Mae Khuru 28:30 - Buka Blahi Ka Cheke Holo

³⁰ Mae Pol ne au phei finogha thongana ka suga teke foli thegna te mala aughu na. Leuleghu fata na mae Pol ne keli tagna fara ka naikno te mei sighoni re.

Mae Khuru 28:30 ပူးပေါင်းရင်းမြစ်များ

Profet Jeremaea 38:13

eghuteuna mare neke korho fajiflani mana kosi. Mare athani mana ne tei lilisei ka vido aheva te au hatimare mae soldia te reireghi gna nogna suga mae king na.

Mae Khuru 28:31

Eghuteuna mana ne toutonu ranghidi u Nonomho te Keli eigna u nakarha God te funei frunini, nei farirhiu eigna noda Lord Jisas Kraes. Mana kaisei mae frane fara kate toutonuni u Nonomho te Keli na. Eghuteuna theo kaisei naikno te tangomana fariuriu lhotini mana ka cheke igre.

Filipae 1:13

Gognaro na nogna soldia mae King nei keha naikno langau teu igre mare kafe laseni puhi te sosoloni iara gne, naugna iara gne nogna naikno gloku mae Jisas Kraes.

Profet Jeremaea 37:21

Aonu King Sedekaea ne cheke faheta ka nogna mae soldiare mala liliseini kolho mae Jeremaea ka kaisei vido ka nogna suga na. Aonu mae profet Jeremaea sosolo neu kolho ka vido igne. Eghuteuna leuleghu narane na, nogna mae soldia mae king igre mare tusu ranghini mana famane bret te keli ne ghilei thoke ka narane te theo bret na.

Jone 1:39

Mae Jisas ne cheke eghu ka phiamare, “Mei si ghopa balugu iara mala ari filoni themi.” Vido tuana jame tanhi fati fei grafi. Phiamare tei balugna mae Jisas ne filoni aheva te au teu mana na. Phiamare au balugna mana narane tuana ne ghilei bongi.

Mae Khuru 19:21

Ke leghudi te edi glepo igre, mae Tharunga te Blahi na ne batuni mae Pol ne tei thoke Jerusalem. Eghuteuna ame tei thokei nga Jerusalem teku na, mana magnahaghei te tei sala'u ka phei provins Masidonia ghe Akaia. Mana ne cheke eghu, “Ke leghugna te tei iara ka namono igre, iara ginauna na tei thokela Rom.”

Mae Khuru 24:27

Nu mae Filiks ne liliseini mae Pol mala au mana ka suga sosolo, naugna mana magnahaghei te keli tadi hatimare mae Jiu. Nu ke leghu phei finogha, mae Posias Festas neke tughuni mae Filiks mala gavana ka provins tuana.

Mae Khuru 28:16

Kate posa lao ghehati Rom na, hatimare mae biꞌo gna namono na ne snakreni mae Pol mala au sopa thegna. Nu kaisei mae soldia te mala au balugna mana te mala reireghini mana na.

Letas Teke Riso Tei Mae Pol Ka Khiloau Rom 15:32

Eghuteuna jame te magnahagheni God na, iara ginauna ari filo ghami. Tutuani fara, iara ginauna gleale'a fara te filo ghami nei gnafa fakeli nogu balumi ghotilo.

Fapea Korin 6:5

Mare puri ghami nei koko lao ghami ka suga sosolo. Naiknore diꞌa tadi ghami nei magri ghami. Ghehati loku heta, keha fatare ghehati theo kaisei vido mala thuru ba te mala ghamu na.

Fapea Korin 11:23

Mare chekeni koba ne nogna mae gloku Kraes teuna, nu iara jaola nogna mae gloku keli Kraes uludi mare eghu. Iara cheke fara jateu kaisei mae te fameomekro eghu tutuani! Iara loku heta ke tulaodi marei. Iara au ka suga sosolo kmana fata ke tulaodi marei. Naiknore puri ghau ke tulaodi marei. Iara namo lehe kmana fata ke tulaodi marei.

Fapea Timoti 1:17

Nu kate mei agne Rom na, mana neke hiro ghau fara iara ne ghilei deni ghau iara.

Fapea Timoti 4:2

mala toutonuni koba chekegna God na. Tarabana leghu fata mala eni igne, neuba naiknore ne tirodi fanomho ka iagho. Iagho toghodi naiknore mala filo glani mare unha te jafra ka nakarhadire. Eghuteuna iagho fadodoglo puhidi naiknore ka unha te jafra ba toghodi mala nheta nodi fatutuani na. Eghuteuna kate farirhiudire, iagho mala taegodi nei farirhiu fakelidi eghu.