Mae Khuru 27:2 - Buka Blahi Ka Cheke Holo

² Ghehati saghe ka vaka teke mei funu ka namono Adramitiam te tarabana mala chara leghu namono te tei ka grathagna Provins Esia. Mae Aristakas, kaisei mae khiloau gna namono Tesalonika jare ka Provins Masidonia ne tei balumi ghehati.

Mae Khuru 27:2 ပူးပေါင်းရင်းမြစ်များ

Mae Khuru 19:29

Aonu magra tuana ghosei ne tei posa ka namono biꞌo na. Aonu naiknore lokidi mae Gaeasi ghe mae Aristakas, phei maedi ka Provins Masidonia teke tei tei balugna mae Pol. Mare ghosei ne korho ne tei ka vido te mala khapru na.

Filimon 1:24

Eghuteuna jaola mae Mak, mae Aristakas, mae Dimas, nei mae Luku mae te loku balugu iara igre kubae nigho iagho.

Kolose 4:10

Mae Aristakas te au balugu iara ka suga sosolo gne kubae ghami ghotilo. Eghuteuna mae Mak, nebugna mae Banabas, jaola kubae ghami ghotilo. Jame te ari posa mae Mak na, ghotilo reireghi fakelini mana ka sugamire, jateula teke chekenihi iara ka ghotilo ia eghu.

Mae Khuru 28:16

Kate posa lao ghehati Rom na, hatimare mae biꞌo gna namono na ne snakreni mae Pol mala au sopa thegna. Nu kaisei mae soldia te mala au balugna mana te mala reireghini mana na.

Mae Khuru 28:12

Ghehati tei thoke Sirakius ne au jare thilo narane.

Mae Khuru 28:10

Naiknogna moumolu tuana ghatho tahu ghami ghehati ne namha kmana glepo. Eghuteuna kate namo jifla ghehati na, mare ne luja mei ka vaka na unha te nabagna nomi thei ghehati na.

Mae Khuru 28:2

Ka narane tuana nakhete ne reka fara. Nu naikno te au ka moumolu igne thofno keli fara ranghi ghami ghehati nei famane fakeli ghami ghehati. Aonu, mare ne eni kaisei khaꞌaghi biꞌo malami ghehati.

Mae Khuru 21:5

Nu kate gnafa nomi narane te mala au baludi re, ghehati jifla jare neke tei. Eghuteuna naikno khiloau gna namono tuana ne kafe jifla baludi khetodi thudi teure ne soru balumi ghehati ka gratha na. Aonu ghehati kafe tuturupuku soru ka nusu na ne tarai.

Mae Khuru 19:19

Keha naiknore lase meresin mala falehe naikno. Eghuteuna mare salo ne mei nodi buka meresin re ne nako fahui ke uludi naikno te gnafare. Kate kakaha mare sileni teke folidi u buka te kmana igre, ne thokei glimafulu thogha silva koen.

Mae Khuru 17:1

Mae Pol ghe mae Silas ne sala'udi phei namono Amfipolis ghe Apolonia ne tei thoke Tesalonika. Ka namono tuana mae Jiure au kaisei suga tharai.

Mae Khuru 16:17

Gaꞌase igne mei ke leghumi ghehati nei mae Pol. Naꞌa ne cheke eghu fabiꞌo, “Mae igre, mare nogna mae gloku God te au kligna! Mare toutonuni ka ghotilo nogna puhi God te mala fakarhi ghami ghotilo na!”

Mae Khuru 2:9

Tahati gne funuda ka namono Pasia, Midia, Ilam, Mesopotemia, Judia, Kapadosia, Pontas nei Esia,

Luku 8:22

Kaisei narane mae Jisas ne cheke eghu ka nogna mae fanomhore, “Tahati na tei kasa ka keha phile kholo gno.” Aonu mare saghe ka mola na ne funu kasa.