Mae Khuru 28:8 - Buka Blahi Ka Cheke Holo

⁸ Kmagna mae Pablias na fogra biꞌo balu reka nei kabru thi'a. Aonu mae Pol ruma ka chogho na ne tarai, eghuteuna mana taofini neke keli fapulo.

Mae Khuru 28:8 ပူးပေါင်းရင်းမြစ်များ

Mae Khuru 9:40

Mae Pita ne cheke ka naiknore mala kafe jifla ka chogho na. Aonu, mana ne tuturupuku ne tarai. Eghuteuna mana ne figri ka gaꞌase tela lehehi na ne cheke eghu, “Tabita, kegra haghe!” Naꞌa ne dofra haghe ne filoni mae Pita, ne gnokro haghe.

Nonomho Te Keli Teke Risoi Mae Mak 6:5

Mae Jisas ne theome tangomana te edi kmana kofubobhoi jare. Nu kofubobhoi te edi mana re ngala te habo lao ka keha naikno kolho teke fogra re teke keli fapulore.

Nonomho Te Keli Teke Risoi Mae Mak 16:18

Mare ginauna na loku mogo te faghughumhu, ba koꞌu phinu raha, mare ginauna na theome lehe. Mare ginauna habo khamedire ke klignadi naikno te fogra re, eghuteuna naikno te fogra re ginauna nake keli fapulo.”

Matiu 9:18

Fari hoteigna te facheke teu mae Jisas ka naiknore, kaisei mae biꞌo gna Kapanam ne mei tuturupuku soru ke ulugna mana, ne cheke eghu, “Thugu gaꞌase iara na la lehehi ginei. Nu iagho tangomana te mei habo lao khamemu na, mala ke karha fapulo naꞌa.”

Ululahu Korin 12:28

God neke lilisei soasopai naikno te mala edi soasopai gna gloku ka khiloau gne. Ulu lahu na, mana neu lilisei hatimare mae khuru, fapea na, hatimare mae profet. Fatilo na, hatimare mae velepuhi. Eghuteuna kehare mala eꞌei kofubobhoi, nei kehare mala fakelidi iheire te fogra, nei kehare mala totogho, nei kehare mala baubatu ka khiloau, nei kehare mala cheke ka keha nafnata cheke.

Ululahu Korin 12:9

Ka kaisei naikno Tharunga te Blahi na tusu ranghini nolaghi te mala thofno fatutuani. Eghuteuna ka keha naikno na tusu ranghini nolaghi te mala fakelidi iheire te fogra.

Matiu 10:8

Fakarhidi iheire te fogra, fakarha fapulodi iheire te lehe, ke faklinodi iheire te thubu biꞌo fara ka khabru te kiloi leprosi, nei bruedi naiture. Iara tusu ari ka ghotilo nolaghi te mala edi glepo igre, nu ghotilo neke theome foli ka iara. Eghume ghotilo gognarona tei mala ke jaola ranghidi keha naiknore, nu thosei toredi mare mala foli ghami eghu.

Matiu 10:1

Kaisei narane mae Jisas ne kilo fodudi nabotho phei nogna mae fanomhore. Mana ne tusu ranghidi nolaghi te mala brue naitu nei nolaghi mala fakarhidi naikno te au kmana nafnata khabru nei fogra biꞌo.

Luku 13:13

Mae Jisas ne habo lao ka gaꞌase na, eghuteuna naꞌa ghosei neke kegra fadoglo ne funu kilo fnaknoni God.

Luku 4:40

Kate funu pluluhi naprai na, naiknore hata ne mei ka mae Jisas naikno te au kmana nafnata khabru tadire. Mae Jisas ne habo lao khamegnare ka naikno te fogra re neke keli fapulo.

Nonomho Te Keli Teke Risoi Mae Mak 7:32

Kate au teu mana jare na keha naiknore hata ne mei kaisei mae te megli, eghuteuna mana theome cheke fakeli la eghu. Naiknore toreni mae Jisas mala habo lao mana khamegna na ke kligna gna mana mala ke keli fapulo.

Nonomho Te Keli Teke Risoi Mae Mak 5:23

Mae Jaerus ne toreni fara mae Jisas, “Mae biꞌo, thugu gaꞌase iara na la namo lehehi. Ghosei mei mala habo khamemure mala ke keli fapulo nei karha eghu naꞌa.”

Matiu 12:13

Aonu, mae Jisas ne cheke eghu ka mae te lehe khamegna na, “Fadodoglo sagho khamemu na!” Kate fariuriu fadodoglo teu mana khamegna na, khamegna mana tuana ghosei neke keli fapulo jateula keha khame na neu.

Mae Khuru 28:7

Rhegna vido tuana nogna nagare biꞌo mae funeigna moumolu tuana, nanghagna na mae Pablias. Mae Pablias tore ghami ghehati ne tei au ka nogna suga na thilo narane. Mana kaisei mae keli fara ne taji fakeli ghami ghehati.

Mae Khuru 28:9

Ke leghugna igne, keha naikno te fogra ka moumolu igne ne kafe mei ka mae Pol, eghuteuna mana ne kafe fakeli dila.