Mae Khuru 3:13 - Buka Blahi Ka Cheke Holo

¹³ Nodi God mae ku'edara, nodi God mae Ebraham, nei mae Isak, nei mae Jekop neke eni te filoni ghotilo igne mala fafnaknoni tahati nanghagna nogna mae gloku Thugna Jisas. Nu ghotilo neke snakreni mana ka khamedi goro mae biꞌo re. Neuba mae Paelat ne ghaoghatho mala snakre fajiflani mae Jisas, ghotilo te chekeni ka mae Paelat na ghotilo theome magnahagheni mana.

Mae Khuru 3:13 ပူးပေါင်းရင်းမြစ်များ

Mae Khuru 7:32

God ne cheke eghu, ‘Iara nodi God mae ku'emu ra. Nogna God mae Ebraham nei nogna God mae Isak nei nogna God mae Jekop.’ Mae Moses ne fififri balu mhaghu ne tirogna filo lao ka khaꞌaghi na.

Matiu 22:32

‘Iara nogna God mae Ebraham, nogna God mae Isak, nei nogna God mae Jekop.’ Eghume, neuba naikno igre neke lehehi tifa, God neke chekeni ka mae Moses na mare karhau ngala. Naugna jame theome karha mare meuna, God jame theome neke chekeni ‘Iara nogna God mae Ebraham, nogna God mae Isak, nei nogna God mae Jekop.’ Tutuani, God igne theome nodi God naikno te lehe, nu nodi God naikno te karha kolho.”

Hibru 2:9

Nu tahati filoni mae Jisas! God neke nhaꞌa soruni mana katha vido ikoi ke paridi mae engel re. Nu gognaro na tahati filoni nafnakno nei siasigla ka mana mala tithini mae King naugna mana neke au papara nei lehe tughu ghita gnafa. God neke snakreni igne naugna mana ne namha ghita gnafa.

Jone 19:15

Mae Jiu gre ne eha eghu ka mae Paelat, “Atha tei mae tuana delei! Faleheni mae tuana! Tupijuruni mae tuana ka gaju fafatha!” Mae Paelat ne cheke eghu ka mare, “Tore, ghotilo magnahaghei ghau iara te tupijuruni nomi king gne sia?” Hatimare mae pris ulu re ne cheke eghu ka mae Paelat, “Mae tuana theome nomi king ghehati. Nomi king ghehati na kaisei mae Sisa ngala!”

Jone 19:12

Kate nomhini mae Paelat cheke igne, mana ne funu hiro phoge te mala snakre teini mae Jisas. Eghuteuna, mae Jiu gre ne eha fabiꞌo eghu ka mae Paelat, “Te snakre teini iagho mae igne na, ghehati lase nigho iagho theome kheragna Sisa mae funei biꞌo gna Rom na eghu. Naugna mae ihei te kiloni thegna mae king na, mana theome keli ranghini mae Sisa.”

Jone 18:40

Mare ne cheke tughu balu eha fabiꞌo, “Theo! Theome mae igne! Ghehati magnahagheni mae Barabas!” Mae Barabas gne kaisei mae neke blau nei aknu poru eghu.

Eksodas 3:6

Iara nodi God kuꞌemu iagho tifa ra, nogna God Ebraham, nei Isak nei Jekop.” Aonu Moses toku tafru tathagna foflogna re, naugna mana mhaghu nogna fara te filo lao ka God.

Thakle 1:18

Iara mae ihei te karha tifa te tifa. Tutuani! Tifa na iara neke lehehi, nu gognaro na iara kela karha fapulo mala au fabrahu tifa tifa. Iara au nolaghi te mala cheke ranghini ihei te mala au ka glehe nei ihei te mala au ka karha na. Iara jaola au nolaghi te mala cheke ranghini ihei nate tei Hades ka namonodi naikno tela lehehira.

Thakle 1:5

Eghuteuna khokofakasai nei pharikeli teu igre jaola mei funu ka mae Jisas Kraes mae ihei teke toutonuni chekegna God na ka thofno puhi te tutuani fabrahu tifa tifa. Mae ihei teke kulu karha fapulo kau glehe, nei au nolaghi ke klignadi hatimare mae king te gnafa ka nauthoglu igne. Mana namha ghita fara, nei lehe jateula kaisei fafara mala foli fajifla ghita gnafa ka nakhibo.

Mae Khuru 22:14

“Mae Ananias ne cheke eghu ka iara, ‘Nodi God mae ku'edara neke kulu vahi nighohi tifa, mala laseni iagho unha te magnahagheni mana na, nei mala filoni iagho mae te kiloni “Mae gloku te doglo fara” nei mala nomhidi iagho nogna cheke te cheke mei ka iagho ra.

Jone 12:16

Kate kilo fafnaknoni mae Jisas naiknore, nogna mae fanomho mana re ne theome laseni gaoghathogna te eni naiknore ka mana igne. Eghuteuna kate karha fapulo nei ke haghe kligna teu mana na, mare neke ghatho fapuloni unha teke eni naiknore ka mae Jisas na. Eghume, mae fanomhore ne cheke eghu, “Tutuani fara, igne siba gaoghathogna teke rioriso eigna mana hatimare mae profet tifa ra!”

Jone 7:39

Mae Jisas neke cheke eigna mae Tharunga te Blahi nate mei ka iheire te fatutuani ni mana re. Kau narane tuana God theome kuru mei ngau mae Tharunga na, naugna mae Jisas theome kegra ngau kau nafnakno.

