Mae Khuru 26:22 - Buka Blahi Ka Cheke Holo

²² Nu God togho ghau iara fabrahu ngala ghilei thoke ka narane gognaro gne. Eghume iara kegra agne mala toutonuni u thofno tutuani eigna mae Jisas Kraes ranghidi naikno te gnafa te biꞌo nei ba te ikoi. Nu iara theome toutonu kaisei glepo te nhogri ka chekedi hatimare mae profet nei mae Moses eigna unha nate thoke mei.

Mae Khuru 26:22 ပူးပေါင်းရင်းမြစ်များ

Mae Khuru 24:14

Nu te chekeni iara ka iagho na igne. Iara thofno leghuni puhigna mae Jisas ngala. Nu puhi igne theome doglo ka hatimare mae Jiu. Iara pogho soruni nodi God mae ku'emi ghehati ra ka puhigna mae Jisas igne. Nu iara fatutuanidi la gobigna lepo teke risodi mare ka nogna vetula mae Moses nei ka nodi buka hatimare mae profet.

Jone 5:46

Jame thofno fatutuanidi ghotilo unha teke chekedi mae Moses re na ghotilo tangomana te fatutuani ghau iara na, naugna mana neke rioriso eigu iara.

Mae Khuru 10:43

Hatimare mae profet te gnafare neke toutonu eigna la mana, neke cheke eghu, ‘Ihei te fatutuani ni mae Jisas na, God ginauna na hata fadelei nakhibodire ka nanghagna mae Jisas.’ ”

Luku 24:44

Mana ne cheke eghu ka mare, “Glepo te edi ka iara igre, iara neke kulu chekedihi ka ghotilo ka teke au nga tekeu iara balumi ghotilo ia. Iara neke rurutha fakelihi ka ghotilo eidi unha teke rioriso eigu iara ka nogna vetula mae Moses, nei ka nodi buka hatimare mae profet, nei ka buka Sam teu igre. Tutuani fara teke chekeni iara ka ghotilo na, gobigna lepo igre la tutuani fara.”

Luku 24:27

Aonu mae Jisas ne funu rurutha fakeli ka phiamare gobigna lepo teke rioriso mare eigna thegna ka grioriso te blahi ra. Mana ne fufunu ka nogna grioriso mae Moses nei ka chekedi hatimare mae profet te gnafare.

Thakle 15:3

Mare ne kojeni kaisei khoje teke rioriso mae Moses, nogna mae gloku God. Tutuani, mana kilo fnaknoni God naugna God neke toghodi mare ka nogna tothogho mae Lam, ne cheke eghu, “Nomi Lord God, te nolaghi fara, nou gloku iagho re thono biꞌo fara, eghuteuna ghehati ne jaglo nomi fara. Iagho nodi King namono te gnafa ka nauthoglu igne, eghuteuna puhimu iagho re doglo nei tutuani fara eghu.

Letas Teke Riso Tei Mae Pol Ka Khiloau Rom 3:21

Nu gognaro na God la kulu falalasehi nabrou te mala doglo tahati ke ulugna thegna na. Nogna vetula mae Moses nei nodi cheke hatimare mae profet mare cheke eigna nabrou igne. Nu mare theome chekeni tahati doglo ke ulugna God kate leghuni u nogna vetula mae Moses! Theo kolho.

Ululahu Samuel 7:12

Eghuteuna ke leghu, mae Samuel ne lisei haghe kaisei thina biꞌo ka kaisei vido farihoteidi phei namono Mispa ghe namono Sanai. Eghuteuna mana kiloni thina igne Ebenesa, naugna mana neke cheke eghu, “Lord na togho ghita fabrahu la ghilei mei posa gognarogne.”

Mae Khuru 28:23

Aonu mae Pol nei hatimare mae Jiu teure ne vahini kaisei narane mala teke mei mare ka mae Pol na. Ka narane tuana kmana naikno te mei khapru ka suga te au mana na. Mae Pol ne funu cheke ka mare vuha hamerane ne ghilei thoke fei grafi, rurutha fakeli ka naiknore eigna u nakarha God te funei frunini. Mana ne cheke thakledi u cheke eigna mae Jisas te au ka nogna vetula mae Moses nei ka nodi grioriso hatimare mae Profet. Mana fariuriu fara ka mare mala fatutuani ni mae Jisas.

Mae Khuru 26:17

Iara ginauna theome snakre nigho ka nou naikno themu gre mala para nigho. Eghuteuna iara ginauna na fakarha nigho la ka naikno te theome Jiu gre. Igre ngala naikno te mala kuru tei nigho iara tadire.

Mae Khuru 26:6

Eghuteuna gognaro na mare magnahaghei te fate ghau iara naugna iara ne thofno fatutuani ni u nhaꞌa cheke teke eni God ka mae ku'emi ghehati tifa ra!

