Mae Khuru 28:16 - Buka Blahi Ka Cheke Holo

¹⁶ Kate posa lao ghehati Rom na, hatimare mae biꞌo gna namono na ne snakreni mae Pol mala au sopa thegna. Nu kaisei mae soldia te mala au balugna mana te mala reireghini mana na.

Mae Khuru 28:16 ပူးပေါင်းရင်းမြစ်များ

Mae Khuru 27:3

Ka keha narane na ghehati ne thoke Saedon. Mae Julias ne keli fara ranghini mae Pol ne snakreni mana mala tei filodi kheragna fofodu te au ka namono tuana. Mare tangomana te toghoni mae Pol ka unha te nabagna mana na.

Mae Khuru 24:23

Mana ne cheke ranghini kaisei mae biꞌodi hatimare mae soldia mala reireghi fakelini mae Pol. Nu chekeni mana mala fasnaglini mae Pol katha vido kmoꞌei kolho mala tangomana kheragna mana re te mei sighoni nei tusu ranghini unha te nabagna mana.

Thakle 17:18

Eghuteuna gaꞌase te filoni iagho igne, tuana ngala namono biꞌo Babilon te funei frunidi hatimare mae king gna nauthoglu igne.”

Thakle 17:9

“Ka glepo igre, iagho mala lalase nei au gaoghatho te keli eghu mala filo glanidi. Iagho laseni, fitu pha'u are, jateula fitu thogele te gnokro teu naꞌa ke klignadi. Eghuteuna fitu pha'u igre jaola hatimare fitu mae king.

Mae Khuru 27:43

Nu mae Julias, mae funei biꞌodi hatimare mae armi gre ne theome snakredi mare te mala falehedi mae sosolo gre naugna mana magnahaghei te fakarhini mae Pol. Aonu, mana ne kafe cheke ranghidi mae iheire te lase tao re mala krofu pari tao longa mata.

Mae Khuru 27:31

Nu mae Pol ne cheke eghu ka mae funei biꞌodi hatimare mae armi nei hatimare mae soldia, “Te theome au kmu teu mae boskru gre ka vaka gne, God ginauna na theome fakarhi ghami ghotilo.”

Mae Khuru 23:11

Ka keha bongi na Lord mei ne kegra rhegna mae Pol ne cheke eghu, “Ghema, thosei mhaghu! Iagho neke cheke eigu iara ka naiknore Jerusalem, iagho ginauna na jaola nake enila tuana Rom.”

Mae Khuru 19:21

Ke leghudi te edi glepo igre, mae Tharunga te Blahi na ne batuni mae Pol ne tei thoke Jerusalem. Eghuteuna ame tei thokei nga Jerusalem teku na, mana magnahaghei te tei sala'u ka phei provins Masidonia ghe Akaia. Mana ne cheke eghu, “Ke leghugna te tei iara ka namono igre, iara ginauna na tei thokela Rom.”

Mae Khuru 18:2

Ka namono igne mae Pol ne ludeni kaisei mae Jiu, nanghagna na mae Akuila, mana neke karha ka Provins Pontas. Nu mae Akuila ghe khetogna Prisila gre neke meila Itali. Repa mei au Korin naugna mae Klodius mae funei biꞌogna Rom na neke kafe kuru fajifladi mae Jiu te gnafare jare. Kate filodi repa jare na,

Mae Khuru 2:10

Frijia, Pamfilia, Ijep, ka nohigna Libia rhegna namono Saerini. Keha ka tahati mae Jiu mei funudi Rom kolho,

Profet Jeremaea 40:2

Kate atha fajiflani mae Jeremaea ka sosolo igne, mae Nebusaradan ne cheke eghu ka mana, “Lord nou God iagho na la chekenihi puhi biꞌo nate thoke mei ginauna ka namono igne.

Fapea Kings 25:8

Ka fabotho nheva finogha te king Nebukadnesa Babilonia, ka falima nhigra, ka fabotho narane gna nhigra igre, Nebusaradan mae komanda gna nogna armi king igne ne mei posa Jerusalem.

Jenesis 37:36

Hatimare maedi Midian ra hatani mae Josep ne tei Ijep. Hatimare hatani mae Josep ne tei ka mae Potifa mala foli mana mala kaisei nogna mae gloku mana. Mae Potifa gne kaisei nogna ofisa mae king gna Ijep, nei mana kaisei nodi kapten hatimare mae soldia te mala reireghigna nogna suga biꞌo mae king gna Ijep na.

Profet Jeremaea 38:13

eghuteuna mare neke korho fajiflani mana kosi. Mare athani mana ne tei lilisei ka vido aheva te au hatimare mae soldia te reireghi gna nogna suga mae king na.