Mae Khuru 4:29 - Buka Blahi Ka Cheke Holo

²⁹ Gognaro gne, Lord, nomhidi nodi cheke famamhaghu mae igre! Lord, ghehati nou mae gloku iagho. Tusu mei ranghi ghami u nolaghi te mala theome mhaghuni ghehati toutonu gna chekemu iagho na.

Mae Khuru 4:29 ပူးပေါင်းရင်းမြစ်များ

Mae Khuru 4:13

Hatimare mae biꞌo re ne jaglo nodi kate filodi mae Pita ghe mae Jone te theome mhaghu kate cheke ke uludi mare na. Mare lasedi phei mae igre neke theome tei sikoluni u glalase na, phiamare au kolho ka namono. Nu kate filoni te theome mhaghu phei mae igre na, mare neke ghatho fapuloni phei mae igre neke tei tafri balugna mae Jisas.

Mae Khuru 14:3

Nu mae Pol ghe mae Banabas ne au faraugha Aekoniam, eghuteuna phiamare ne theome mhaghu te toutonuni chekegna Lord na. Aonu Lord ne falalase ka naiknore te tutuani nogna cheke na. Naugna mana ne tusu ranghidi phiamare nolaghi te mala edi kofubobhoi nei fagaglana.

Filipae 1:14

Kate lase ghau iara te au ka suga sosolo gognaro gne, kmana naikno ka khiloau gne mare la frane fara te toutonuni nogna u Nonomho te Keli mae Jisas Kraes.

Mae Khuru 4:31

Ke leghugna te tarai mare na, u suga te khapru te tarai teu mare na megei nga ne nghali. Eghuteuna mae Tharunga te Blahi na ne soru mei ka mare. Ke leghugna igne, mare ne theome mhaghu te toutonuni u chekegna God na.

Fapea Timoti 4:17

Nu Lord Jisas Kraes togho ghau iara ne tusu mei nolaghi ka iara mala thofno toutonuni u Nonomho te Keli na mala kafe nomhini naikno te theome Jiure. Eghume mana togho fabrahu ghau iara mala theome tangomana mare te fate falehe ghau iara na nei theome snakre lao ghau iara ka lion mala ghamu ghau iara.

Mae Khuru 28:31

Eghuteuna mana ne toutonu ranghidi u Nonomho te Keli eigna u nakarha God te funei frunini, nei farirhiu eigna noda Lord Jisas Kraes. Mana kaisei mae frane fara kate toutonuni u Nonomho te Keli na. Eghuteuna theo kaisei naikno te tangomana fariuriu lhotini mana ka cheke igre.

Mae Khuru 19:8

Jame thilo nhigra, mae Pol ne tei koba ka suga tharai na ne cheke faheta fara ka naiknore. Mana ne frane ne toutonu ka naiknore mala laseni eigna u nakarha God te funei frunini.

Mae Khuru 13:46

Nu mae Pol ghe mae Banabas ne theome mhaghu ne cheke eghu, “Ghepa magnahaghei te kulu toutonuni ka ghotilo mae Jiu chekegna God gne. Nu ghotilo tiromi fanomho, eghuteuna ghotilo vahi ghami themi te theome nabami te hatini u karha fei tifa na. Eghume ghehati gognaro na tei ka keha naikno te theome Jiu.

Mae Khuru 9:27

Nu mae Banabas ne toghoni mana ne tathalei ne tei ka mae khurure. Mae Banabas ne toutonu ka mare eigna mae Sol teke filoni Lord ka nabrou na, nei Lord neke cheke balugna mana. Mana jaola ne cheke ranghidi u thoutonu te nolaghi teke edi mae Sol Damaskas ka nanghagna mae Jisas.

