Mae Khuru 4:26 - Buka Blahi Ka Cheke Holo

²⁶ Mae king gna nauthoglu gne mare tarabana mala magra. Hatimare mae te funei frunidi naiknore mare salo fodu mala magrini Lord God nei nogna Kraes.’

Mae Khuru 4:26 ပူးပေါင်းရင်းမြစ်များ

Nodi Khoje Hatimare Mae Jiu 2:2

Neubane eghu ngau, hatimare mae king ka nauthoglu igne ne tarabana mala magra neu. Hatimare mae funei hironi kaisei nabrou te mala tapla sorudi Lord ghe nogna king.

Profet Daniel 9:24

“God na liliseihi fati gobi nheva salei finogha te mala toghodi nou naikno iaghore balugna namono biꞌo Jerusalem. Ka gnafadi narane tuare, mana ginauna koko fahui nakhibomi nei puhimi teu ghotilo te diꞌare. Eghuteuna mana ginauna lilisei gaoghatho te doglo ka nogna naiknore mala au fakeli tifa tifa. Eghuteuna mifi nei nodi cheke hatimare mae profet teu igre ginauna thoke mei tutuani. Funu gognarogne, Sugablahi igne ginauna thono blahi fara.

Mae Khuru 10:38

Eghuteuna ghotilo lasenihila u thoutonu eigna mae Jisas gna Nasaret. Tutuani, God Mama neke kuruni mae Tharunga te Blahi na mala toghoni mana nei tusu ranghini mana u nolaghi te biꞌo tulao. Ghotilo jaola laseni mae Jisas gne neke tei tongana heva heva neke edi koba glepo te kelire, nei fakelidi naikno te gnafa te au ke parigna nogna nolaghi mae Satan. Mae Jisas tangomana te eni igne naugna God au balugna mana.

Hibru 1:9

Iagho magnahaghei unha glepo te doglo nei theome magnahaghei unha glepo te diꞌa. Eghume nou Lord God neke vahi nigho nei tusu ranghi nigho nafnakno te biꞌo nei gleale'a te uluni nodi gleale'a iheire te au balumu.”

Luku 4:18

“Tharunga gna God na au balugu iara. Naugna mana neke vahi ghau iara mala toutonuni Nonomho te Keli gne ka naikno te kumare. God neke kuru ghau iara mala toutonu ka naikno te au sosolo ka nakhibodire mala snagla mare, nei naikno teke dofure mala ke fifilo fapulo. Eghuteuna iheire te au papara ke paridi nodi nolaghi keha mae re ginauna mala ke au ka pharikeli.

Thakle 17:17

Mare na eni igne, naugna God neke lilisei gaoghatho tuana ka nagnafadire, nei mala eni mare unha te magnahagheni mana na. Mare ne kaisei gaoghatho ne mala snakre lao ka bosu na nodi nolaghi te mala funei fruni na. U bosu na ginauna funei frunidi naiknore ghilei thokeni narane God nate roꞌeni namono Babilon jateula teke chekeni mana tifa ia eghu.

Thakle 12:10

Aonu iara ne nomhi kaisei cheke funu kligna, ne eha eghu fabiꞌo, “Gognaro na noda God la fakarha ghitahi! Mana ne falalasehi ka tahati nogna nolaghi te mala funei frunidi gobigna lepore, nei jaola falalasehi nogna Kraes te au nolaghi te mala funei frunidi. God la koko sorunihi mae Satan ka nauthoglu igne, mae ihei teke fathoro chaichaghidi naikno khiloaure ke ulugna God bongi narane.

Thakle 11:15

Aonu fafitu engel na ne ifu nogna khufli na. Eghuteuna iara ne nomhidi cheke te mei funu kligna re, ne eha eghu fabiꞌo, “Nolaghi te mala funei frunidi naiknogna nauthoglu gne gognaro nogna noda Lord nei nogna Kraes. Mana ginauna funei frunidi fabrahu tifa tifa.”

Nodi Khoje Hatimare Mae Jiu 2:1

Naugna unha ne roghe fodu nga naikno igre te mala tapla sorudi God ghe nogna king teke vavahi God? Mare theome tangomana!

Profet Isaia 7:7

Nu iara Lord cheke eghu ka iagho: “ ‘Nodi gaoghatho te eni phei mae king igre ginauna theo nafugna kolho.