Luku 23:4

Mae Paelat ne cheke eghu ka hatimare mae pris ulu nei ka naikno te khapru teu jare, “Iara theome filoni kaisei najafra ka mae igne.”

Nonomho Te Keli Teke Risoi Mae Mak 15:11

Nu hatimare mae pris ulu gre ne huhurudi naiknore mala toreni mae Paelat mala hata fajiflani mae Barabas ranghidi.

Matiu 28:18

Ka narane igne, mae Jisas mei ne cheke eghu ka nogna mae fanomho re, “Mae Mama snakre meihi ka iara nolaghi te gnafa kligna nei pari.

Matiu 27:2

Hatimare haru fodu phei khamegna mae Jisas re hata ne tei ka mae Paelat, mae gavana.

Matiu 20:19

Mare ginauna snakre lao ghau iara ka khamedi hatimare mae te theome Jiu. Eghuteuna mae igre ginauna maꞌe ghau nei puri ghau ka phukri nei tupi juru ghau eghu iara kau gaju fafatha. Nu ka fatilo narane na, God nake fakarha fapulo ghau iara kau glehe.”

Matiu 11:27

Mae Jisas ne cheke eghu, “Mae Kmagu iara na la lisa meihi ka khamegu iara gobigna lepore. Theo kaisei naikno te thofno laseni mae Thugna God na, mae Mama thegna ngala. Tutuani, theo kaisei naikno te thofno laseni mae Mama na, kaisei mae Thugna ngala. Nu iheire ngala teke vahidi iara ginauna cheke ranghidi eigna mae Mama, eghuteuna mare ginauna jaola laseni mae Mama.

Eksodas 3:13

Moses ne cheke eghu, “Nu jame tei te cheke eghu iara ka naiknodi Israel, ‘Nodi God kuꞌeda tahati ra neke kuru mei ghau iara ka ghotilo,’ eghuteuna ghusna eghu mare ka iara, ‘Nu ihei nanghagna na?’ unha nate chekeni iara ka mare na?”

Eksodas 3:15

“Eghuteuna iagho tei cheke eghu ka mare, ‘Lord nodi God kuꞌeda tahati tifara, nogna God Ebraham, nei Isak nei Jekop, mana neke kuru mei ghau iara ka ghotilo.’ “Nanghagu iara na Lord, eghuteuna naikno te karha gognaro igre nei nate karha mei ke leghure eghu ginauna ghathoni fabrahu nanghagu iara na.

Luku 6:37

Mae Jisas ne cheke eghu, “Thosei fateni ihei, na eghunu ke fate ghami God eghu. Thosei fathoroni ihei na, na eghunu ke fathoro ghami God eghu. Eghuteuna ghotilo hata fadelei nakhibodi keha naiknore mala nu ke hata fadelei langau God nakhibomire eghu.

Jone 19:11

Mae Jisas ne cheke eghu ka mae Paelat, “Iagho theo kaisei nou nolaghi ke klignagu iara. Nu iagho tangomana te tupijuru ghau iara na, naugna God neke snakre nigho iagho te mala eni tuana. Nu mae ihei te snakre ghau iara ka khamemu iagho na, mana thono nakhibogna biꞌo fara ke tulao mu iaghoi.”

Mae Khuru 3:12

Kate filoni mae Pita igne, mana ne cheke eghu ka naiknore, “Ghotilo mae Israel, naugna unha site jaglo nomi ghotilo ka glepo ignea? Ba, naugna unha site filo tutuni ghotilo ka ghepa gnea? Ba, ne fakelini ghepa mae igne ka nomi nolaghi themi, ba, ne keli ghepa ke ulugna God neu si ghotilo ia? Theo!

Mae Khuru 3:26

Eghume God neke kulu vahini nogna mae gloku Jisas neke kulu kuru meini ka ghotilo. Mana kuru meini mae Jisas mala fablahi ghami ghotilo kate figri tagruni ghotilo nabrou glehe na.”

Mae Khuru 4:27

Tuani fara Lord, agne Jerusalem na mae Herod ghe mae Pontius Paelat neke kaisei baludi naikno te theome Jiure nei naiknodi Israel re eghu mala faleheni mae Jisas, mae nou gloku blahi iagho na. Mae ihei iagho teke vahini mala mae Mesia.

Mae Khuru 4:30

Togho ghami mala frane ghehati kate fakakhana gna nou nolaghi iagho na. Fakarhidi naikno te fogra nei snakreni kofubobhoi nei fagaglana mala thakle ka nanghagna nou mae gloku blahi Jisas.”

Mae Khuru 24:14

Nu te chekeni iara ka iagho na igne. Iara thofno leghuni puhigna mae Jisas ngala. Nu puhi igne theome doglo ka hatimare mae Jiu. Iara pogho soruni nodi God mae ku'emi ghehati ra ka puhigna mae Jisas igne. Nu iara fatutuanidi la gobigna lepo teke risodi mare ka nogna vetula mae Moses nei ka nodi buka hatimare mae profet.

Letas Teke Riso Tei Mae Pol Ka Khiloau Rom 9:5

Mare neke jifla mei ka vikedi goro mae biꞌo Jiu te ulu tifa ra, eghuteuna Kraes na jaola neke karha mei naikno ka vikedi mare. Eghuteuna mana ngala mae funei biꞌo ke klignadi naikno te gnafare, mae ihei tahati te mala kilo fnaknoni tifa tifa. Amen.

Luku 22:57

Mae Pita ne thufu ne cheke eghu, “Gaꞌase, iara iho noguni mae tuana.”