Jone 5:39

Famane hiro fakelidi si ghotilo u gaoghathodi u grioriso te blahi gne, naugna ghotilo gaoghathomi ka glepo igre na, te tusu ranghi ghami u karha fei tifa na eghu. Eghuteuna u grioriso te blahi igre cheke eigu iara kolho!

Jone 1:45

Ke leghugna igne, mae Filip tei ne thafoni mae Natanel ne cheke eghu ka mana, “Ghehati la thafonihi mae ihei mae Moses teke rioriso eigna mana ka buka vetula ia, nei hatimare mae profet neke rioriso eigna la mana. Nanghagna na mae Jisas, thugna mae Josep, mae gna ka namono Nasaret.”

Jone 1:17

God neke tusu lao vetula na ka mae Moses. Nu khokofakasai ghe tutuani re neke mei balugna mae Jisas Kraes.

Luku 24:46

Mana ne cheke eghu ka mare, “Igne unha teke chekeni ka grioriso te blahi na, ‘Mae Kraes na mala lehe eghuteuna ka fatilo narane na mana nake kegra fapulo.’

Nodi Khoje Hatimare Mae Jiu 124:8

Lord mae ihei teke vuavuhadi maloa ghe nauthoglu gre ngala te mala togho ghita na.

Nodi Khoje Hatimare Mae Jiu 66:12

Iagho neke snakredi mae naokare neke tapla soru ghami. Eghuteuna ghehati neke ruma haghe ke lamnadi vido te ninhigrana nei puhi biꞌo eghu te jateula khaꞌaghi biꞌo teu ba jateula u nabritha biꞌo. Nu gognaro na iagho kela hata fapulo ghami ka vido te keli.

Nodi Khoje Hatimare Mae Jiu 18:47

Iagho neke foli fapulodihi puhi te diꞌa teke edi ranghi ghau iara nogu naokara. Eghuteuna lilisei soru kmana naikno ke parigu iara.

Esra 8:31

Ka fabotho phei naranegna nhigra ulu lahu igne ghehati jifla ka khoꞌu biꞌo Ahava leghu nabrou ne tei mala tei posa Jerusalem. Eghuteuna God ne au balumi nei reireghi fakeli ghami neu ghehati ka naoka ba iheire te poru teu ka geri nabrou mala blau naikno ba falehe naikno.

Thakle 20:12

Eghuteuna iara ne filodi naikno te gnafa teke lehe ra, mae teke fnakno ba mae teke theome fnakno tifa ra, mare kegra ke ulugna nogna sape nafnakno mae King na. Eghuteuna mare ne tothora bukare mala toutonudi unha teke edi teke mei naikno te gnafare ka nakarhadire. Aonu mare jaola ne tothora nogna buka God na. Mana neke rioriso soru nanghadi naikno te mala karha fabrahu tifa tifa ka buka igne. Mana ne kafe fatedi naiknore leghudi unha teke edi mare re.

Thakle 11:18

Naikno te tirodi fatutuani nigho re ne thofno diꞌatadi fara, nu gognaro la mei nou narane iagho te mala diꞌa tamu na. Igne narane mala fatedi naikno tela lehehira. Igne narane mala tabadi nou mae gloku hatimare mae profet ra baludi nou naikno te gnafa teke ghatho tahu nigho, neuba mare ne mae nafnakno ba theome mae nafnakno. Igne narane te mala paradi naikno teke goigonidi naiknogna nauthoglu igne.”

Fapea Timoti 3:11

Uve, iagho lasenihi, iara neke kabru nei au papara fara kani au teku ka namono Antiok, Aekoniam nei Listra. Nu noda Lord neke togho ghau nei fakarhi ghau ka puhi te gnafa igre.

Matiu 26:24

Iara mae teke mei funu ka God na ginauna lehe jateula te chekeni ka grioriso te blahi ia eghu. Nu kokhonini fara mae ihei nate snakre lao ghau iara ka khamedi nogu naoka iara re. Nabagna na mae tuana jame neke theome karha ngala, naugna mana naꞌau papara fara!”

Luku 16:28

Iara au glima mae thabusigu jare. Mae Lasaros tangomana te kulu cheke ka mae thabusigu iara ra mala doglo mare puhidire, na eghunu mei mare ka namono te kakhabruana igne eghu.’

Mae Khuru 13:29

Mare neke edi ranghini mae Jisas gobigna lepo teke chekedi hatimare mae profet kau grioriso te blahi ia. Ke leghugna te faleheni mare na, mare neke hata soruni mana kau gaju fafatha na neke giugiluni kau gluma na.

Ululahu Korin 15:3

Cheke te ulu fara teke hata iara na tela toutonu arihi iara ka ghotilo ana. Tutuani, nogu cheke iara na igne, mae Kraes na neke lehe mala hata fadeleidi nakhibodare, jateula te chekeni teu kau grioriso te blahi na.

Ululahu Korin 15:4

Eghuteuna mare neke giugiluni mana, eghuteuna God neke fakarha fapuloni mana ka fatilo narane na, jateula te chekeni teu ka grioriso te blahi ia.