Mae Khuru 4:36 - Buka Blahi Ka Cheke Holo

^36-37 Jare kaisei mae khiloau ka vikegna mae Livae, nanghagna na mae Josep, mana neke karha ka moumolu te kiloi Saeprus. Mae khurure kiloni mana, mae Banabas, u gaoghathogna na, mae mala blakno eghu. Mana fofoli nogna vido glose na. Kate hata sileni na, mana leghuni puhi te mala tufa na ne tusu ranghidi hatimare mae khuru.

Mae Khuru 4:36 ပူးပေါင်းရင်းမြစ်များ

Galesia 2:13

Eghuteuna keha mae Jiu te fatutuani ni mae Jisas ka namono tuana jaola leghuni mae Pita ka nafnata puhi te theome doglo igne. Eghuteuna mare jaola batu fadiꞌani mae Banabas ka nafnata puhi igne.

Galesia 2:9

Eghuteuna kate filo glani mare God teke tusu mei khokofakasai ka iara mala eni gloku igne, hatimare mae biꞌo ka khiloau, mae Jemes nei mae Pita nei mae Jone mare mei ne kubae ka ghepa mae Banabas, fagaglana gna mare keli tadi te mala loku balumi ghepa na. Ghehati ne kaisei gaoghatho eigna nomi gloku ghepa mae Banabas na mala tei ka iheire te theome Jiu. Eghuteuna nodi gloku thedi na maladi mae Jiu.

Galesia 2:1

Ke leghu nabotho fati finogha iara neke puloi Jerusalem balugna mae Banabas. Iara jaola neke hata mae Taetus balugu.

Mae Khuru 15:39

Mae Pol ghe mae Banabas ne eni kaisei fari pholai biꞌo farihoteidi eigna igne. Aonu, phiamare fnota ne sopa thei. Mae Banabas hata mae Jone Mak balugna eghuteuna phiamare saghe ka vaka na ne tei thoke ka moumolu Saeprus.

Ululahu Korin 9:6

Jaola, mae khuru gre theome loku sileni. Nu ghepa mae Banabas loku mala togho ghami themi. Ba, ghepa ngala?

Mae Khuru 21:16

Keha naikno khiloaudi Sisaria re ne tei balumi ghehati. Mare hata ghami ghehati ne tei ka sugagna mae Nason mala au balugna mana. Mae Nason gne mae gna Saeprus, mana kaisei mae neke kulu fatutuani ni Lord.

Mae Khuru 15:37

Mae Banabas ne magnahaghei te hata mae Jone Mak baludi.

Mae Khuru 12:25

Kate gnafa mae Banabas ghe mae Sol nodi gloku na jare Jerusalem na, phiamare neke pulo Antiok. Eghuteuna ka vido tuana phiamare ne hata baludi mae Jone Mak.

Mae Khuru 11:30

Mare ne salo keha sileni ne tusu lao ka mae Banabas ghe mae Sol, ne hata ne tei ka goro mae biꞌo te mala baubatu gna khiloau Jerusalem.

Mae Khuru 15:12

Tothoghei mae biꞌo na ne theome ghagri kaisei cheke ne fanomho kolho ka mae Pol ghe mae Banabas eidi u kofubobhoi nei fagaglana eghu teke edi phiamare ka iheire te theome Jiu.

Mae Khuru 15:2

Mae Pol ghe mae Banabas theome magnahagheni u nafnata farirhiu te eni mare igne ne cheke faheta fara ka mare. Aonu mae khiloaure ne vahidi mae Pol ghe mae Banabas nei keha mae langau eghu mala tei thoke Jerusalem. Jare mare ne tangomana te cheke eigna puhi igne baludi hatimare mae khuru nei keha mae biꞌo ka khiloau.

Mae Khuru 9:27

Nu mae Banabas ne toghoni mana ne tathalei ne tei ka mae khurure. Mae Banabas ne toutonu ka mare eigna mae Sol teke filoni Lord ka nabrou na, nei Lord neke cheke balugna mana. Mana jaola ne cheke ranghidi u thoutonu te nolaghi teke edi mae Sol Damaskas ka nanghagna mae Jisas.

Nonomho Te Keli Teke Risoi Mae Mak 3:17

Mae Jemes ghe mae Jone, phia thugna mae Sebedi, mae Jisas kilodi phia mae igre Boanejis, gaoghathogna na, “Mae ihei te ghosei diꞌatagna”;

Mae Khuru 13:1

Igre mae profet nei mae velepuhi eghu te au ka khiloau Antiok re: mae Banabas; nei mae Simion mae te kiloni mae Pipito; nei mae Lusias mae gna Saerini; nei mae Manaen mae ihei teke biꞌo haghe balugna mae funei Herod Antipas; nei mae Sol.

Mae Khuru 13:2

Kate tarai nei dangna teu mare na, Tharunga te Blahi na ne cheke eghu ka mare, “Ghotilo taofidi mae Banabas ghe mae Sol mala loku ka gloku mala eni phiamare teku iara gne.”

Mae Khuru 13:4

Mae Tharunga te Blahi na ne kurudi mae Banabas ghe mae Sol mala tei ka namono Selusia. Funu jare phiamare saghe ka vaka ne tei thoke ka moumolu Saeprus.

Mae Khuru 13:15

Kate iu'iju te gnafa mare nogna buka mae Moses nei nodi buka hatimare mae profet, goro mae biꞌogna suga tharai na ne cheke eghu ka mae Pol nei mae kheragna re eghu, “Kheraguro, ghehati magnahaghei ghami ghotilo te mala cheke ranghidi naikno gre, eghu te au nomi cheke ghotilo te mala toghodire.”

Mae Khuru 21:3

Ghehati tei ne sala'u ke mata moumolu Saeprus, nu ghehati doglo ne thoke Siria, eghuteuna tei me longa ka namono biꞌo Taea. Naugna mare magnahaghei te fasoru gluja jare.

Mae Khuru 27:4

Aonu ghehati jifla Saedon ne tei rhegna moumolu Saeprus naugna nuri na ne au ke ulumi ghehati.

Ululahu Korin 14:3

Nu ihei te toutonuni chekegna God na, mana ne cheke ka naiknore. Mana toghodi naiknore mala nheta nodi fatutuani na ka Lord balu fabrabrana nei fameomego.

Kolose 4:10

Mae Aristakas te au balugu iara ka suga sosolo gne kubae ghami ghotilo. Eghuteuna mae Mak, nebugna mae Banabas, jaola kubae ghami ghotilo. Jame te ari posa mae Mak na, ghotilo reireghi fakelini mana ka sugamire, jateula teke chekenihi iara ka ghotilo ia eghu.