Mae Khuru 4:31 - Buka Blahi Ka Cheke Holo

³¹ Ke leghugna te tarai mare na, u suga te khapru te tarai teu mare na megei nga ne nghali. Eghuteuna mae Tharunga te Blahi na ne soru mei ka mare. Ke leghugna igne, mare ne theome mhaghu te toutonuni u chekegna God na.

Mae Khuru 4:31 ပူးပေါင်းရင်းမြစ်များ

Matiu 21:22

Eghume, jame fatutuani ghotilo na, God ginauna tusu ari unha te toreni ghotilo ka tharai na.”

Profet Isaia 65:24

Neuba mare ne theome kilo mei ka iara, iara kulu nomhidihi mare. Neuba mare ne tarai fabrahu ka iara, iara kulu enihi unha te toreni mare na.

Mae Khuru 2:4

Aonu mae Tharunga te Blahi ne mei au ka mare ne gnafa, eghuteuna mare ne funu cheke ka keha chekedi delei, leghuni unha nafnata cheke teke tusu ranghidi mae Tharunga te Blahi na.

Jemes 1:5

Nu ihei te theo nogna gaoghatho te keli na, toreni God. Naugna God ginauna na gleale'a te tufa fabiꞌo ranghini mana gaoghatho te keli na. Eghuteuna God ginauna na theome fafuafuna ka mae ihei te tore ka mana na.

Mae Khuru 2:2

Kaisei naogla biꞌo jateula nuri blahi neu megei nga ne ghaghafa mei funu ka maloa na ne fodu ka suga te au teu mare na.

Mae Khuru 4:29

Gognaro gne, Lord, nomhidi nodi cheke famamhaghu mae igre! Lord, ghehati nou mae gloku iagho. Tusu mei ranghi ghami u nolaghi te mala theome mhaghuni ghehati toutonu gna chekemu iagho na.

Jone 15:7

Jame te au fabrahu ghotilo balugu iara eghuteuna chekegu iara re au fabrahu ka ghotilo teuna, ghotilo ginauna tangomana te toreni unha te magnahagheni ghotilo na, eghuteuna God ginauna tusu ari ka ghotilo.

Jone 14:12

Tutuani fara te chekeni iara ka ghotilo na. Mae ihei te fatutuani ghau iara na, mana ginauna edila glepo te edi iara re. Mana ginauna na edi glepo ke kmanadi te edi iara igrei, naugna iara na tei kokoni nauthoglu igne mala tei au balugna mae Mama.

Jone 15:16

Ghotilo neke theome vahi ghau iara, nu iara nga teke vahi ghami ghotilo te mala tei te mala ure ghotilo na, nafnata sisi te keli te au fabrahu. Te eghu ghotilo na, mae Mama na tusu ari ka ghotilo unha te toreni ghotilo ka nanghagu iara na.

Filipae 1:14

Kate lase ghau iara te au ka suga sosolo gognaro gne, kmana naikno ka khiloau gne mare la frane fara te toutonuni nogna u Nonomho te Keli mae Jisas Kraes.

Mae Khuru 2:1

Kate thokeni narane Pentekos na, mare ne kafe au fodu neu kaisei vido.

Mae Khuru 4:13

Hatimare mae biꞌo re ne jaglo nodi kate filodi mae Pita ghe mae Jone te theome mhaghu kate cheke ke uludi mare na. Mare lasedi phei mae igre neke theome tei sikoluni u glalase na, phiamare au kolho ka namono. Nu kate filoni te theome mhaghu phei mae igre na, mare neke ghatho fapuloni phei mae igre neke tei tafri balugna mae Jisas.

Mae Khuru 14:3

Nu mae Pol ghe mae Banabas ne au faraugha Aekoniam, eghuteuna phiamare ne theome mhaghu te toutonuni chekegna Lord na. Aonu Lord ne falalase ka naiknore te tutuani nogna cheke na. Naugna mana ne tusu ranghidi phiamare nolaghi te mala edi kofubobhoi nei fagaglana.

Filipae 1:20

Iara thono theome magnahaghei te eni kaisei glepo te mala famamaja ghau thegu ke ulugna mae Kraes. Nu iara magnahaghedi naiknore te filo glani ka iara nogna nolaghi biꞌo mae Kraes. Neuba mare ne falehe ghau iara ginauna, iara magnahaghedi naikno khiloaure te mala kilo fnaknoni fabrahu mae Kraes.