Mae Khuru 4:20 - Buka Blahi Ka Cheke Holo

²⁰ Ghepa theome tangomana te gnafa na. Ghepa magnahagheni fara te toutonu eidi unha teke filodi nei nomhidihi teku ka mae Jisas re.”

Mae Khuru 4:20 ပူးပေါင်းရင်းမြစ်များ

Mae Khuru 22:15

Iagho ginauna nogna mae mala toutonu mana, mala toutonu ka naikno te gnafa re unha iagho teke filodi ba teke nomhidi.

Profet Jeremaea 20:9

Jame te cheke eghu iara ka gaoghathogu thegu na, “Gognarona iara ginauna na ghatho ihoni Lord. Iara ginauna tirogu toutonu ka nanghagna mana.” Nu kate ghathoni iara igne na, glamnagu iara na brana jateula khaꞌaghi eghu. Eghuteuna iara haimidi nhubragu fateote'o re jateula te gnhubra eghu. Iara fariu riu mala haboni glamnagu na, nu iara theome tangomana te eni igne na.

Mae Khuru 5:32

Ghehati cheke thakledi glepo igre, nei jaola mae Tharunga te Blahi na. God tusu meini mae Tharunga te Blahi ka iheire te leghuni mana.”

Profet Esikiel 3:11

Iagho tei ka kheramu ra eigna mae naoka gre neke hatadi neke jifla ka nodi kantri na neke tei au ka keha kantri delei, eghuteuna iagho cheke eghu ka mare, ‘Lord neke cheke eghu’ mala laseni mare te cheke igre thofno nogu cheke iara teuna. Iagho cheke ka mare, neuba mare ne fanomho ka iagho ba theo.”

Mae Khuru 18:5

Aonu mae Silas ghe mae Timoti gre ne mei funudi Masidonia mala loku balugna mae Pol Korin. Ke leghugna igne, mae Pol ne toutonu ranghidi koba naiknore u Nonomho te Keli igne leuleghu narane mala laseni mare mae Jisas gne ngala mae Kraes na.

Mae Khuru 3:15

Eghume, ghotilo neke faleheni mae ihei te mala tusu ranghi ghita u thofno karha na. Nu God neke fakarha fapuloni mana kau glehe eghuteuna ghepa ngala teke thofno filo tathami igne.

Mae Khuru 2:32

Tutuani, God neke fakarha fapuloni mae Jisas kau glehe, eghuteuna ghehati te hui na la thofno filonihi ka tathamire.

Mae Khuru 1:8

Nu ka narane nate soru mei mae Tharunga te Blahi na ke klignami ghotilo na, ghotilo ginauna na fodu kau nolaghi te mala toutonu eigu iara. Ghotilo ginauna mala toutonu eigu iara agne Jerusalem, nei Judia tongana, nei Samaria tongana, ghilei tei thoke ka namono te gnafa ka nauthoglu igne.”

Luku 1:2

Tahati lasedi ka mae iheire teke thofno filodi glepo igre funu tifa nei risodi. Mare jaola neke toutonuni u Nonomho te Keli na.

Profet Maeka 3:8

Nu ka iara na, Lord tusu mei nolaghi nei Tharunga gna na ka iara. Eghuteuna mana togho ghau iara mala thofno lasedi iara puhi te doglo te mala fatedi naiknore. Eghuteuna farerheta gaoghathogu iara na mala tangomana iara te cheke fajifladi nakhibodi nogna naikno mana re.

Profet Jeremaea 4:19

Iara diꞌa nagnafagu fara, eghuteuna iara haimini te kabru ka thiꞌagu na. Iara theome tangomana te au snoto na, naugna iara nomhidi naogladi khufli, nei nomhidi hatimare mae naoka te eha fabiꞌo kate posa mei mare ka magra na.

Profet Jeremaea 1:7

Nu mana ne cheke eghu ka iara, “Thosei chekeni iagho ne mae majaghani fara teuna. Iara ginauna kuru tei nigho iagho ka naikno te gnafa ka vido aheva nate tei iagho na. Eghuteuna iagho ginauna toutonu ranghidi gobigna lepo te chekedi iara ka iagho igre.

Fapea Samuel 23:2

“Tharunga gna Lord na vahi ghau iara mala chekeni nogna cheke na. Nogna cheke na au ka foflogu iara na.

Naba 23:20

Uve, mana neke cheke ghau iara mala fablahidi naiknodi Israel. Aonu God ne fablahidi mare, eghuteuna iara theome tangomana teke lhotini nogna fablahi mana na.

Naba 22:38

Nu mae Balam ne cheke eghu ka mana, “Uve, iara la meihi gognaro na. Nu iara na theome chekeni kaisei glepo mala togho nigho iagho. Nu iara na chekedi kolho unha teke cheke mei God ka iara re.”

Mae Khuru 2:4

Aonu mae Tharunga te Blahi ne mei au ka mare ne gnafa, eghuteuna mare ne funu cheke ka keha chekedi delei, leghuni unha nafnata cheke teke tusu ranghidi mae Tharunga te Blahi na.

Profet Jeremaea 6:11

Iara gognarona jaola diꞌatagu fara ka mare, jateula teke diꞌatamu iagho, Lord, ka mare ra eghu. Eghume, iara theome tangomana te loku famaku ka nagnafagu na diꞌatagu igne.” Aonu Lord ne cheke eghu ka iara, “Iagho atha tei diꞌatagu iara igne mala toatofa ke klignadi goro sua te nolo tafri ka nabrou are, ba ka goro mae majaghani te khapru fodu teu, ba ka goro mae biꞌo nei khetodi, ba goro naikno biꞌo teu are mala kafe haimini te diꞌatagu iara na.

Profet Emos 3:8

Kate eha fabiꞌo lion na, mae te nomhini igne ginauna mhaghu nogna fara. Eghuteuna kate cheke fabiꞌo Lord na, mae te nomhi chekegna mana igne ginauna cheke fajiflani chekegna mana na.