Mae Khuru 28:23 - Buka Blahi Ka Cheke Holo

²³ Aonu mae Pol nei hatimare mae Jiu teure ne vahini kaisei narane mala teke mei mare ka mae Pol na. Ka narane tuana kmana naikno te mei khapru ka suga te au mana na. Mae Pol ne funu cheke ka mare vuha hamerane ne ghilei thoke fei grafi, rurutha fakeli ka naiknore eigna u nakarha God te funei frunini. Mana ne cheke thakledi u cheke eigna mae Jisas te au ka nogna vetula mae Moses nei ka nodi grioriso hatimare mae Profet. Mana fariuriu fara ka mare mala fatutuani ni mae Jisas.

Mae Khuru 28:23 ပူးပေါင်းရင်းမြစ်များ

Mae Khuru 19:8

Jame thilo nhigra, mae Pol ne tei koba ka suga tharai na ne cheke faheta fara ka naiknore. Mana ne frane ne toutonu ka naiknore mala laseni eigna u nakarha God te funei frunini.

Mae Khuru 18:28

Mae Apolosi tangomana te toghodi naikno khiloaure, naugna mana tangomana te cheke faparidi mae Jiure ka magra biꞌo te eni mare ke uludi naiknore. Mae Apolosi ne cheke thakleni kau grioriso te blahi na eigna mae Jisas gne ngala mae Kraes na.

Mae Khuru 26:6

Eghuteuna gognaro na mare magnahaghei te fate ghau iara naugna iara ne thofno fatutuani ni u nhaꞌa cheke teke eni God ka mae ku'emi ghehati tifa ra!

Mae Khuru 8:35

Mae Filip ne funu toutonu eigna u phugra cheke blahi ka buka na igne, eghuteuna toutonu ranghini mae biꞌo na u Nonomho te Keli eigna mae Jisas.

Luku 24:44

Mana ne cheke eghu ka mare, “Glepo te edi ka iara igre, iara neke kulu chekedihi ka ghotilo ka teke au nga tekeu iara balumi ghotilo ia. Iara neke rurutha fakelihi ka ghotilo eidi unha teke rioriso eigu iara ka nogna vetula mae Moses, nei ka nodi buka hatimare mae profet, nei ka buka Sam teu igre. Tutuani fara teke chekeni iara ka ghotilo na, gobigna lepo igre la tutuani fara.”

Mae Khuru 18:4

Leuleghu narane Sabat na mae Pol ne tei toutonu ranghidi mae Jiu nei mae Griki ka suga tharai na mala fatutuani ni mae Jisas.

Jone 4:34

Aonu, mae Jisas ne cheke eghu ka mare, “Ghegu gano iara na te mala leghuni unha te magnahaghei mae teke kuru mei ghau iara na nei mala loku fahuidi gloku mala mei edi iara teku mana re.

Filimon 1:2

Ghepa jaola magnahaghei te rioriso ranghidi naikno khiloau te mei tarai koba ka nou suga iagho ia, tulao ka greghada Apia nei ka mae thabusigna Akipas, kaisei mae loku heta baluda.

Nonomho Te Keli Teke Risoi Mae Mak 4:34

Mana farirhiudi koba ka cheke naba. Nu kate au sopa teu baludi nogna mae fanomhore mae Jisas rurutha gobigna lepo igre ka mare.

Luku 16:28

Iara au glima mae thabusigu jare. Mae Lasaros tangomana te kulu cheke ka mae thabusigu iara ra mala doglo mare puhidire, na eghunu mei mare ka namono te kakhabruana igne eghu.’

Mae Khuru 1:3

Ke leghugna teke lehe nei ke karha fapulo teku na, mae Jisas neke fatakleni thegna ranghidi mare ka kmana fagaglana tutuani leuleghu fata ke lamnadi phiatutu narane igre. Mare neke filo tathadi mae Jisas na, eghuteuna mana neke toutonu ka mare eigna nakarha te funei frunini God na.

Mae Khuru 23:11

Ka keha bongi na Lord mei ne kegra rhegna mae Pol ne cheke eghu, “Ghema, thosei mhaghu! Iagho neke cheke eigu iara ka naiknore Jerusalem, iagho ginauna na jaola nake enila tuana Rom.”

Mae Khuru 24:14

Nu te chekeni iara ka iagho na igne. Iara thofno leghuni puhigna mae Jisas ngala. Nu puhi igne theome doglo ka hatimare mae Jiu. Iara pogho soruni nodi God mae ku'emi ghehati ra ka puhigna mae Jisas igne. Nu iara fatutuanidi la gobigna lepo teke risodi mare ka nogna vetula mae Moses nei ka nodi buka hatimare mae profet.

Mae Khuru 28:31

Eghuteuna mana ne toutonu ranghidi u Nonomho te Keli eigna u nakarha God te funei frunini, nei farirhiu eigna noda Lord Jisas Kraes. Mana kaisei mae frane fara kate toutonuni u Nonomho te Keli na. Eghuteuna theo kaisei naikno te tangomana fariuriu lhotini mana ka cheke igre.

Filimon 1:22

Keha na igne, iara magnahaghe nigho iagho te tarabana kaisei chogho malagu iara. Iara ginauna na tangomana te ari thoke ka ghotilo na naugna iara fatutuani ni God ginauna na nomhidi nomi tharai ghotilo re.