Mae Khuru 3:6 - Buka Blahi Ka Cheke Holo

⁶ Nu mae Pita ne cheke eghu ka mana, “Iara theo sileni. Nu keha glepoi ngau te au ka iara na, tuana nate tusu ari iara ka iagho na. Te cheke nigho iara na, ka nanghagna mae Jisas Kraes gna Nasaret, kegra haghe, nonolo tafri!”

Mae Khuru 3:6 ပူးပေါင်းရင်းမြစ်များ

Mae Khuru 3:16

Ka nogna nolaghi mae Jisas na ghepa neke fakelini mae teke lehe ghahegna te kafe filoni nei laseni teu ghotilo igne. Uve, tutuani fara, ghepa fatutuani ni mae Jisas, eghuteuna ka nanghagna mae Jisas ghepa fakelini mae igne. Eghuteuna ghotilo kafe filoni te eni igne!

Mae Khuru 10:38

Eghuteuna ghotilo lasenihila u thoutonu eigna mae Jisas gna Nasaret. Tutuani, God Mama neke kuruni mae Tharunga te Blahi na mala toghoni mana nei tusu ranghini mana u nolaghi te biꞌo tulao. Ghotilo jaola laseni mae Jisas gne neke tei tongana heva heva neke edi koba glepo te kelire, nei fakelidi naikno te gnafa te au ke parigna nogna nolaghi mae Satan. Mae Jisas tangomana te eni igne naugna God au balugna mana.

Mae Khuru 4:10

Uve, iara magnahaghei te cheke ka ghotilo goro mae biꞌo ra, nei ka ghotilo naikno te gnafa agne Israel. Mae te kegra ke ulumi ghotilo igne mana neke keli fapulo ka nanghagna mae Jisas Kraes, mae gna Nasaret. Mae ihei teke tupijuruni ghotilo kau gaju fafatha, nu God neke fakarha fapuloni mana.

Mae Khuru 9:34

Mae Pita ne cheke eghu ka mana, “Ghema Aenias, mae Jisas Kraes na fakeli nigho iagho. Kegra haghe pipiri nou sape ana!” Mae Aenias ghosei ne kegra haghe.

Fapea Korin 8:9

Ghotilo laseni nogna khokofakasai noda Lord Jisas Kraes. Ghotilo laseni eigna mana kaisei mae dedei fara kligna na, nu malami ghotilo mana neke fakumani thegna. Mana neke au jateula kaisei mae te kuma neku ka nauthoglu igne mala tangomana ghotilo te mala naikno dedei kligna na.

Mae Khuru 16:18

Naꞌa eni koba igne leuleghu narane. Mae Pol ne ghilei hongoni, aonu mana figri ne cheke eghu ka naitu na, “Ka nanghagna mae Jisas Kraes iara te cheke ari ka iagho mala jifla mei ka naꞌa!” Eghuteuna naitu na ghosei ne jifla mei ka gaꞌase na.

Nonomho Te Keli Teke Risoi Mae Mak 16:17

Eghuteuna iheire te fatutuanire, God ginauna tusu ranghidi nolaghi, mala tangomana mare ei kofubobhoi. Mare ginauna tangomana te brue naitu ka nanghagu iara. Eghuteuna mare ginauna cheke ka keha nafnata cheke majaghani teke theome laseni mare tifa na.

Jemes 2:5

Kheraguro, fanomho fakeli ghotilo ia. God neke vahidi naikno te kuma igre mala biꞌo nodi fatutuani na ka mana. Eghuteuna mana jaola neke vahidi naikno igre mala tusu ranghidi u thofno nakarha na. Eghuteuna, mana neke eni igne naugna mana neke kulu nhaꞌa chekehi te mala namhadi naikno te kuma igre.

Ululahu Pita 4:10

God neke tusu ari ka ghotilo soasopai khokofakasai te mala edi nogna glokure. Eghume ghotilo loku fakeli ka khokofakasai igre mala fari totoghoi ka kmana nafnata puhi.

Mae Khuru 4:7

Hatimare ne fakegradi mae Pita ghe mae Jone ke uludi eghuteuna kaisei mae ka hatimare kegra haghe ne ghusna eghu ka phiamare, “Ba, faꞌunha neu neke kelinga si mae teke lehe ghahegna na ignea? Ka unha nafnata nolaghi ba ka nanghagna mae ihei teke eni ghopa na?”

Mae Khuru 2:22

“Ghotilo naiknomi Israel, fanomho fakeli kau cheke igre! God neke kuru meini mae Jisas gna Nasaret gne ka ghotilo, eghuteuna mana neke thofno falalase igne ka ghotilo kau gloku te nolaghi, nei u kofubobhoi, nei u fagaglana. Naugna God neke edi igre ka mana la filodihi ghotilo.

Mae Khuru 2:36

“Eghume naikno te gnafa Israel mala lase fakelini eigna God neke vahini mae Jisas mala Lord nei Kraes. Nu ghotilo neke faleheni mana kau gaju fafatha.”

Matiu 10:9

“Thosei hata sileni balumi ka nomi thei na.

Matiu 7:22

Kau narane leghu lahu nate fatedi God naiknore, kmana naikno ginauna mei cheke eghu ka iara, ‘Lord, Lord! Ghehati neke toutonuni chekegna God na kau nanghamu iagho na. Nu ka nanghamu iagho na ghehati neke bruedi naiture nei edi kmana nafnata kofubobhoi.’

Fapea Korin 6:10

Mare tangomana te fadiꞌa nagnafa ghami na, nu ghehati gleale'a fabrahu kolho. Ghehati kuma fara ka nauthoglu igne, nu ghehati toghodi kmana naikno mala dedei kligna. Ghehati theo kaisei nomi glepo ka nauthoglu igne, nu ghehati thofno khotodi glepo te gnafa te au kligna.

Jone 19:19

Mae Paelat ne risoi kaisei fagaglana ne nhaꞌa haghe ke kligna gna mae Jisas ka gaju fafatha na cheke igre: “MAE JISAS GNA NASARET, NODI KING HATIMARE MAE JIU.”

Fapea Korin 8:12

Te magnahaghei tufa ghotilo na, God ginauna gleale'a fara ka unha te tufa ghotilo na. Theome unha te theo ka ghotilo na.

Nonomho Te Keli Teke Risoi Mae Mak 14:8

Naikno biꞌo igne eni glepo te keli igne ranghi ghau iara, naꞌa kulu toatofa sedi te siri keli gna na ka thinigu iara na, tarabana gna te mala giugilu mare thinigu iara na.

Ululahu Korin 4:11

Mei te posa gognaro gne, ghehati kmoꞌei ka ghemi gano ba khoꞌu ba pohe. Naiknore puri ghami koba, eghuteuna kate tei heva heva na ghehati theo nomi suga.

Mae Khuru 3:5

Aonu, mana filo lao ka phiamare ne rouronu mala hata nogna sileni ka phiamare.

Mae Khuru 3:7

Eghuteuna mae Pita ne loku ka khame nhetagna na ne korho haghe. Ka vido tuanala, nhubra ghahegna mana te gnafare ne kafe maku fapulo.