Mae Khuru 26:28 - Buka Blahi Ka Cheke Holo

²⁸ Mae King Agripa ne cheke eghu ka mae Pol, “Ba, iagho fariuriu ghau iara ka vido kmoꞌei igne mala nogna naikno mae Kraes sia?!”

Mae Khuru 26:28 ပူးပေါင်းရင်းမြစ်များ

Mae Khuru 11:26

Kate ludeni mae Sol na, mae Banabas ne tathaleini mana neke pulo Antiok. Mae Banabas ghe mae Sol ne au kaisei finogha thongana Antiok baludi naikno khiloau re. Eghuteuna phiamare ne farirhiudi kmana naikno jare. Namono ulu lahu te kilodi mae fanomhore u nangha naikno khiloau teu igne, Antiok.

Matiu 10:18

Mare ginauna huhuru ghami ghotilo mala kegra ke uludi hatimare mae funei ba hatimare mae King, naugna ghotilo ne leghu ghau iara. Tuana ngala nomi narane ghotilo te mala toutonuni Nonomho te Keli eigu iara na ranghidi iheire te theome Jiu.

Ululahu Pita 4:16

Nu jame kaisei naikno ka ghotilo au papara naugna mana kaisei mae khiloau, thosei mamaja. Ghotilo kilo fnaknoni God naugna naiknore kilo ghami ghotilo “Nogna naikno Kraes”.

Fapea Korin 4:2

Nu ghehati lisei fadelei glepo te poru ke lamnami te tangomana famamaja ghami teu, nei theome lase chaichaghi, nei theome tangomana te tuthughu chekegna God na. Ghehati farirhiuni unha te tutuani igne te falalase ghami themi ka naikno te gnafare. Mare tangomana te lase ghami ka nagnafadire te unha nafnata naikno ghehati na nei jaola ghehati thofno leghuni Lord.

Mae Khuru 26:29

Mae Pol ne cheke eghu, “Neubane vido kmoꞌei ba vido brahu, iara tarai ka God malamu iagho nei naikno te gnafa te fanomho teu ka iara agne gognaro gre mala jateula iara eghu. Nu iara theome magnahaghedi chen te au ka khamegu iara igre te ari ka ghotilo na!”

Mae Khuru 24:25

Nu mae Filiks ne mhaghu nogna fara kate chekeni mae Pol eigna nakarha te doglo, nei puhi te mala reireghi fakelini nakarhada na, nei narane God nate fatedi naikno te gnafare. Aonu mae Filiks ne cheke eghu ka mae Pol, “Ghema, la kelihi, tei silagho. Jame au vido te snagla meuna, iara ginauna nake kilo nigho iagho.”

Profet Esikiel 33:31

Leuleghu fata na nogu naikno iara re tangomana te khapru mei mala fanomho ka nou cheke iagho re. Nu mare theome edi kolho unha te chekedi iagho ka mare re. Foflodi re fodu ka cheke te diꞌa, eghuteuna mare ghathodi kolho puhi te mala chaghidi naiknore te mala hata sileni na.

Nonomho Te Keli Teke Risoi Mae Mak 6:20

Mae Herod mhaghu fara te faleheni mae Jone na, naugna mana laseni mae Jone gne kaisei mae keli nei mae blahi eghu. Eghume mae Herod ne famane reireghi fakelini mae Jone. Mae Herod keli tagna te fanomho ka nogna farirhiu mae Jone re neubane fadiꞌani kau cheke te edi mana re.

Mae Khuru 26:27

Ba ghema King Agripa, fatutuanidi sagho nodi cheke hatimare mae profet grea? Uve, te laseni iara na iagho fatutuanidi mare!”