Mae Khuru 3:11 - Buka Blahi Ka Cheke Holo

¹¹ Mae igne ne theome tei khokodi mae Pita ghe mae Jone. Aonu naiknore kafe jaglo nodi fara chari ne mei ka thilomare ka varanda te kiloni mare “Nogna varanda mae Solomon.”

Mae Khuru 3:11 ပူးပေါင်းရင်းမြစ်များ

Mae Khuru 5:12

Hatimare mae khuru ne edi kmana kofubobhoi nei kmana fagaglana biꞌo eghu farihoteidi naiknore. Eghuteuna iheire fateo te fatutuani ni mae Jisas re ne kaisei nodi gaoghatho ngala ne salo fodu ka nogna varanda mae Solomon ka Sugablahi na.

Jone 10:23

Eghuteuna, mae Jisas ne nolo ne tei ka varanda gna Sugablahi na kau vido te kiloi nogna varanda mae Solomon.

Luku 8:38

Nu mae teke keli fapulo igne ne cheke eghu ka mae Jisas, “Ghema, iara magnahaghei te tei balumu iagho.” Nu mae Jisas ne kuru teini mana, ne cheke eghu ranghini,

Mae Khuru 2:6

Kate nomhini u naogla igne, kmana naiknore ne khapru mei. Mare ne kafe jaglo nodi, naugna naikno te gnafa igre ne sopagna nomhidi nodi cheke thedire.

Luku 22:8

Mae Jisas ne cheke eghu ka mae Pita ghe mae Jone, “Tei ghopa mala tarabana Gaghamu Ghasa-Polho te mala ghamu tahati na.”

Profet Jeremaea 26:9

Ba, ne keli eghu sagho cheke te diꞌa te edi iagho ka nanghagna Lord ignea? Eigna iagho theome tangomana te chekeni Sugablahi igne ginauna groꞌe jateula namono biꞌo Saelo tifa ia teuna. Iagho jaola theome naba te chekeni namono biꞌo igne ginauna groꞌe teuna, ba na theo kaisei naikno nate au na teuna!” Aonu naiknore ne kafe mei khapru faligohoni mae Jeremaea ke lamnagna nogna Sugablahi Lord na.

Mae Khuru 3:3

Uve, kate filodi mae Pita ghe mae Jone te namo ruma ka Sugablahi na, mana ne tore katha vido sileni ka phiamare.

Mae Khuru 3:4

Phiamare ne filo tutu ka mana, eghuteuna mae Pita ne cheke eghu ka mana, “Ghema, filo mei ka ghepa sagho!”

Mae Khuru 3:12

Kate filoni mae Pita igne, mana ne cheke eghu ka naiknore, “Ghotilo mae Israel, naugna unha site jaglo nomi ghotilo ka glepo ignea? Ba, naugna unha site filo tutuni ghotilo ka ghepa gnea? Ba, ne fakelini ghepa mae igne ka nomi nolaghi themi, ba, ne keli ghepa ke ulugna God neu si ghotilo ia? Theo!