khuru 6:7

Chekegna God na tei thoke heva heva ka naiknore. Tothoghei naikno khiloau te au Jerusalem ka narane tuare gognaro biꞌo la biꞌo, eghuteuna jaola kmana nodi tothoghei pris mae Jiu gre la funu fatutuani nei leghuni mae Jisas.

Mae Khuru 4:4

Nu kmana naikno te nomhidi nodi cheke phiamare re ne fatutuani ni mae Jisas. Eghuteuna naikno te fatutuani ni mae Jisas gognaro na thokei glima thogha.

Mae Khuru 2:41

Iheire naikno te fatutuanidi nogna cheke mae Pita re ne apublahi, naba thilo thogha naikno te ruma haghe ka tothoghei mae khiloau kau narane tuana.

Profet Isaia 45:24

Naiknore ginauna chekeni te nheta iara na, eghuteuna puhigu iara na doglo.” Nu iheire te tirodi ghau iara re ginauna thono mamaja nodi fara.

Nehemaea 8:2

Aonu ka narane ululahu ka nhigra igne, mae Esra hata ne mei buka igne, eghuteuna mana kegra haghe ke uludi mae nalhaꞌu, nei goro gaꞌase, nei goro sua iheire te tangomana te laseni unha te iuꞌijuni mana na.

Esra 10:1

Pris Esra tuturupuku soru ke kosigna grengathagna nogna Sugablahi God na ne tarai balu diꞌanagnafa ne tanhi neu, eghuteuna mana ne cheke thakledi nakhibodi naiknodi Israel re. Ka narane igne, kmana nalhaꞌu nei gaꞌase, goro sua eghudi Israel gre mei khapru faligohoni mana, eghuteuna naikno igre jaola ne tanhi fara.

Fapea Samuel 6:19

Eghuteuna mae Devet ne tuatufa ka naiknore kaisei bret, kaisei vido nafnahi teke gahu ka khaꞌaghi, nei keha sisi grep te gata kaisei naikno neu ka naikno te gnafare. Kate hata te gnafa gano igre, mare ne kafe figri ka namonodire.

Eksodas 35:22

Uve, nalhaꞌu ba gaꞌase te thofno au nagnafadi fara te mala tusu lao glepo ka Lord igre, mare atha mei famane glepo teke horo mare ka gol, nei keha nafnata glepo mala lilisei ka pohe, nei dedenge, nei ring, nei chen mala babaꞌo. Mare pala haghe gol igre jateula nodi fafara eghu mala fagaglana gna te glepo igre nogna Lord.

Fapea Korin 6:15

Kraes na theome tangomana te kaisei gaoghatho balugna mae Satan. Eghuteuna ihei te fatutuani na theome tangomana te kaisei gaoghatho balugna mae ihei te theome fatutuani na.