Mae Khuru 27:35 - Buka Blahi Ka Cheke Holo

³⁵ Ke leghudi cheke igre, mae Pol hata bret na ne cheke fakelini ka God ke uludi mare hui. Mana piepike bret na ne ghamu.

Mae Khuru 27:35 ပူးပေါင်းရင်းမြစ်များ

Matiu 15:36

Mana hata fitu bret nei sasa teure ne cheke fakelidi ka God. Mana piepike ne tufa ka nogna mae fanomhore. Eghuteuna mae fanomhore ne tufa ka naiknore.

Fapea Timoti 1:12

Eghuteuna gognaro na iara au papara naugna iara ne toutonu eigna u Nonomho te Keli gne. Nu iara theome mamaja naugna iara laseni mae Jisas, mae ihei iara te fatutuani nihi. Iara laseni fara igne, mana tangomana te taji fakelini nogu gloku iara te mala toutonuni Nonomho te Keli igne ghilei thoke mei narane leghu lahu na.

Fapea Timoti 1:8

Eghume iagho thosei mamaja te toutonu ka naiknore eigna noda Lord Jisas Kraes. Eghuteuna iagho jaola thosei mamaja ghau iara te au ka suga sosolo malagna Lord, eigna iara ne loku ranghini mana. Iagho thosei mhaghudi iheire nate para nigho eigna iagho te toutonuni u Nonomho te Keli. God ginauna tusu ranghi nigho nolaghi te mala eni iagho gloku tuana.

Ululahu Pita 4:16

Nu jame kaisei naikno ka ghotilo au papara naugna mana kaisei mae khiloau, thosei mamaja. Ghotilo kilo fnaknoni God naugna naiknore kilo ghami ghotilo “Nogna naikno Kraes”.

Letas Teke Riso Tei Mae Pol Ka Khiloau Rom 14:6

Mae ihei te ghathoni kaisei narane na ulu fara teuna, mana eni igne naugna mana ghatho tahuni Lord. Eghuteuna mae ihei te ima thua nafnata gano na, mana eni igne naugna mana ghatho tahuni Lord, eghuteuna mana jaola cheke fakelini God eigna gano tuana. Eghuteuna mae ihei te theome ima thua nafnata gano na, mana eni igne naugna mana ghatho tahuni Lord, nei jaola cheke fakelini God eigna gano tuana.

Letas Teke Riso Tei Mae Pol Ka Khiloau Rom 1:16

Tutuani, iara theome mamajani te toutonuni u Nonomho te Keli na, naugna Nonomho te Keli na nogna nolaghi God mala fakarhidi gnafa iheire te fatutuani ni mana. Ulu lahu na mana fakarhidi naikno Jiu iheire te nomhini igne, eghuteuna ke leghu na mana jaola fakarhidi iheire te theome Jiu.

Jone 6:23

Aonu, keha molare ne mei funudi Taebirias. Mare mei ne longa ka vido aheva mae Jisas teke cheke fakelini ka God u gano teke ghamu naiknora.

Jone 6:11

Aonu, mae Jisas ne atha glima bret re, ne cheke fakelidi ka God, mana tusu lao ka mae fanomhore mala tufa ka naiknore. Mana jaola ka phei sasare, eghuteuna naiknore kafe ghamu ne boho.

Luku 24:30

Mana gnokro soru baludi phiamare ka tevo na ne hata keha bret. Mana cheke fakelidi ka God ganore ne piphike. Aonu mana ne tufa ka phiamare.

Nonomho Te Keli Teke Risoi Mae Mak 8:6

Aonu, mae Jisas ne cheke ka naiknore mala gnokro pari. Mana hata fitu bret re, ne cheke fakelidi ka God, eghuteuna mana piepike bret igre ne tusu lao ka nogna mae fanomhore. Eghuteuna mana ne cheke ka mare mala tufa ganore ka naiknore.

Matiu 14:19

Aonu mana chekedi naiknore mala gnokro ka buburu na. Mana hata ka mare glima bret nei phei sasa teu igre ne filo haghe kligna ne cheke fakelidi ka God. Mana piepike bret re ne tusu lao ka nogna mae fanomhore mala tufa ka naiknore.

Nodi Khoje Hatimare Mae Jiu 119:46

Iara ginauna na theome mamaja te toutonu ranghidi hatimare mae king nou farirhiu iagho igre.