Mae Khuru 27:25 - Buka Blahi Ka Cheke Holo

²⁵ Eghume ghotilo kheraguro, thosei mhaghu! Iara fatutuani ni God. Gobigna lepo teke chekedi engel nogna God ka iara igre ginauna na tutuani fara.

Mae Khuru 27:25 ပူးပေါင်းရင်းမြစ်များ

Luku 1:45

Keli tamu fara naugna iagho ne fatutuanidi glepo nate thoke mei tutuani jateula ngau God teke chekedihi ka iagho ra.”

Fapea Timoti 1:12

Eghuteuna gognaro na iara au papara naugna iara ne toutonu eigna u Nonomho te Keli gne. Nu iara theome mamaja naugna iara laseni mae Jisas, mae ihei iara te fatutuani nihi. Iara laseni fara igne, mana tangomana te taji fakelini nogu gloku iara te mala toutonuni Nonomho te Keli igne ghilei thoke mei narane leghu lahu na.

Naba 23:19

God na theome jateula naikno te lase chaghi ra eghu. Mana theome jateula tahati te lase tughu gaoghatho ra eghu. Unha glepo te nhaꞌa chekedi mana re, mana ginauna edi. Eghuteuna unha te chekedi mana re, ginauna thoke mei tutuani.

Mae Khuru 27:11

Nu mae funei biꞌodi hatimare mae armi gne tirogna fanomho ka unha te chekedi mae Pol igre. Nu mana fanomho kolho ka nogna cheke mae kapten gna vaka na balugna mae te khotogna vaka na.

Fapea Kronikols 20:20

Hamerane boibongi ka keha narane na, hatimare mae soldia ne tarabana mala tei ka namono nagou rhegna namono Tekoa. Eghuteuna kate tei mare na, King Jehosafat ne cheke eghu ka mare, “Ghotilo maemi Juda nei Jerusalem, fanomho fakeli ghotilo ia! Fatutuani ka Lord, noda God, eghuteuna mana ginauna farheta ghami ghotilo. Ghotilo fatutuanidi nodi cheke nogna mae profet manara, eghuteuna ghotilo ginauna tangomana te uludi mae naoka re.”

Mae Khuru 27:36

Aonu kate filoni igne, mare ne kafe keli tadi fara, ne funu ghamu.