Mae Khuru 27:12 - Buka Blahi Ka Cheke Holo

¹² Jaola naprona te poru mare igne theome raꞌe keli ka nhigra khoburu na. Aonu mae te kmana re magnahaghei te jifla mala fariuriu tei thoke ka namono Finiks mala poru jare. Vido igne kaisei naprona keli fara mala poru te au ka moumolu Krit, au fei te mala plulu naprai.

Mae Khuru 27:12 ပူးပေါင်းရင်းမြစ်များ

Mae Khuru 27:8

Ghehati ne loku manigra ne chara ne tei rhegna moumolu na ne ghilei tei thoke ka kaisei vido te kiloni mare “Naprona Keli,” rhegna namono biꞌo Lasia.

Nodi Khoje Hatimare Mae Jiu 107:30

Mare neke keli tadi fara kate muana thongna na, eghuteuna God neke batudi mare neke tei thoke ka vido aheva te mala tei mare na.

Mae Khuru 2:11

kehare karha Jiu ba kehare theome karha Jiu nu gognaro mare leghudi nodi khiloau mae Jiure. Eghuteuna keha ka tahati mei funudi Krit nei Arebia. Neuba ngau tahati kafe nomhidi mare cheke ka noda cheke tahati re eidi glepo biꞌo te edi God igre.”

Mae Khuru 27:7

Eghuteuna ghehati magnahaghei fariuriu te tei thoke Nidas nu kmana narane vaka na ne theome thugha, naugna nuri na ne heta mei fara ke ulumi ghehati. Ghehati theome tangomana te tei fabrahu na. Aonu ghehati figri neke tei rhegna giughiju Salmon ne liu ke matagna moumolu Krit.

Mae Khuru 27:13

Kate funu ghaghafa faꞌikoi teu ke mata u nara na, mare ne cheke eghu, “Uve, igne si nuri te magnahagheni tahati ia!” Aonu mare korho haghe sobo na ne geri rhegna moumolu Krit.

Mae Khuru 27:21

Kate raughahi te theome ghamu mare na, mae Pol ne kegra haghe farihoteidi mare ne cheke eghu, “Kheraguro, iara neke chekehi ka ghotilo mala thosei jifla Krit. Jame fanomho ghotilo na, tahati jame theome ludeni hoholo igne ba koko noda glujara.

Taetus 1:5

Iara neke lilisei fapulo nigho ka moumolu Krit naugna iara magnahaghe nigho te mala ke edi fagnafa keha glepo teke theome edi fagnafa nga teku ra. Nu iara magnahaghei nigho te mala vavahi keha mae mala baubatu ka khiloau gne leuleghu namono. Leghudi unha teke chekedi iara ka iagho ra.

Taetus 1:12

Kaisei mae ka hatimare thedi, mae profet gna Krit na, mana neke cheke eghu eidi mare, “Naiknodi Krit igre naikno chaichaghi fara, puhidire jateula u khuma fakaukathu te goigonidi glepo te keli ra eghu. Mare thono thodo loku fara, eghuteuna mare magnahaghei ghamu fabiꞌo koba eghu.”