Mae Khuru 4:23 - Buka Blahi Ka Cheke Holo

²³ Mae Pita ghe mae Jone ne jifla ka nodi faidu hatimare mae biꞌodi Jiure neke tei ka nodi tothoghei thedi na. Phiamare ne toutonu ranghidi gobigna lepo teke chekedi hatimare mae pris biꞌo nei hatimare mae funei ka phiamare re.

Mae Khuru 4:23 ပူးပေါင်းရင်းမြစ်များ

Nodi Khoje Hatimare Mae Jiu 119:63

Iara kaisei loku fodu baludi iheire te ghatho tahu nigho re, nei iheire te leghudi nou famane cheke iagho re.

Profet Malakai 3:16

“Ke leghu na, naikno te ghatho tahuni Lord igre ginau cheke fari thedi, eghuteuna Lord ginauna fanomho ka unha te chekedi nogna naikno te ghatho tahuni Lord igre, nei mhaghu teu igre ginauna rioriso soru ka buka mala ghathodiu.

Proveb 13:20

Te fofodu balugna mae te autagna gaoghatho te keli na, iagho ginauna hata gaoghatho te keli. Nu te fofodu balugna mae te fameomekro na, iagho ginauna au papara.

Nodi Khoje Hatimare Mae Jiu 42:4

God, tifara iara neke batudi kmana naikno neke tei ka sugamu iagho na. Iara neke baludi mare neke tei balu glealeꞌa, balu khoje nei balu kilo fnakno nigho. Nu kate ghatho fapulodi iara glepo igre, gaoghathogu na iara tanhi nogu fara.

Nodi Khoje Hatimare Mae Jiu 16:3

Nogna naikno God ka nauthoglu igne thofno keli fara. Iara thofno keli tagu fara te au nogu baludi mare.

Mae Khuru 16:40

Aonu kate jifla mei ka suga sosolo na, phiamare ne kulu tei ka sugagna Lidia na. Phiamare ne thafodi keha naikno khiloau ka sugagna Lidia na ne toutonu ranghidi mala ke fakeli nagnafadi. Ke leghugna igne, phiamare ne jifla ka namono tuana.

Mae Khuru 4:22

Mae teke keli fapulo igne mana fogra funu tifa. Eghuteuna gognaro na la phiatutu finogha gnahi.

Mae Khuru 4:24

Kate nomhini igne, naiknore kaisei nagnafa ngala ne kafe tarai fodu ka God ne cheke eghu, “Lord God, iagho mae neke vuavuhani maloa, nei glose, nei nhorora, nei gobigna lepo te au ke lamnadi.