Mae Khuru 28:11 - Buka Blahi Ka Cheke Holo

¹¹ Ke leghugna te au thilo nhigra ka moumolu tuana ghehati ne jifla jare ka vaka gna Aleksadria. Nanghagna vaka na, “Phei god phakri.” Vaka igne neke poru jare Molta ka nhigra khoburu.

Mae Khuru 28:11 ပူးပေါင်းရင်းမြစ်များ

Mae Khuru 27:6

Jare mae funei biꞌodi hatimare mae armi re ne filoni kaisei vaka funugna Aleksadria te mala tei thoke Itali. Aonu mana ne luja ghami ghehati ka vaka tuana.

Ululahu Korin 8:4

Eghume igne unha te chekeni iara eigna te ghamu gano teke fafara ka mumuju na. Eigna te laseni tahati na, u mumuju na tharumaꞌei lepo kolho ka nauthoglu igne. Eghuteuna te laseni langau tahati na jare na kaisei God ngala.

Profet Isaia 45:20

Lord neke cheke eghu, “Ghotilo te gnafa ka keha kantri te au karha nga teu ra, ghotilo kafe mei mala fate ke ulugu iara! Keha naiknore pala tafri nodi mumuju teke horo kolho ka gaju re. Eghuteuna mumuju god te tarai mare tadi igre theo kaisei nodi nolaghi te mala fakarhidi mare na. Nafnata naikno igre theome laseni kolho kaisei glepo.

Mae Khuru 6:9

Nu keha mae Jiu te theome fatutuani ni mae Jisas re ne funu tirodini mana. Mare au ka nodi suga tharai mae Jiu te kiloni “Nodi suga tharai mae te snagla kolho.” Suga tharai igne na maladi mae Jiu te mei funudi ka namono Saerini nei ka namono Aleksadria nei ka Provins Silisia nei ka Provins Esia. Mare mei ne magra ka mae Stivin,

Profet Jona 1:16

Mae te loku ka vaka na igre ne mhaghuni fara Lord kate filoni glepo igne. Aonu, mare atha kaisei glepo tautagu ne fafara ka Lord nei jaola ne nhaꞌa cheke ka mana.

Profet Jona 1:5

Mae te loku ka vaka na igre ne mhaghu nodi fara, eghuteuna mare te gnafa na ne tarai balu eha fabiꞌo ka nodi god re mala toghodi. Mare ne koko soru nodi glujare naugna vaka na ne namo lodu. Aonu kate funu ghaghafa faheta nuri na, mae Jona soru pari lamna vaka ne thuru iho.

Mae Khuru 13:6

Thilomare plomho ne thoke Pafos ka keha phile moumolu na. Jare mare ne ludeni kaisei mae Jiu, nanghagna na Bajisas. Keha nanghagna mae igne ka cheke Griki na kiloni mae Elimas. Mae igne kaisei mae profet chaichaghi, naugna mana loku ka naitu khaekae.

Mae Khuru 28:10

Naiknogna moumolu tuana ghatho tahu ghami ghehati ne namha kmana glepo. Eghuteuna kate namo jifla ghehati na, mare ne luja mei ka vaka na unha te nabagna nomi thei ghehati na.

Mae Khuru 28:12

Ghehati tei thoke Sirakius ne au jare thilo narane.