Mae Khuru 28:4 - Buka Blahi Ka Cheke Holo

⁴ Kate filoni phanaga te piri ghuali ka khamegna mae Pol na, naiknogna moumolu na ne cheke eghu fari thedi, “Tore! Mae igne jame kaisei mae mala faghoreho naikno signe! Neubane ne rikha ngau mana ka nhorora na ne karha ne mei thoke agne, nu god mae te kiloi ‘Foli Fapulo’ na theome snakreni mana te karha na.”

Mae Khuru 28:4 ပူးပေါင်းရင်းမြစ်များ

Luku 13:4

Ba, eidi nabotho nhana naikno teke lehe ka suga brahu Siloam na kate grofo ke klignadi ira ba? Ba, naikno igre jafra fara ke tulaodi keha naiknodi Jerusalem gre sia?

Luku 13:2

Aonu mae Jisas ne cheke eghu, “Ba tore, puhi te leheni naiknodi Galili igre fagaglana gna te diꞌa fara mare ke tulaodi keha naiknodi Galili gre sia?

Mae Khuru 28:5

Nu mae Pol ne pusi koko mogo na ne khoko lao lamna khaꞌaghi, eghuteuna mana ne theome kabru ghegna kolho.

Mae Khuru 28:2

Ka narane tuana nakhete ne reka fara. Nu naikno te au ka moumolu igne thofno keli fara ranghi ghami ghehati nei famane fakeli ghami ghehati. Aonu, mare ne eni kaisei khaꞌaghi biꞌo malami ghehati.

Jone 7:24

Thosei vavahi ka unha glepo te keli kolho fifilogna ke kosi na, nu te keli na vavahi ka unha glepo te thofno tutuani.”

Matiu 23:35

Naugna igne, God ginauna fate ghami ghotilo eigna glehedi nogna mae te doglore funu ka glehegna Abel mae te keli ia ghilei posa ka glehegna mae Sekaraea, thugna mae Barakia. Mae ku'emi ghotilo re neke faleheni mana rhegna olta na ka Sugablahi na.

Profet Isaia 43:20

Glepo tautagu igre ginauna ghatho tahu ghau iara. Uve, khuma mata nei nakrudu teu igre ginauna kilo fnakno ghau iara. Naugna iara neke chekedi khoꞌure mala loloro tei ke lamna namono nagou, mala tangomana nogu naikno teke vavahi iara igre te au khoꞌu te mala koꞌu na.

Thakle 21:8

Nu naikno te diꞌa te gnafare ginauna tei au ka kholo khaꞌaghi. Tutuani, iheire te tirodi leghu ghau iara igre, naugna mare ne mhaghuni u glehe, nei iheire te theome fatutuani, nei iheire te edi puhi te diꞌa, nei iheire te falehe naikno, nei iheire te gnognoro, nei iheire te au khoraphaꞌu, nei iheire te pogho soru ka mumuju, nei iheire te chaichaghi fara teu igre, ginauna thokedi kholo biꞌo te dudulu ka khaꞌaghi te ngire ka thina ngaja na. Kholo khaꞌaghi igne jaola kiloni fapea glehe na.”

Matiu 27:25

Naiknore ne kafe cheke eghu ka mana, “Uve, glehegna mae igne nomi puhi ghehati themi nei vikemi ghehati ginaure eghu!”

Profet Sefanaea 2:15

Igne unha nate thoke mei ka naikno te au ka namono biꞌo Ninive. Eigna naikno te au ka namono igne cheke fahaehaghe eghu koba, “Namono tahati igne kaisei namono ulu fara ka keha kantri igre!” Nu theo eghu. Naugna namono te ulu tuana ginauna groꞌe theo tokagna. Eghuteuna namono tuana ginauna mala nodi namono buluka, nei sipu, nei nanigot, nei nanghaji, nei gobigna lepo te tautagu igre kolho. Eghuteuna iheire te mei filoni igne ginauna mhaghu nodi fara na suaraghi faleghu.

Profet Isaia 26:21

Mana ginauna soru mei funu kligna mala paradi naikno te gnafa ka nauthoglu igne eidi nakhibodi. Puhi te falehe poru naikno igre ginauna kakhana, eghuteuna dadaradi naikno te lehe ra ginauna kakhana ke kligna glose.

Proveb 28:17

Thosei toghoni ihei te nabagna te mala au papara na, naugna mana neke falehe naikno. Mana ginauna na theome au snoto ghilei lehe.

Jenesis 3:1

Lord God neke vuavuha gobigna lepo te gnafa te tautagu ka namhata na igre, eghuteuna jare na theo kaisei glepo ka teke vuavuha mana igre te lalase fara te uluni nogna glalase mogo na, ka puhi te cheke famaemahe na. Kaisei narane mogo na ne mei ghusna eghu ka gaꞌase na, “Ba, God gne neke lhoti ghami ghopa tutuani si te mala thosei ghamu ghopa kaisei sisi gna gaju te au ka nagare ignea?”

Mae Khuru 28:3

Mae Pol ne aghu haghe kaisei bukrei gaju ne koko lao ka khaꞌaghi na. Kate eni mana igne, kaisei phanaga ne jifla mei kate brana khaꞌaghi na ne kakathu ka khamegna mae Pol na.