Mae Khuru 27:20 - Buka Blahi Ka Cheke Holo

²⁰ Kmana narane ghehati theome filoni naprai ba theome filoni kaisei nathunu ka maloa na. Nuri na thono diꞌa fara ka vido tuana. Ghehati theohi kaisei nomi grouronu ba gaoghatho te mala karha na.

Mae Khuru 27:20 ပူးပေါင်းရင်းမြစ်များ

Matiu 24:29

“Theome raugha ke leghudi puhi biꞌo te edi ka narane igre, “ ‘Naprai na ginauna romno soru. Glaba na ginauna theome agha. Nathunure ginauna khoko soru funudi ka maloa na. Aonu gobigna lepo te au ka maloa na are ginauna na thugha tafri.’

Ululahu Tesalonika 4:13

Kheraguro, ghehati magnahaghei ghami ghotilo te thofno lasedi iheire tela lehehi ra. Ghehati theome magnahaghei ghami ghotilo te diꞌanagnafa eidi iheire tela lehehi jateula naikno te diꞌanagnafa te theome fatutuani ni mae Jisas.

Profet Esikiel 37:11

Lord neke cheke eghu ka iara, “Maegna ka nauthoglu. Naiknodi Israel igre jateula nhubra te thono mojadi ra eghu. Mare cheke eghu, ‘Ghehati gne theome tangomana te au fakeli na naugna ghehati gne jateula tela lehehi ra eghu. Gaoghathomi re glaꞌe fara naugna kantri igne la diꞌa fara.’

Profet Jeremaea 2:25

Ghotilo thosei tei leghudi keha nafnata god igre, na eghunu babaꞌo ghahemi nei moja foflomi teure eghu. Nu ghotilo mala cheke eghu koba, ‘Iara theome tangomana te au snoto na, naugna iara magnahagheni fara te leghudi keha god igre. Eghuteuna iara theome tangomana teke figri na.’ ”

Profet Isaia 57:10

Ghotilo la ghilei kmusa ka hirogna god igne. Nu neuba, ghotilo thono heta fara te eni puhi igne. Te ghathoni ghotilo na, god igreu nate farheta ghami ghotilo na, naugna igne te theome koko ghotilo puhimi te diꞌa igre.

Fapea Korin 11:25

Hatimare mae biꞌodi Rom thilo fata puri ghau iara ka khodo. Kaisei fata naiknore fariuriu mala fada falehe ghau iara ka thina. Thilo fata ghehati ghorho ka vaka, eghuteuna kaisei fata iara tao lamna nhorora kaisei narane nei kaisei bongi.

Profet Jona 1:4

Nu Lord eni nuri biꞌo na ne ghaghafa mei ne malu thongna na, eghuteuna vaka na ne namo phosa.

Nodi Khoje Hatimare Mae Jiu 105:28

Lord ne kuru soruni u gromno na ne toku tafruni kantri thongana na, nu naiknodi Ijep re ne tirodi leghudi kolho nogna cheke mana re.

Mae Khuru 27:19

Ka fatilo narane na ao ngala mare koko fahuigna gobi lepogna vaka na.

Mae Khuru 27:21

Kate raughahi te theome ghamu mare na, mae Pol ne kegra haghe farihoteidi mare ne cheke eghu, “Kheraguro, iara neke chekehi ka ghotilo mala thosei jifla Krit. Jame fanomho ghotilo na, tahati jame theome ludeni hoholo igne ba koko noda glujara.