Ululahu Tesalonika 2:2

Ghotilo laseni ame ari posa nga ka ghotilo teku na, ghehati neke au papara ka namono Filipae. Mae biꞌo mala baubatu ka namono tuana cheke fadiꞌa ghami ghehati. Nu neubane khale ghami kmana hoholo, noda God ne togho ghami ghehati mala frane te toutonuni ka ghotilo u Nonomho te Keli na.

Mae Khuru 4:21

Hatimare mae biꞌo neke fapea fata famamhaghudi phiamare, nu ke leghugna igne na mare neke snakre teidi phiamare. Ninhigrana ranghidi mare te mala fakabrudi phiamare na. Naugna mare filo glanidi naikno te gnafare la funu kilo fnaknoni God eigna u kofubobhoi teke eni phiamare igne.

Profet Daniel 9:18

God, figri mei fanomho ka ghehati, eghuteuna filo mei ka puhi biꞌo te thoke ghami ghehati gognarogne. Eghuteuna iagho jaola filo meini puhi biꞌo te au ka nou namono biꞌo iagho igne. Ghehati tarai koba ka iagho, naugna iagho kokhoni ghami ghehati fabrahu, theome naugna te naikno doglo ghehati na.

Profet Esikiel 2:6

Maegna ka nauthoglu, neuba naiknore ne tirodi ghau iara, ba tirodi fanomho ka iagho, ba ghaoghatho fadiꞌa eimu iagho, nu iagho thosei mhaghu, ba mhaghudi nodi cheke mare re. Nu iagho ginauna na jateula te au teu baludi bukrei khafrasege ra eghu, ba gnokro hoteidi gnaro te fachuchuru ra eghu. Nu iagho thosei mhaghudi unha te chekedi mare re.

Mae Khuru 26:26

Mae King Agripa lasedi glepo igre. Iara theome mamaja te cheke ka mana na. Te laseni iara na mana kafe nomhidi glepo igre naugna glepo igre neke theome edi ka vido te poru.

Profet Maeka 3:8

Nu ka iara na, Lord tusu mei nolaghi nei Tharunga gna na ka iara. Eghuteuna mana togho ghau iara mala thofno lasedi iara puhi te doglo te mala fatedi naiknore. Eghuteuna farerheta gaoghathogu iara na mala tangomana iara te cheke fajifladi nakhibodi nogna naikno mana re.

Lamentations 5:1

Lord, ghathoni sagho puhi biꞌo te thoke ghami ghehati igne. Eghuteuna iagho jaola filoni eigna ghehati la mamaja nomi fara.

Lamentations 3:50

ghilei thoke mei narane Lord mae ihei te au kligna na te filo soru ka puhi biꞌo igne.

Profet Isaia 63:15

Lord, iagho king, iagho au ka namonomu te blahi kligna, eghuteuna siasiglamu nei nou nolaghi teu iagho na fodu ka namono igne. Nu iagho filo soru mala filo ghami. Naugna unha sagho te theome fakakhana nou nolaghi biꞌo na ka ghehati gnea? Iagho theome fakakhana nou kokhoni ghami nei namha teuna ka ghehati. Ba, iagho theome magnahaghei ghami ghehati sia?

Profet Isaia 58:1

Lord ne cheke eghu ka iara, “Iagho eha fabiꞌo jateula naogla khufli eghu! Toutonu ranghidi nogu naikno iara Israel, eigna puhi te figri tagru ghau nei eidi nakhibo teu are.

Mae Khuru 9:28

Aonu mae Sol ne au baludi mae fanomhore ne tei tongana Jerusalem, mana ne frane ne toutonu ka nanghagna mae Jisas.

Fapea Korin 3:12

Eghume naugna ghehati thofno laseni nogna nolaghi biꞌo God te au fabrahu, ghehati theome tangomana te mhaghu kate loku ranghini Lord na.

Ululahu Korin 14:13

Eghume ihei te chekeni chekegna God ka keha nafnata chekei na, mana mala toreni God mala tangomana mana jaola te rurutha gaoghathogna unha te chekeni mana na.